Exodus 21:26 - Bible Ni Thothup

²⁶ “Fa’anra toy be’ nib mo’on lanmit e sib rok ni pumo’on ara ppin nge luf, ma nge pag fare sib nge chuw nike puf mat’wun nge yan nga puluwon lanmit.

Exodus 21:26 Referans Kwoze

Kolose 4:1

Gimed e pi’in bay e sib romed, mu ngongliyed e tin nib mat’aw ma bfel’ ngak e sib romed. Dab mpaged talin ni ku errogon gimed ni bay be’ u tharmiy ni ir e suwon gimed.

Efesus 6:9

Ma gimed e pi masta e ku ireray e ngongol ni ngam ted ngak e pi’in yad e sib romed; ma ngam talgad ndab ku um k’aringed e marus ngorad. Dab mpaged talin ni gimed nge sib romed e mmil famed ngak ta’ab Masta u tharmiy nta’reb rogon e girdi’ u wan’.

Psalms 10:18

Bay mu rung’ag e meyor rok e pi’in yi be gafgow nagrad nge pi’in kanim’ rorad; bay mu duwgiliy ni yad bfel’, ya nge tal e girdi’ ni dab kur k’arnged e marus ngorad.

Psalms 10:14

Machane ga be guy; ga be yaliy e oloboch nge gafgow ma urngin ngiyal’ ni ka mu fal’eg rogom ni ngam pi’ e ayuw. Pi’in dabyag rorad ni ngar ayuwegedyad e ka ra pi’edyad nga pa’am; gubin ngiyal ni ga ma ayweg e pi’in ni ba t’uf e ayuw rorad.

Psalms 9:12

I Got e der ma pagtalin e pi’in gafgow, der ma pagtalin e meyor rorad; mma gechignag e pi’in yad ma rin’ e kireb ngorad.

Nehemiah 5:5

Gamad ta’bogi girdi’ ngak e tinef e Jew. Gathi ta’reb rogon pifakmad ngak pifakrad nga ferad fel? Machane ke yan i aw ni nggu pi’ed pifakmad ngar manged sib. Boch i pifakmad ni ppin e ka ni chuw’iyrad ni ngar manged sib. Dakriy u gelngimad ni nggu ayweged, kan fek u pa’mad e yungi flang romad nge fi’imad grape.”

Deuteronomy 16:19

Dab ur puf olobochgad nde mat’aw rogon, fa ur folgad ngak boch e girdi’. Ma dab ur feked puluwon e sasalap, ya mus ngak e pi’in yad ba gonop ma yad ba yul’yul’ ni maning e tow’ath owcherad, nma k’aringrad ngar turguyed bogi ban’en nde mat’aw rogon.

Exodus 21:20

“Fa’anra fek be’ nib mo’on baley i gek’iy nge pirdi’iy e sib rok ni pumo’on ara bpin, me yim’ fare sib ni ka ngiyal’nem, ma yira gechignag e re mo’on nem.

Exodus 21:25

ma puluwon e mo’oruf e ku mo’oruf, ma maad’ad e ku maad’ad, ma aban e dumow e ku aban domow.

Exodus 21:27

Fa’anra t’ar reb i nguwelen e sib rok ni bpin ara pumo’on ma nge pag fare sib nge chuw nike puf mat’wun ni puluwon nguwalen nike thay.

Exodus 21:24

puluwon reb e lanmit e ku lanmit, ma reb e nguwol e ku reb e nguwol, ma reb e rifrif u pa’ay e ku reb e rifrif u pa’ay, ma reb i rifrifen ey e ku reb i rifrefen ey,