Exodus 21:16 - Bible Ni Thothup

¹⁶ “En nra iring be’ nge pi’ nchuway’ ara nge mang sib rok, e yira thang e fan rok.

Exodus 21:16 Referans Kwoze

Deuteronomy 24:7

“Fa’anra cheal be’ nu Israel nge iring reb e girdi’ nu Israel nge mang sib rok fa pi’ nchuway’ nge mang sib, ma ngan thang e fan rok. Aray rogon mi gimed chuweg e biney e kireb u lan e nam romed.

1 Timothy 1:10

ma fan ngak e pi’in yad ma darngal, ma fan ngak e pumo’on nma darngalnag e pumo’on, nge pi’in yad ma iring e girdi’, ma fan ko pi’in yad ma lifith l’ugunrad ma yad ma pi’ e thin ni nge mang mich nde riyul’ ara rrin’ed ban’en nib togopluw ko bin nib riyul’ e machib.

Genesis 37:28

Ma fa’ani yib bogi ni’ ntachuway’ ni kanog e Midianite ngorad, miyad girengiy Josef u lan fare low ngalang ngar pi’ed nchuway’ ngak fapi girdi’ ni kanog e Ishmaelite ngorad, mi ni pi’ reliw’ yang i silber ngorad ni puluwon, miyad fek Josef nga Egypt.

Genesis 40:15

Ya ni fekeg ko nam rok e Hebrew nda nnangeg, mu roy e da gu rin’ ban’en nib kireb riy ni gomanga ir tapgin ni ngan teg nga kalbus.”

Revelation 18:12

dakuriy be’ ni be chuw’iy e gol rorad, nge silber rorad, nge gubin mit e malang nib tolang puluwon ni bay rorad, nge churuwo’ nu l’ugun e yar; nge chugum rorad ni mad nib wechwech, nge mad nib ra’en purple, nge mad ni silk, nge mad nib ra’en scarlet ni bmit e row; nge urngin mit e ren nib mo’maw’ ni ngan pir’eg, nge urngin mit ban’en nni ngongliy u nguwelen e elefant nge tin nni ngongliy ko ren nib tolang puluwon, nge tin nni ngongliy ko wasey ni bronze, nge wasey, nge malang ni marble;

Exodus 20:15

“Dab mmoro’ro’.

Exodus 21:15

“En nra math pa’ ngak e chitamngin ara chitiningin, u fithik’ e yargal, e yira thang e fan rok.