Exodus 21:32 - Bible Ni Thothup

³² Fa’anra rugoy fare garbaw ni pumo’on e gagey rok ngak ba sib ni pumo’on ara bpin, ma en ni fak fare garbaw e nge pi’ puluwon ngak e en sib rok facha’ ni guyey e salpiy ni silber, ma fare garbaw ni pumo’on e yira malangnag nge yim’.

Exodus 21:32 Referans Kwoze

Matthew 26:15

me ga’ar, “Fa’anra gu yagnag Jesus ngomed ma mang e gimed ra pi’ ngog?” Ma aram miyad theeg guyey e salpiy ni wasey nib silber ngar pi’ed ngak.

Filippi 2:7

Ya ir e leam rok me pag e fla’ab rok ni gubin, nge fek rarogon ba tapigpig. Mi ni gargeleg ni bod e girdi’, me m’ug ni bod rogon e girdi’;

Genesis 37:28

Ma fa’ani yib bogi ni’ ntachuway’ ni kanog e Midianite ngorad, miyad girengiy Josef u lan fare low ngalang ngar pi’ed nchuway’ ngak fapi girdi’ ni kanog e Ishmaelite ngorad, mi ni pi’ reliw’ yang i silber ngorad ni puluwon, miyad fek Josef nga Egypt.

Exodus 21:31

Fa’anra rugoy ba garbaw ni pumo’on e gagey rok ngak bbulyel ara bochi pagel ma ku ta’ab motochiyel e yira fanay.

Exodus 21:33

“Fa’anra chuweg be’ nib mo’on e upong u daken ba low ara fu’og reb e low ma de upunguy, me mul ba garbaw ni pumo’on ara ba gamanman ni dongki nga langgin,

Jeremiah 32:9

Gu chuw’iy fagi flang rok Hanamel mu gu thabthabilnag e salpiy ni nge yan ngak; me m’ug puluwon ni ragag nge medlip yang e silber.