Exodus 21:1 - Bible Ni Thothup

¹ “Mu pi’ e pi motochiyel ni ba’aray ngak piyu Israel:

Exodus 21:1 Referans Kwoze

Deuteronomy 4:14

I SOMOL e weliy ngog ni nggu fil ngomed urngin fapi motochiyel ni ngu’um folgad riy u lan e re nam ni dabki n’uw nap’an mi gimed yan ngay ngam koled ngam tafned.

Deuteronomy 6:20

“Tin bayi yib e duw e ra fithmed pifakmed ni lungurad, ‘Mangfan ni yog SOMOL ni Got rodad ngomed ni ngu’um folgad ko urngin e pi motochiyel ney?’

1 Thessalonika 4:1

Pi walagmad ni girdi’en Kristus, kabay aray ta’a ban’en, kam filed romad rogon ni ngu’um pired nib m’agan’ Got ko n’en ni gimed be rin’ ma bmuduwgil ni aray rogon ni gimed be par. Ere chiney e gamad be wenig ngomed ma gamad be ta’mad ngomed u fithingan Somol ni Jesus ni ngam athamgilgad boch.

Matthew 28:20

mi gimed fil ngorad rogon ni ngu’ur folgad u gubin e tin kugog ngomed ni ngu’um rin’ed. Ma dab mpaged talin ni gubin ngiyal’ ma gu bay romed, nge yan i mada’ nga tomuren e fayleng.”

Malaki 4:4

“Mu leam niged e pin’en ni i machibnag e tapigpig rog i Moses, ni fapi motochiyel nge fonow ni gu pi’ ngak u daken e Burey ni Sinai ni fan ngak urngin e girdi’ nu Israel ni ngar folgad riy.

Ezekiel 20:25

“Ma aram ma gu pi’ e motochiyel ngorad nde fel’ nge thin ndar ma pi’ e yafos.

Ezekiel 20:11

Gu pi’ ngorad e thin rog ma gu fil e motochiyel rog ngorad, nra fek e yafos i yib ngak e en nra fol riy.

Psalms 147:19

Ma pi’ e thin rok ngak e girdi’ rok, ni pi fanow nge motochiyel rok ngak yu Israel.

Nehemiah 10:29

aram e gamad be dachug ngak e pi tayugang’ romad kug micheged u fithingan Got, ma ra buch waathmad ni fa’an gamad ra thilyeg e tin ke ta’reb lungumad ngay, ya ngug pired nrogon ni bay ko Motochiyel rok Got ni pi’ u daken Moses ni tapigpig rok; ma gamad ra fol u urngin e tin keyog SOMOL ni Somol romad ngomad ni nggu rin’ed; ma gamad ra fol u urngin e pi motochiyel rok nge tin keyog nthingar gu rin’ed.

2 Kronicles 19:10

Re ngiyal’ nra yibnag reb e girdi’ romed ni be’ u reb e pi binaw ney ba pa’ i oloboch ngomed ni murung’agen e mathang pogofan ara reb e pi motochiyel ni kan th’ab, ma thingar mogned ngorad rogon e n’en ni ngu’ur rin’ed ko ngiyal’ ni yi be pithig fare pa’ i oloboch, ya nge dabi buch e rorad ni fan e yad be denen nib togopluw ngak SOMOL. Fa’anra dab mu rin’ed ni aray rogon, me gimed nge girdi’ romed e gimed ra thamiy gelngin e damumuw rok SOMOL. Ma fa’an gimed ra rin’ e maruwel romed ma dabi buch e romed.

1 Kings 6:12

“Fa’anra um fol ko pi motochiyel rog nge tin kugog ni ngu’um rin’, ma gu ra rin’ ngom e tin gu micheg ngak e chitamam i David.

Deuteronomy 6:1

“Irera’ urngin fapi motochiyel ni SOMOL ni Got romed e keyog ngog ni nggu fil ngomed. Ngu’um folgad riy u lan e re nam ni ba’aram ni ngam marod ngay ngam pired riy.

Deuteronomy 5:31

Machane, gur Moses e ngam par rog u roy, ma bay gu pi’ urngin e pi motochiyel rog ngom, nge urngin e tin kug taychilen. Mu fil e pin’ey ngak e girdi’, ya nge yag ni ngu’ur folgad riy u lan fare nam ni bay gu pi’ ngar tafned.’

Deuteronomy 5:1

Me pining Moses urngin fapi girdi’ nu Israel nga ta’bang me ga’ar ngorad, “Girdi’ nu Israel, motoyilgad nga urngin e pi motochiyel ni nggu pi’ ngomed e daba’. Mu filed ma nopa’med ni ngu’um folgad riy.

Deuteronomy 4:45

Nga tomuren ni karbad nga wuru’ yu Egypt ni yad bay ngalan e loway u ngek ko lul’ nu Jordan, ni bay fare binaw ni Bethpeor nga barba’ riy, me pi’ Moses e pi motochiyel ney ngorad. Gin’ey e immoy ko gin ba milsuwon ngak Sihon ni Pilung ko Amorite, ni ir e i gagiyeg u lan fachi binaw nu Heshbon. I Moses nge girdi’ nu Israel e ra gelgad ngak u nap’an nra chuwgad u Egypt.

Deuteronomy 4:8

Dariy reb e nam u bang nib sorok ni bay e motochiyel rok ni bod feni yal’uw e tiney e motochiyel ni kug fil ngomed e daba’.

Deuteronomy 4:5

“Kug fil ngomed urngin fapi motochiyel nrogon ni yog SOMOL ni Got rog ngog ni nggu fil ngomed. Ngu’um folgad riy u lan e re nam ni ba’aram ni ngam koled ngam pired riy.

Numbers 36:13

Irera’ e pi gafal nge pi gam’ing ni pi’ SOMOL ngak yu Israel u daken Moses u lan e tafel’fel’ u Moab u charen e lul’ nu Jordan ni bay’ yu Jeriko nga barba’ riy.

Numbers 35:24

Ra buch ban’en ni arrogon ma girdi’ ko fare binaw e ngar turguyed ni bfel’ e rok fa’anem ni ir tapgin e yam’ ni tay facha’ ma dab ra folgad nga girdi’en fare yam’ ni karbad ni ngar filed biyen.

Levitikus 20:22

Ke ga’ar SOMOL, “Mu folgad ko urngin e pi motochiyel rog nge tin kugog ni ngam rin’ed, ya nge dab i sul’ugun nagmed fare nam ni ku gu fekmed ngay.

Levitikus 19:37

Ngu’um folgad u urngin e pi motochiyel rog nge pin’en ni kugog ni ngu’um rin’ed. I Gag fare SOMOL.”

Levitikus 18:26

Ra ngongliyed urngin e pin’ey nib sonogor ngar ta’ay niged fare nam, machane gimed e thingar dab mu rin’ed e pin’em. Gimed gubin ndemturug ko gimed piyu Israel ara girdi’ nu bang ni yad be par u fithik’med nthingar mu folgad ko fapi motochiyel rok SOMOL nge tin keyog ni ngan rin’,

Levitikus 18:5

Mu folwokgad ko tin kug duwgiliy ni ngu’um rin’ed nge pi motochiyel ni kug pi’ ngomed; gimed ra rin’ ni aray rogon migmed par ni dabi buch banen romed. I Gag SOMOL.”

Exodus 19:7

Ma aram me yan Moses nge pining e pi’in yad ma yog e thin rok piyu Israel ngar mu’ulunggad, me weliy ngorad urngin e pin’en nike weliy SOMOL ngak ni ngar rin’ed.

Deuteronomy 15:12

“Fa’anra be’ nu Israel, ni be’ nib pumo’on fa be’ ni bpin, nike pi’ ir ni chuway’ ni nge mang sib rom, mra pigpig rom u n’el e duw. Ma nap’an nra yan ngalan e bin medlip e duw, ma dabisiy ni ngam pag nge yan nike puf matwon.