Exodus 22:26 - Bible Ni Thothup

²⁶ Fa’an ga ra fek wuru’ e mad rok be’ ni mich riy nra fulweg e salpiy nike fek rom, ma thingar mu fulweg fare mad ngak u m’on ni nge aw e yal’,

Exodus 22:26 Referans Kwoze

Proverbs 20:16

En rib gel e pinat rok ni micheg ni nge thang e malfith rok be’ nde nang owchen, e rdabisiy ni nge digey e gayog rok nge par ni talpen fare malfith ni nge math.

Amos 2:8

Gubin e tagil’ e meybil ma girdi’ riy e yad be mol nga daken e mad ni kar feked rok e pi’in gafgow ni talpen e malfith rorad. Yad ma unum e wayin u lan e tempel ko Got rorad nra feked rok e pi’in ni bay e malfith rorad ngorad.

Deuteronomy 24:6

“Ngiyal’ nra ning be’ ban’en ngom ni ku ra fulweg, ma dab mfek fen e bil flowa rok ngam tay rom ni talpen e richey made fulweg e tirom. Ga ra fek fen fare tabnaw ni yad ma pirdi’iy garad ngay, ma aram e kam fek e n’en ni yad ma pirdi’iy garad ngay ni nge tayrad ni ku yad bfos.

Ezekiel 18:16

ara gafgownag be’, ara iring ban’en rok be’ u fithik’ e yargel. Mma fulweg e n’en ke pi’ be’ ngak ni mich ko n’en nike yib i ning ngak ni nge maruwel ngay nge mu’ me fulweg. Mma pi’ e ggan ngak e en ke yim’ ko bilig, mma pi’ e mad ngak e en ndariy e mad rok.

Ezekiel 18:7

Dar ma sasaliyebnag be’ ara iring ban’en rok be’ u fithik’ e yargel. Ma ra pi’ be’ ban’en ngak ni nge mang mich ko n’en nike yib i ning fa’anem ngak ni nge maruwel ngay nge mu’ me fulweg, ma fare n’em ni ka ni pi’ ngak ni nge mang mich e ma fulweg; mma pi’ e ggan ngak e en nike yim’ ko bilig mma pi’ e mad ngak e en ndariy e mad rok.

Proverbs 22:27

Ya fa’anra dabiyag ni ngam thang, ma mus ko chob rom miyad ra fek.

BABYOR NI JOB 24:3

Yad ma fek e dongki rok e pi’in kanim’ rorad, ma yad ma tel e garbaw rok e en ke yim’ figirngin nge taw ko ngiyal nike thang e malfith rok.

Deuteronomy 24:17

“Mat’awun girdi’en yug boch e nam nge bitir ni kanim’ rorad e dab ni chuweg rorad; ra ning be’ ni bpin nike yim’ e pumo’on rok ban’en ni nge maruwel ngay me fulweg, ma dab mu fek e mad rok ni talpen fare n’en, ni ngan fulweg ngom mfini mpi’ fare mad ngak.

Ezekiel 33:15

ni fa’anra ba yul’yul’ ko thin ni yog nra rin’, fa i fulweg e n’en nike iring rok be’, ma fa’anra tal ni dabki denen me fol ko fapi motochiyel ni mayagnag e yafos, ma dabkun gechignag fa’nem, ya ke yag e yafos ngak.

BABYOR NI JOB 24:9

Girdi’ ni kireb e yad ma fek e madway ni dariy e chitamngin ni nge mang sib miyad fek pifak e pi’in gafgow ni labgen e malfith.

BABYOR NI JOB 22:6

Um fek e mad rok be’ ni walagem ngam pag ndakuriy e mad ni nge yin’, ni nge yan nga puluwon e salpiy rom ni fek ni ku ra sulweg ngom.

BABYOR NI JOB 24:7

Me nep’ miyad mol ndariy e gulgul rorad, dariy ban’en ni nge ayuwegrad ko ulum.

BABYOR NI JOB 34:28

Yad ma motogal ngak e gafgow ngar yorgad ngalang ngak Got, me rung’ag lungrad ni yad be man ayuw.

Psalms 10:14

Machane ga be guy; ga be yaliy e oloboch nge gafgow ma urngin ngiyal’ ni ka mu fal’eg rogom ni ngam pi’ e ayuw. Pi’in dabyag rorad ni ngar ayuwegedyad e ka ra pi’edyad nga pa’am; gubin ngiyal ni ga ma ayweg e pi’in ni ba t’uf e ayuw rorad.

Psalms 34:7

Engel rok e ma matanagiy e pi’in bay madgun SOMOL u wun’rad, me chuwegrad ko riya’.