Exodus 20:9 - Bible Ni Thothup

⁹ Thingar mmuruwliyed urngin e maruwel romed u lan nel’ e rran,

Exodus 20:9 Referans Kwoze

Luke 13:14

Ma cha’ nib tolang ni ir e ma tay murung’agen tafen e mu’ulung e damumuw ni fan e ke golnag Jesus e m’ar ko chirofen nem ni Sabbath; ma aram me non ngak e girdi’ ni ga’ar, “Nel’ e rran ni bay ni ir e ngad maruwelgad riy; ere mired e girdi’ u lan e pi rran ney ngan gol nagmed ko m’ar, machane gathi rofen ni Sabbath.”

Exodus 34:21

“Nel’ e rran ni bay ni ngam rin’ e maruwel rom, machane dariy ba maruwel ni ngam rin’ ko bin medlip e rran, ni demturug ko nap’an ni yibe gi’ e but’ ara nap’an ni yibe t’ar wom’ngin e woldug.

Exodus 23:12

“Nel’ e rran ni ngam muruliyed e maruwel romed, machane rofen ni medlip ngay e ngam toffangad, ya nge yag ni toffan e pi sib, nge pi milekag ni yad be maruwel romed, nge pi gamanman romed.

Levitikus 23:3

Nel’ e rran ni ngam marwelgad, ma dab mpaged talin ni rofen ni medlip, aram e rofen ni Sabbath, ni yaran e toffan. Rofen nem e dab marwelgad, machane ngambad nga ta’bang ngam ted fan SOMOL. Demturug e gin gimed be par riy ma binem e rran e Sabbath rok SOMOL.

Exodus 35:2

Nel’ e rran ni ngam ngongliyed e maruwel romed, machane rofen ni medlip e ngam ted nib thothup ya yaran e toffan ni ni aram e re rran ni ngan ognag ngog, i Gag SOMOL. Yug en nra ngongliy ba maruwel ko rofen ney e yira thang e fan rok.

Exodus 16:26

Thingar mu kunuyed ni nel’ e rran, machane chirofen nra gaman e medlip ngay, ni aram e rofen ni Sabbath e dab ni pir’eg e ggan.”

Exodus 31:15

Nel’ e rran ni ngam muruwliyed e maruwel romed, ma rofen ni gaman e medlip ngay e yaran e toffan ni kug turguy kan ognag ngog. Ma en nra maruwel ko rofen ney e yira thang e fan rok.

Exodus 35:3

Mus nga bochi nifiy ma dab mu ko’oreg u tabnaw romed ko rran ni Sabbath.”

Deuteronomy 5:13

Nel’ e rran ni ngam marwelgad riy,

Ezekiel 46:1

I SOMOL ni Th’abi Tolang e be ga’ar, “Bin ngek e garog ko thal ni langgin e yoror e ngan tay nib man u nap’an fa n’el i rran ni bay e maruwel, machane yira bing ko rofen ni Sabbath nge rofen ni bay e Madnom ko M’ug e Pul.