Exodus 20:5 - Bible Ni Thothup

⁵ Dab mu siro’gad ara mu pigpiggad ngorad; ya gag fare SOMOL ni Got romed, mi gag ba Got ni gu ba talyeg. Gu ra fek e gechig i yib nga daken e pi’in yad be fanenikayeg nge nga daken pifakrad nge mada’ ko bin dalip e mfen.

Exodus 20:5 Referans Kwoze

Numbers 14:18

‘I Gag SOMOL e ba sowath e damumuw nma yib ngog, ma gu ma dag nrib t’uf e girdi’ rog ma gub yul’yul’, ma gu ma n’ag fan e denen nge togopluw ni yima tay ngog. Machane dariy e n’en rarin’ mug pag ni dabgu gechignag e btir nge pifakrad nge pifak pifakrad nge mada’ ko bin dalip nge aningeg e mfen ni bochan e kireb ni i ngongliy e gallibthir.’

Deuteronomy 5:9

Dab mu siro’gad nga ba liyos ara um tedfan, ya Gag SOMOL ni Got romed e dab gu pag yug reb e kan nge tagenging ngog. Ma pi’in yad be fanenikayeg e gu ra gechig nagrad nge pifakrad nge yan i mada’ ko bin dalip nge aningeg e mfen.

Deuteronomy 4:24

ya SOMOL ni Got romed e bod ba nifiy ni be daramram. Dabun yug reb e kan ni nge tagenging ngak.

Exodus 34:14

“Dab mu tedfan yug reb e got, ni bochan e Gag SOMOL e dagurma k’adan’ug ko tagenging.

Joshua 24:19

Me ga’ar Joshua ngorad, “Dabiyag ni ngam pigpiggad ngak SOMOL, ya ir ba Got nib thothup ma ba taliyeg. Dabi n’ag fan u wan’ e denen romed nge kireb;

Psalms 109:14

Mang e yigi yib ngan’ SOMOL e kireb rok e pi ga’ rok kakrom, me pag ni dabi n’agfan e denen rok e chitiningin bi’id.

Joshua 23:7

ma aram e dab um ma’thukgad nga girdi’en e pi nam ney ni yad be par u fithik’med ara un fithingan e pi got rorad u l’ugunmed ara mu micheged ban’en u fithingan e pi got rorad ara mu ted farad ara mu siro’gad ngorad.

Deuteronomy 6:15

Ya fa’an gimed ra rin’, ma damumuw rok SOMOL e ra yib ngomed ni bod ba daramram nib gel nge thirifmed u but’, ya SOMOL ni Got romed, ni ir e bay romed e dabiyag ni nge k’adan’ ni fa’an gimed ra togopluwnag reb e got ngak.

Nahum 1:2

I SOMOL ni Got e dabiyag ni nge k’adan’ ko pi’in yad ma tagenging ngak; ma gechignag e pi’in yad ma togopluw ngak. Ma sulweg taban ngorad u fithik’ e damumuw rok.

Jeremiah 32:18

Kam dag gelngin e t’ufeg rom ngak bokum biyu’ e girdi’, machane kag ma gechignag e girdi’ ni bochan e denen rok e gallabthir rorad. I gur e gab Got nib gab ga’ ma ba gel gelngim; I gur e SOMOL ni Gubin ma Rayag Rok.

Numbers 14:33

Pifakmed e bay ur derawgad u daken e ted ni aningeg i ragag e duw, bay ur gafgowgad ni bochan e da um yul’yul’gad ngog, nge yan i mada’ ko ngiyal’ ni nge yim’ e aromed ni ir e tomur ni nge yim’.

Psalms 79:8

Dab mu gechig nagmad ni bochan e pi denen ko pi chitamangimad kakrom. Mu runguymad e chiney; ya dakriy e lagan’ romad ngabang.

Exodus 23:24

Dab mu siro’gad ara mmeybilgad ara mu pigpiggad ngak e pi got rorad. Ma dab mu uned ko pi yalen e taliw rorad. Mu thirifed e pi got rorad u but’ mi gimed t’ar nga but’ e yu raba’ i malang rorad nib tabgul.

James 4:4

Gimed e pi’in nda myul’yul’gad ngak Got! Da mu nanged ni fa’anra mfagergad ko fayleng ma aram e kam manged to’ogor rok Got? Cha’ nra finey ni nge mang fager rok e fayleng e aram e ke tay ir ni ir e to’ogor rok Got.

Roma 8:7

Ere be’ e ra mang to’ogor rok Got ni fa’anra par laniyan’ ni tin nib kireb ni be yim’ ni bochan e ir e be gagiyegnag laniyan’ fa’anem; ya aram e der fol ko motochiyel rok Got, ma bin riyul’ riy e dabiyag rok ni nge fol riy.

Roma 1:30

ma yad be thibthibnag e girdi’; ma yad e to’ogor rok Got, ma ba kireb e thin rorad, ma yad ba tolngan’, ma yad ba ufanthin; ma yad ma leamnag bo’or e kanawo’ ni ngar ngongliyed e kireb riy; ma darir folgad rok e gallibthir rorad;

Jeremiah 2:9

“Ere Gag SOMOL e bay gog bayay e tin gu be togopluwnag ngak e girdi’ rog. Bay gu fek i yib e pin’en ni nggu togopluwnag ngak e pi’in owcharad.

Isaiah 44:19

En nma ngongliy e liyos e dariy e leam rok ni nge ga’ar, “Yu yang ko gi ren ney ni kug ngongliy e liyos riy e kug urfiy boch e flowa u daken k’afin, ma kug urfiy e ufin ngay kug longuy. Ma gin ni magey ko fa gi gek’iy e kug ngongliy ba liyos riy. Kug par ni gu be siro’ nga bangi gek’iy!”

Isaiah 44:15

Bayi n’en me fek be’ bangi ren nge fanay bang riy ni l’ud, me fek bang riy nge ngongliy e liyos riy. Bang riy e ke fek ke k’oreg e nifiy ngay ni nge ror ngay me lith e flowa ngay. Me ngongliy ba liyos ko gin ke magey riy ngi i meybil ngay!

Psalms 81:15

Pi’in yad be fanenikeg e bay ra siro’gad u fithik’ e marus u p’eowcheg; gechig rorad e dariy n’umngin nap’an.

BABYOR NI JOB 5:4

Pifakrad e dabiyag ni nge dabi buch ban’en rorad; dariy be’ nra ayuwegrad u tafen e puf oloboch.

2 Kings 23:26

Machane yugu aram rogon ma de tal e damumuw rok SOMOL ngak yu Judah ni bochan e kireb ni ngongliy Manasseh ni Pilung kakrom.

2 Kings 17:35

I SOMOL e ke ngongliy ba m’ag u thilrad ma ke ga’ar ngorad: “Dab mu meybilgad ngak yug boch e got; dab mu siro’gad fa mu pigpiggad ara mu pi’ed e maligach ngorad.

1 Kings 21:29

“Kam guy nga rogon nike sobut’nag Ahab ir u p’eowcheg? Bochan e ke yodoro’, ma aram e dab kug girengiy e riya’ nga daken u nap’an e yafos rok; machane ba pagel ni fak e bay gu girengiy e riya’ nga daken e tabnaw rok u nap’an e par rok ko biney e tamilang.”

2 Samuel 21:6

Ere mu pi’ medlip e pumo’on ni owchen Saul ngomad, nggu uchuliyed yad u mit SOMOL u Gibeah, ni fare binaw rok Saul, ni SOMOL e mel’eg ni nge pilung.” Me fulweg fare pilung, ni ga’ar, “Bay gu pi’rad ngomed.”

2 Samuel 21:1

Ngiyal’ nib pilung David me yib ba uyngol nib gel ni dalip e duw nap’an. Me fith David laniyan’ SOMOL riy, me ga’ar SOMOL, “I Saul nge chon e tabnaw rok e bbuch e rorad ko mthang pogofan; ke thang e fan rok e girdi’ nu Gibeon.” (

Deuteronomy 32:21

Tayfan ni yad be tay ko pi liyos rorad e ke karing e puwan’ ngog, gu damumuw ni bochan e yad be meybil ngak yug boch e got ni gathi yad e got. Ere bay gu gagiyegnag ba nam nib balyang girdi’en ngar k’aringed e puwan’ ngorad, ba nam ndariy rogon e girdi’ riy e bay gu maruwel ngorad ngar damumuwgad ni bochrad.

Deuteronomy 7:10

machane dabi tuntun ni nge gechignag e pi’in ni dubrad daken. Gathi bayi sowath ni nge rin’, ya ra rin’ nib machreg.

Levitikus 26:29

Ma bayi gel e uyngol ngomed ngam longyed pifakmed.

Levitikus 26:1

I SOMOL e ga’ar, “Dab mu ngongliyed e liyos ara mu n’ufed ya’an ban’en ngalang, ara mu n’ufed barba’ i malang ngalang, ara mu kired ya’an ban’en ko malang ngam tedfan. I gag SOMOL ni Got romed.

Levitikus 20:5

me gag rog e bay gu cheal nggu togopluw ngak facha’ nge tabnaw rok, nge urngin e pi’in kar’uned ngak yad be tayfan Molek ni da ku rir yul’yul’gad ngog. Dakuriy bi’id ni gu ra leam nagrad ni yad e girdi’ rog.

1 Korinth 10:22

Fa gadad ba’adag ni ngad k’aringed e damumuw ngak Somol? Gimed be leamnag ma gadad ba gel ngak?

John 15:18

“Fa’anra fanenikaymed e girdi’ nu fayleng, ma thingar mu nanged ni gag e som’on ni ar fanenikayed gag.

John 7:7

Ya girdi’ nu fayleng e dabiyag ni ngar fanenikayed gimed, machane gag e yad be fanenikayeg, ni bochan e gu be yog ngorad nib tagan e ngongol rorad.

Matthew 4:9

Me ga’ar fare mo’onyan’ ngak, “Fa’an ga ra ragbug nga but’ ngam tayfag mu gu pi’ e pin’ey ni urngin ngom.”

Daniel 1:2

Me gagiyegnag SOMOL Nebukadnezzar nge kol Jehoyakim ni Pilung me fek boch e machaf u Tempel. Me fek boch e kalbus nge un ngak nga tempel ko pi got rok u lan yu Babylon, me tay fapi machaf ni fek ngalan e pi senggil ni yima chubgil riy u lan fare tempel ko pi got rok.

Ezekiel 8:3

Me k’iyag ban’en ngog ni bod rifrifen pa’ be’ nge malle’ nga piyen lolugeg. Kab pig owcheg me chibiyeg e kan nthothup rok Got nib tolang nge fekeg nga Jerusalem. I fekeg ko bin lel’och e garog ko Tempel nga langgin e yoror ko gin bay ba liyos riy ni rib tharthar nga mit Got.

Proverbs 8:36

Ma en ndabi piri’egeg e ra i gafgownag ir; ma en ni be fanenikayeg e ba’adag e yam’.”

Psalms 78:58

Ra k’aringed e damumuw ngak ko yungi n’en ni yad be tayfan boch e got riy, nge pi liyos rorad ni kari gelnag e damumuw ngak.

BABYOR NI JOB 21:19

Gimed be yog nma gechignag Got ba bitir ni bochan e denen rok e chitamngin. Danga’! Ngan pag Got nge gachignag e pi tadenen; ni bochan e yad e denen rorad.

2 Kronicles 25:14

Nap’an ni sul Amaziah nike gel ngak piyu Edom, me fek e pi liyos rorad nge un ngak, me tay ngalang ngi i tay farad, mi i urfiy e incense ni fan ngorad.

2 Kings 17:41

Ma aram ma fapi girdi’ e ur liyorgad ngak SOMOL, ma ku yad be meybil ma yad be tayfan e pi liyos rorad ni yad ma meybil ngay; ma ke mada’ ko daba’ ma pi’in owcherad e ka yad be rin’ ni ka aray rogon.

Judges 2:19

Ma yug nap’an nra yim’ e en i gafaliyrad, me sul fa pi girdi’ nga panginrad ngar ngongolgad nib gel e kireb riy ko bin ke thumur e mfen. Miyad pigpig ma yad be tayfan yug boch e got, miyad pi’ nga daken ngu’ur rin’ed e kireb.

Joshua 23:16

Fa’anra dab mu ayuweged fare m’ag nike yog SOMOL ni Got romed ni ngam ayuweged, ma gimed be pigpig ma gimed be tayfan yug boch e got, ma aram e ra gechig nagmed u fithik’ e damumuw rok, ma dabi n’uw nap’an ma dakuriy ta’ab gimed ni kura magey u lan e re nam ney nib manigil nike pi’ ngomed.”

Deuteronomy 32:41

ni bay gu uthum e saydon rog nib galgal ram’en, mu gu pi’ e gechig nrogon. Bay gu fulweg taban e kireb ngak e pi to’ogor rog, ngug gechignag e pi’in ur fanenikayed gag.

John 9:2

Me fith pi gachalpen ngak ni lungurad, “Tamchib, cha’nem nni gargeleg ma bmalmit e mini’ e puluwon e denen rok e yodoromnag? Denen rok ara denen ko gallibthir rok?”

Deuteronomy 5:10

Machane pi’in gu bt’uf rorad ma yad ma fol ko pi motochiyel rog e bay gu dag e t’ufeg rog ngorad ni bokum biyu’ e mfen.

1 Kings 19:10

Me fulweg ni ga’ar, “SOMOL ni Got ni Gubin ma Rayag Rom, ka faram i yib ke mada’ ko chiney ni kemus ni gur e gu be pigpig ngom, machane girdi’ nu Israel e kar th’abed e m’ag u thilmed, ma kar buthuged e pi altar rom, ma kar thanged e pogofan rok urngin e pi profet rom. Kemus ni gag e kug magey, ma yad be guy rogon ni ngar thanged e pogofan rog.”

Ezekiel 18:19

“Machane bay mfith ni lungum, ‘Mangfan ndabi gafgow fare pagel ni bochan e denen rok e chitamngin?’ Fulweg riy e fare pagel ni fak e i rin’ e tin nib mat’aw ma bfel’. I tiyan’ ko pi motochiyel rog ngi i fol riy, ere mmudugil nra par nib fos.

Ezekiel 20:7

Gog ngorad ni ngar n’aged e pi liyos rorad nib sunsonogor nib t’uf rorad nge dab ku ra alit niged yad ko pi got rok yu Egypt ni go’ bogi ban’en ni bochan e Gag SOMOL ni Got rorad.

Ezekiel 39:25

I SOMOL ni Th’abi Tolang e ga’ar, “Machane chiney e bay gu par ni bay e marnguy rog nga daken e pi’in owchen Jakob, ni fapi girdi’ nu Israel, ma bay gu gagiyegnag ngar fla’abgad bayay. Bay gu yororiy fithingag nib thothup.

Numbers 25:11

“Bochan e n’en nike rin’ Finehas, ma kem’aynag e damumuw rog ngak e girdi’ nu Israel. Ya deyag rok ni k’adan’ ko tayfan ni yibe tay ngak yug reb e got ni gathi gag, aramfan ni da gu thang owcharad u fithik’ e damumuw rog.

2 Kings 5:18

Mi SOMOL e nge runguyeg nge n’agfan rog e ngiyal’ nra yan e pilung rog riy nga tempel rok Rimmon, ni fare got nu Syria, ni nge tayfan, mma todong nga paag, ma gu ma un ko siro’ u lan e re tempel rok Rimmon nem. I SOMOL e nge n’ag fan rog e binem e ngongol.”

2 Kings 5:27

Ma daraw rok Naaman e bay yib ngom nge pi’in ni owchem ni dariy n’umngin nap’an.” Me chuw Gehazi u p’eowchen Elisa nike daraw, nge yan ni kari wechwech downgin ni bod ra’en e ayis nma mul u lang nga but’.

2 Kronicles 7:19

Machane fa’anra dab mu fol nge pi girdi’ rom ko pi motochiyel nge tin kugog ngomed mi gimed tayfan yug boch e got,

Ezekiel 18:2

I ga’ar, “Be mang e re bugithin ni ba’aray nike par e girdi’ ni yugu yad be yog u lan e nam nu Israel ni be lungurad, ‘Gallibthir e kar unumew e grape ni mugunin, ma pifakrow e ke mur’mur’ nguwelenrad.’”

Daniel 3:18

Machane fa’anra dabi ayuwegmad, me gur pilung e nga mu nang ndab gu ted fan e birom e got, ma dab gu siro’gad ko fare liyos ni gol ni kam n’uf ngalang.”