Exodus 21:20 - Bible Ni Thothup

²⁰ “Fa’anra fek be’ nib mo’on baley i gek’iy nge pirdi’iy e sib rok ni pumo’on ara bpin, me yim’ fare sib ni ka ngiyal’nem, ma yira gechignag e re mo’on nem.

Exodus 21:20 Referans Kwoze

Roma 13:4

Ya ir e tapigpig rok Got ni be maruwel ni fan ngom. Ma fa’anra mu rin’ e tin nib kireb, me ere mu tamdag ngak, ya ri bay gelngin nrayag ni nge gechig nigem. Ya ir e tapigpig rok Got nma gechignag e pi’in ke damumuw Got ngorad ni bochan e yad be rin’ e kireb.

Proverbs 29:19

Dabiyag ni ngam yal’uweg ba sib ni kemus ni nimon. Gomang e ra nang fan e n’en ni ga be yog, machane dabi fol riy.

Deuteronomy 19:21

Mitney e oloboch ni dariy e marnguy riy; e gechig riy e puluwon reb e pogofan e reb e pogofan, ma puluwon reb e lan mit e reb e lan mit, ma puluwon reb e nguwol e reb e nguwol, ma puluwon reb e pa’ef e reb e pa’ef, ma puluwon reb e rifrifen ey e reb e rifrifen ey.

Numbers 35:19

Ma en girdi’en nriyow ba chugur fa’anem nike yim’ e ir e nge milfan ngak nge thang e fan rok fa en ke cham. Ma nap’an nra pir’eg fa’anem ma nge li’ nge yim’.

Genesis 9:6

En nra thang e pogofan rok reb e girdi’ e ku bayi cheal be’ nge thang e pogofan rok. Ya girdi’ e ni ngongliy ni bod ya’an Got.

Genesis 4:24

Fa’anra medlip e pogofan e yira thang ni ngan falbiyen Kain, ma gag e medlipi ragag nge medlip e yira thang ni fa’anra li’eg be’ nggum’.”

Genesis 4:15

Machane me fulweg SOMOL ngak ni ga’ar, “Danga’. Fa’anra li’em be’ ngamum’ ma medlip e pogofan ni yira thang ni nge yan nga puluwon.” Me tay SOMOL e pow nga daken Kain ni be ning chiylen ngak e en nra mada’nag ni dabi li’ ngem’.

Exodus 21:21

Machane fa’anra de yim’ fare sib u lan reb e rran ara l’agruw e rran, ma dab ku ni gechignag fare masta. Ya sib rok nike mul u pa’, e ireram e gechig rok.