Exodus 20:4 - Bible Ni Thothup

⁴ “Dab mu ngongliyed ya’an ban’en u tharmiy fa daken e fayleng fa fithik’ e ran u tan e but’.

Exodus 20:4 Referans Kwoze

Levitikus 26:1

I SOMOL e ga’ar, “Dab mu ngongliyed e liyos ara mu n’ufed ya’an ban’en ngalang, ara mu n’ufed barba’ i malang ngalang, ara mu kired ya’an ban’en ko malang ngam tedfan. I gag SOMOL ni Got romed.

Deuteronomy 5:8

“‘Dab mu ngongliyed ya’an ban’en u tharmiy ara u daken e fayleng fa fithik’ e ran u tan e but’ ni fan ngomed.

Psalms 97:7

Ra tamra’ urngin e pi’in yad ma tayfan e pi liyos; gubin e got ni yad ra siro’ u p’eowchen SOMOL.

Levitikus 19:4

“Dab mu pi’ed keru’med ngog ngam tedfan e pi liyos, ma dab mu ngongliyed e pi got ko wasey ngam ted farad. I Gag SOMOL ni Got romed.

Acts 17:29

Ere fa’anra gadad pifak, ma dab da tafinay niged ni Got e bod e liyos ni kan ngongliy ko gol ara silber ara malang, ni bod rogon nike leamnag e pi’in yad ba salap i ngongliy ban’en kar ngongliyed.

Deuteronomy 27:15

“‘Nge bucheg Got wa’athan e en nra ngongliy ya’an ban’en ko malang, ara gek’iy, ara wasey ngi i tayfan nib mith; ba fanenikan SOMOL ni yima tayfan yug boch e got.’ “Me fulweg e girdi’ ni gubin ni lungurad, ‘Amen!’

Revelation 16:2

Me yan e bin m’on e engel nge yan i pu’og e ba’ rok e plet nga daken e fayleng. Me for e malad nrib tagan ma ba gel e amith riy u downgin e pi’in ni bay e pow ko fare gamanman u dowrad, nge pi’in ni ur ted fan ma yad be meybil ko fare liyos nni ngongliy ni ya’an.

Roma 1:23

yi Got ni dabi yim’ bi’id e kar paged ndarir siro’gad ngak ma darir meybilgad ngak, kar chealgad yad be tayfan ma yad be meybil ko liyos ni kan ngongliy ni bod ya’an e girdi’ nma yim’, nge arche’, nge gamanman, nge gamanman nma gararaw mma sirgig u but’.

Isaiah 45:16

Pi’in yad ma ngongliy e liyos e yad gubin ni bay ra tamra’gad; yad gubin ni bay ni darifan nagrad.

Isaiah 42:8

“Kemus ni Gag e SOMOL ni Got rom. Dariy yugu reb e got ni ta’reb rogomow; dab gu pag e pi liyos nganog e sorok ngorad ni aram e kan unegrad ngog.

Ezekiel 8:10

Ma aram mug wan nga naun nggu changar. Mu dow e rungrung riy e ke sug ko zunga’ ni ya’an e parchayog nge ya’an boche gamanman nib alit, nge ku ya’an boch ban’en ni i meybil yu Israel ngay.

Revelation 9:20

Ma tin ni magey e girdi’, ni pi’in ndar m’ad ko pi gafgow ney e dar paged fapi n’en ni ur ngongliyed. Ma dar paged e meybil ni yad ma tay ngak e mo’onyan’ ma ku yad ma tay ko liyos nni ngongliy ko gol, nge silber, nge wasey nib row, nge malang, nge ren, ni bogi n’en ndabiyag ni nge guy ban’en, ara rung’ag ban’en, ara yan.

Isaiah 42:17

Urngin e pi’in yad be toer ngak e pi liyos, ni kar ted e liyos nike mang got rorad e bay ra tamra’gad nike m’ayfarad.”

2 Kronicles 33:7

Me tay ya’an ban’en ngalan e Tempel, ni fa gin keyog Got ngak David nge Solomon nib mo’on ni fak ni ga’ar: “U roy u lan yu Jerusalem u lan ere Tempel ney, e irera’ e gin ku gu mel’eg u lan gubin yang e pi nug rok fa ragag nge l’agruw i ganong nu Israel ni ir e ngu’un meybil ngog riy.

1 Kings 12:28

Fa’ani leamnag nge mu’ me ngongliy l’agruw e liyos ni gol ni bod ya’an e garbaw ni pumo’on, me ga’ar ngak e tirok e girdi’, “Kayigi gel e gafgow romed ko sul ni gimed be tay nga Jerusalem ni fan e ngam liyorgad ngak Got. Gimed e girdi’ nu Israel, ba’aray e gal got romed nra fekew gimed nga wuru’ yu Egypt!”

Exodus 34:17

“Dab mu ngongliy e pi got ni wasey ngu’um tay farad.

Exodus 32:1

Fa’ani guy e girdi’ nike par Moses u daken fare burey nike n’uw nap’an ma dawori yib nga but’, miyad mu’ulung nga to’oben Aron me lungurad ngak, “Da’an da nanged e n’en nike buch rok Moses, ni ir e gafaliydad nga wuru’ yu Egypt; ere mu ngongliy reb e got ngomad nge mang ir e gafaliymad.”

Exodus 32:23

I lungurad ngog, ‘Mu ngongliy reb e got ngomad nge mang ir e i gafaliydad i yan, ya da gu nanged e n’en nike buch rok Moses, ni ir e gafaliydad nga wuru’ yu Egypt.’

Exodus 32:8

Kar paged e n’en ni kugog ni ngar folgad riy, ya kar ranran niged e gol kar ngongliyed ya’an ba pifak e garbaw ni pumo’on riy yad be tayfan miyad be pi’ e maligach ngak. Yad be yog ni ireram e got rorad, ni gafaliyrad nga wuru’ yu Egypt.

Numbers 12:8

Gu ma non ngak ni gamow ba sabol, thin ni gu ma yog ngak e rib tamilang, ya dagur non ngak u fithik’ e salipow; mus nga fog nike guy! Ere di’in me math’ daguwen romew ngam welthingow nib togopluw ngak e tapigpig rog i Moses?”

Judges 17:3

Me fulweg fapi salpiy ngak e chitiningin. Me ga’ar e chitiningin, “Ngkug pi’ e pi silber ney ngak SOMOL, ya nge dabi aw fare buch wa’athan ngak fakag. Bay ni fanay ngab liyos ni gek’iy ni kan ing ko silber. Ere chiney e bay gu fulweg ngom fa yungi silber.”

2 Kings 17:12

mdar folgad ko n’en keyog SOMOL ngorad, ndab ra tedfan e pi liyos.

Psalms 78:58

Ra k’aringed e damumuw ngak ko yungi n’en ni yad be tayfan boch e got riy, nge pi liyos rorad ni kari gelnag e damumuw ngak.

Ezekiel 8:3

Me k’iyag ban’en ngog ni bod rifrifen pa’ be’ nge malle’ nga piyen lolugeg. Kab pig owcheg me chibiyeg e kan nthothup rok Got nib tolang nge fekeg nga Jerusalem. I fekeg ko bin lel’och e garog ko Tempel nga langgin e yoror ko gin bay ba liyos riy ni rib tharthar nga mit Got.

Ezekiel 20:7

Gog ngorad ni ngar n’aged e pi liyos rorad nib sunsonogor nib t’uf rorad nge dab ku ra alit niged yad ko pi got rok yu Egypt ni go’ bogi ban’en ni bochan e Gag SOMOL ni Got rorad.

Exodus 20:23

Dab mu ngongliyed boch e got ni silber nge gol ni ngam puthuyed ngog ngu’um ted fan.

Exodus 32:4

Me fek Aron fapi talbuch nge ranrannag ko nifiy, me pu’og ngalan ban’en, nge ngongliy ya’an ba fak e garbaw riy ni pumo’on. Me ga’ar e girdi’ nu Israel, “Yu Israel, irera’ e got rodad, ni ir e gafaliydad nga wuru’ yu Egypt.”

Deuteronomy 16:22

Ma dab mu n’ufed ngalang ba gaf i malang ni ngu’um tedfan; ya ba fanenikay SOMOL e tinem.