Exodus 22:21 - Bible Ni Thothup

²¹ “Dab mu gafgow niged ara kireb pa’med nga ba milekag ni be par u fithik’med; ya gimed e ku’um moyed ni gimed bogi milekag u lan fare nam nu Egypt.

Exodus 22:21 Referans Kwoze

Deuteronomy 10:19

Ere nge t’uf romed e girdi’ u yugu boch e nam ni bay u fithik’med, ya um pired u Egypt ni gimed e milekag.

Exodus 23:9

“Dab mu gafgow niged ba milekag; gimed manang fan laniyan’ be’ nib milekag, ya um moyed ni gimed e milekag u lan yu Egypt.

Levitikus 19:33

“Dab um gafgow niged girdi’en yugu boch e nam ni yad be par u lan e nam romed.

Zekariah 7:10

Dab mu gafgow niged e pi’in ke yim’ figirngirad, nge pi’in kanim’ rorad, fa girdi’ nu bang ni yad be par u fithik’med, ara be’ nike t’uf e ayuw rok. Ma dab umu t’ared liben ni ngam gafgow niged bigmed.’

Malaki 3:5

Be ga’ar SOMOL ni Gubin ma Rayag Rok, “Bay gub gu m’ug u fithik’med ni nggu pufthin, ma bay gu welthin nib togopluw ngak e pi’in yad ma pig, nge pi’in yad ma par e girdi’ ni gathi mabgol rorad, nge pi’in yad ma lifith l’ugunrad u tafen e puf oloboch, nge pi’in yad ma ban nag e pi’in yad be maruwel rorad ngu’ur pi’ed puluwrad ni buch’uw, nge pi’in yad ma gafgownag e pi’in ke yim’ figirngirad, nge pi’in kanim’ rorad, nge girdi’ nu bang, nge gubin e pi’in ndarir ted fag.”

Jeremiah 7:6

Dab ku um guyed rogon ni nge fel’ rogomed u puluwon e girdi’ u yugu boch e nam, nge bitir ni kanim’ rorad, nge pi’in ni ppin nike yim’ figirngirad. Dab ku um thanged e pogofan rok e girdi’ ndawori bucheg ban’en u lan e re gin’ey. Dab ku um meybilgad ngak yugu boch e got ni aram e gimed be tay farad, ya ban’en nra kireb nagmed.

Deuteronomy 23:7

“Dab mu dabuyed e pi Edomite; ya gimed girdi’. Ma dab mu dabuyed e pi Egyptian; ya immoy bangiyal’ ni um pired u daken e but’ rorad.

Levitikus 25:35

Fa’anra be par be’ ni ku reb e girdi’ nu Israel ni ba chugur ngom nike gafgow ndabki yag ni nge ayuweg ir, ma thingar mu pi’ e tin bt’uf rok ni bod ni ga be rin’ ngak be’ ni be maruwel rom, ya nge yag ngki i par ni ba chugur ngom.

Exodus 20:2

“I gag fare SOMOL ni Got romed ni gu fekmed nga wuru’ yu Egypt, ni aram e gin ni um sibgad riy.

Jeremiah 22:3

“I Gag SOMOL e kugog ngomed e n’en ni ngam rin’ed nib yal’uw ma bfel’. Ngan ayweg e cha’ ni kan bannag rok e cha’ nike bannag. Dab mu gafgow niged e milekag, nge pi’in kanim’ rorad, ara pi’in ke yim’ figirngirad, ma dab mu thanged e pogofan rok e girdi’ ni dariy ban’en nike bucheg u lan e gin’ey nib thothup.

Deuteronomy 15:15

Thingar mu ted u wun’med ni ummed ni gimed e sib u Egypt me pagmed SOMOL ni Got romed ngam marod nike puf rogomed; aram fan e chiney ni gu be taychilen e re bugithin ney ngomed.

Levitikus 19:13

“Dab mu gafgow niged be’ ara mangita’ ngomed ngu’um feked ban’en rok be’. Dab mu taleg puluwon be’ ko maruwel, ni mus nga ta’reb e nep’.

Levitikus 19:34

Ngongol romed ngorad e nge bod rogon e ngongol romed ngak e girdi’ nu Israel, ngar t’ufgad romed ni bod fanmed t’uf romed. Dab mu paged talin ni um pired u Egypt ni gimed girdi’en yugu reb e nam. I Gag fare SOMOL ni Got romed.

Deuteronomy 1:16

“Ngiyal’ nem e gu fonow nagrad ni lungug, ‘Mmotoyilgad ko yu pa’ i oloboch ni be yib u fithik’ e girdi’ romed. Mi gimed pithig gubin e yu pa’ i oloboch nir ni ta’reb rogon, ndemturug ko oloboch u thilin e girdi’ romed, fa milekag ni yad be par u fithik’med.

Deuteronomy 23:16

Rayag ni mel’eg reb e yochi binaw romed nge par riy, ma dab mu gafgow niged.

Deuteronomy 27:19

“‘Nge bucheg Got wa’athan e en nra sasalpiy mat’wun e pi milekag ni yad be par u fithik’med, nge pi’in kanim’ rorad, nge pi’in ke yim’ figirngirad.’ “Me fulweg e girdi’ ni gubin ni lungurad, ‘Amen!’

Psalms 146:9

Ma yoror ko pi milekag ni yad ma par u daken e but’ rodad; ma ayuweg e pi’in ke yim’ figirngirad nge pi’in kanim’ rorad, machane ma kirebnag wo’en e pi’in kireb.

Ezekiel 22:7

Dakriy bigmed u lan binaw nma liyor ngak e gallibthir rok. Gimed be sasalap ko milekag ma kemang i ta’ ngomed ni gimed be gafgownag e pi’in keyim’ figirnginrad nge bitir ni kanim’ rorad.

Deuteronomy 10:18

Ma guy ni nge par ni ngu’un ayuweg e pi’in kanim’ rorad nge pi’in keyim’ figirngirad; ma t’ufeg e milekag ni yad bay u fithik’ e girdi’ rodad mma pi’ ngorad e ggan nge mad.

Deuteronomy 24:17

“Mat’awun girdi’en yug boch e nam nge bitir ni kanim’ rorad e dab ni chuweg rorad; ra ning be’ ni bpin nike yim’ e pumo’on rok ban’en ni nge maruwel ngay me fulweg, ma dab mu fek e mad rok ni talpen fare n’en, ni ngan fulweg ngom mfini mpi’ fare mad ngak.

BABYOR NI JOB 6:27

Mus ko pi’in pifak e pi tapigpig ni kanim’ rorad ma gimed be giringiy e pow ni nge duwgiliy ko mini’ romed e nge mil suworad ngak, ma kigmed be libeg ni ngam fla’abgad u puluwon e pi tafager nth’abi chugur ngomed!

Isaiah 1:17

mi gimed fil rogon i rin’ e fel’. Mu guyed ni tin mat’aw e nge lebug, mu ayuweged e pi’in yibe gafgow nagrad, mpi’ed mat’wun e bitir ni kanim’ rorad, mi gimed mang yoror rok e pi’in ke yim’ figirngirad.”