Exodus 20:8 - Bible Ni Thothup

⁸ “Mu ted fan e Sabbath mi gimed tay nib thothup.

Exodus 20:8 Referans Kwoze

Levitikus 26:2

Ngu’um ayweged e pi madnom rog ni kan turguy, mi gimed mathangeluwolnag e gin tagil’ e liyor ngog. I Gag SOMOL.

Levitikus 19:3

Ra bigimed ma thangri tay fan e chitningin nge chitmangin, ma ngam ayuweged e madnom ko Sabbath, ni bod rogon ni kugog; ya Gag e SOMOL ni Got romed.

Genesis 2:3

Me thothupnag e bin medlip e rran nge tay ni reb e rran nib thil nga urngin e rran, ni bochan e chirofen nem e lebguy e tin i sunumeg me tal ko maruwel.

Levitikus 23:3

Nel’ e rran ni ngam marwelgad, ma dab mpaged talin ni rofen ni medlip, aram e rofen ni Sabbath, ni yaran e toffan. Rofen nem e dab marwelgad, machane ngambad nga ta’bang ngam ted fan SOMOL. Demturug e gin gimed be par riy ma binem e rran e Sabbath rok SOMOL.

Levitikus 19:30

Um ayuweged e madnom ko Sabbath, mi gimed tafan e gin yima liyor ngog riy, ya Gag e SOMOL.

Exodus 23:12

“Nel’ e rran ni ngam muruliyed e maruwel romed, machane rofen ni medlip ngay e ngam toffangad, ya nge yag ni toffan e pi sib, nge pi milekag ni yad be maruwel romed, nge pi gamanman romed.

Genesis 2:2

Ma chirofen ni gamen e medlip e rran ngay e mu’ Got ko tin i ngongliy, ma aram e chirofen ni tal ko maruwel.

Deuteronomy 5:12

“‘Mu ayuweged e rran ni Sabbath ngam ted nib thothup, ni bod ni Gag SOMOL ni Got romed e kug taychilen ngomed.

Nehemiah 9:14

Mmachibnag ngorad rogon ni ngar ayuweged e pi sabbath rom nib thothup, u pa’ Moses ni tapigpig rom e mu pi’ fapi motochiyel rom riy ngorad.

Nehemiah 13:15

Ngiyal’ nem e ug guy e girdi’ u Judah ni yad be uduy logowen e grape ko rofen ni Sabbath. Ma boch i yad e be af e grain, nge wayin, grape, fig, nge ku boch ban’en nga daken e dongki ngar feked ngalan yu Jerusalem; mug ginangrad ni dab ra pi’ed ban’en ni chuway’ e rofen ni Sabbath.

Isaiah 56:2

Gu ra fal’eg wa’athan e pi’in yad ma tay fan e Sabbath ni darir m’ay niged fan. Bay gu fal’eg wa’athan e pi’in darir rin’ed ban’en nib kireb.”

Jeremiah 17:22

ara rifeked ban’en nga wuru’ e naun rorad e rofen ni Sabbath. Thangri dabra maruwel gad e rofen ni Sabbath; thingar ra ted ni reb e rran nib thothup, ni bod ni gu ta’chiylen ko pi chitamangirad.

Jeremiah 17:24

“Mog ko pi girdi’ ney ni thingar ra ted gubin e tin ku gu ta’chiylen u gil’. Thangri dabra feked ban’en nib tomal ngalan e garog ko re binaw ney e rofen ni Sabbath. Thingar ted fan fare Sabbath ni bod reb e rran nib thothup ma thangri dab rin’ed ba maruwel.

Exodus 31:12

Miki yog SOMOL ngak Moses

Exodus 35:1

Me kunuy Moses gubin fapi girdi’ nu Israel nga ta’bang me ga’ar ngorad, “Ba’aray e pin’en keyog SOMOL ni ngam rin’ed:

Numbers 15:32

Nap’an ni bay e girdi’ nu Israel u daken fagi ted, me reb e Sabbath mi ni pir’eg be’ nib mo’on ni be kunuy e l’ud.

Isaiah 58:13

Be ga’ar SOMOL, “Fa’anra um ayuwegned fare rran ni Sabbath ngu’um ted nib thothup, me siy um leam niged e win ni nge yib ngomed e rofen nem; me yib fan u wun’med e birog e rran nib thothup mi gimed tay fan nge siy um milekaggad e rofen nem, mi gimed pag e maruwel, me siy ku mu weliyed e thin nib m’ay fan,

Jeremiah 17:21

Mog ngorad ni fa’anra ba t’uf rorad e yafos rorad, ma thingar dabra feked ban’en nib tomal ko rofen ni Sabbath; ma thingar dabra feked ban’en nga langgin fapi garog nu Jerusalem

Ezekiel 20:20

Mu ted e Sabbath ni reb e rran nib thothup, ya nge mang ba pow ko m’ag u thildad, me puguran ngomed ni Gag SOMOL ni Got romed.