Exodus 20:3 - Bible Ni Thothup

³ “Dariy yugu reb e kan ni nge mang got romed, ya kemus ni gag.

Exodus 20:3 Referans Kwoze

Deuteronomy 5:7

“‘Dariy reb e got ni ngam mon’eged rog.

Matthew 4:10

Me fulweg Jesus ngak ni ga’ar, “Satan, mman ngam chuw! Ya babyor nib thothup e be ga’ar, Mu tay fan Somol ni Got rom ma yigo ir e ngam pigpig ngak!”

Psalms 81:9

Thingar dab mu tedfan yug reb e got.

Isaiah 46:9

Mu leam niged e n’en ni gu rin’ kakrom; mu nanged ni kemus ni Gag e Got, ma dariy be’ ni bod gag.

Deuteronomy 6:5

Ngari t’uf SOMOL ni Got rom u polo’ i leam rom, ngu polo’ i lanin’um, ngu polo’ i gelngim.

Jeremiah 25:6

Rogned ngomed ndab kumted fan yug boch e got nge dab kum k’arnged e damumuw ngak SOMOL ya gimed be tay fan bogi liyos ni gimed e mu ngongliyed. Ma fa’ara um tedfan SOMOL, ma aram e dabi gechig nagmed.

Deuteronomy 6:14

Dab mu tedfan yugu boch e got, ni got rok e pi nam nib longobiymed.

Jeremiah 35:15

Kug par ni yuggu be l’oeg e pi profet ni tapigpig rog ngomed, ngu u roged ngomed ni ngam paged ngongolmed ni kireb ngam rin’ed e n’en nib mat’aw. Yad be ginangmed ni dab kum tedfan mi gimed pigpig nga yug boch e got, ya nge yag ni ngkum pired u daken fare nam ni kug pi’ ngomed nge pi chitamangimed. Machane damur motoyilgad ngog ara mu tiyan’med ko tin kugog.

1 Korinth 8:6

machane gadad e ri ta’reb e Got rodad ni bay, ni ir e Chitamangiy, me ir e sunumiy urngin ban’en, me ir e gadad be par ni fan ngak; ma ta’reb e Somol ni bay, ni aram Jesus Kristus, ni pa’ e sunumiy Got urngin ban’en ngay, me ir e be ta’dad ni gadad ba fos.

Revelation 19:10

Mu gu paraw nga but’ u to’oben rifrifen ay nggu siro’ ngak, machane me ga’ar ngog, “Dab mu rin’ ni errogon! Ya gag reb e tapigpig ni bod gur nge pi walagem, ni urngin fa pi’in yad be fol ko fapi thin nib riyul’ ni fa’ani yib i yog Jesus ngan nang. Ere mu tayfan Got ma ga meybil ngak!” Ya tin nib riyul’ ni yib i yog Jesus ngan nang e ireram fapi thin ni yib i yog e Kan Nthothup rok Got u l’ugun e pi profet.

Kolose 2:18

Dab mpaged be’ nge mang ir e turguy ni gimed ba kireb ni be yog ni ir e ba ga’ ni bochan e kan piliyeg e changar rok ke guy bogi ban’en, ma be yog nthingar ni sobut’ nigey ni gathi bin riyul’ e sobut’an’, ma yad be yog ni ngan tayfan min meybil ngak e pi engel. Ya ra aram rogon be’ ma ke ufanthin ndariy rogon, ya leam ni be tay e rogon e leam nma tay e girdi’,

Filippi 3:19

ni bay ranod ra musgad nga fithik’ e nifiy ni dabi math bi’id, ya n’en ni be ar’arnag dowdad e kemang got rorad, yad be uf ko tin ni ir e susun e ngar tamra’gad ngay, ma kemus ni tin nu roy u fayleng ban’en e ir e yad be leamnag.

Efesus 5:5

Ngar mu nanged e re bugithin ni ba’aray: dariy be’ nib darngal, ara ma puwlag, ara ba chogow nrayag e birok’ e f’oth ngak ko fla’ab u lan suwon Kristus nge Got (ya chogow e bmit e tayfan nge, meybil ngak e liyos).

Isaiah 26:4

Nge pagan’uy ngak SOMOL ni manemus, gubin ngiyal’ ni bay i yoror rodad.

Exodus 15:11

“SOMOL, i mini’ u fithik’ e pi got e bod gur? I mini’ e bod gur nri gab thothup? I mini’ e rayag ni ngongliy e pi maang’ang me maruwel ni bod gur?

Exodus 20:23

Dab mu ngongliyed boch e got ni silber nge gol ni ngam puthuyed ngog ngu’um ted fan.

Isaiah 44:8

Gimed e girdi’ rog, dab mu rusgad! Gimed manang ni kakrom ke mada’ ko chiney e u gu yi’iynag urngin e pin’en ni bayib, ma gimed e mich rog! Gur bay yugu reb e got ngabang? Gur bay yugu reb e got ngabang nib gel ndawor gu rung’ag murung’agen?”

Isaiah 43:10

“Gimed e girdi’ nu Israel, gimed e mich rog; kug duwgiliymed ni ngam manged ba nam ni tapigpig rog, ni fan e ngam nanged gag mu gu mich u wun’med, me tamilangan’med riy ni kemus ni Gag e Got. Dakuriy yu gu reb e got nga bang; immoy ndariy, ma ku dariy ni bayib.

Psalms 73:25

Ku ba mang ban’en ni bay rog u tharmiy ya kemus ni gur? Fa’anra ga bay rog, ma mang e ren’en ni ku gu ra adag u fayleng?

Psalms 29:2

Ngan pining e sorok nga fithingan SOMOL nib th’abi fel’; ngan siro’ ngak en nib Thothup u nap’an nra m’ug.

Revelation 22:9

Machane me ga’ar ngog, “Dab mu rin’! Ya gadow l’agruw ma tapigpig, ma ta’reb rogog ngak pi walagem ni aram fapi profet, nge urngin e pi’in yad be fol ko thin ni bay u lan e re ke babyor ney! Ere mu siro’ ma ga meybil ngak Got!”

1 Korinth 8:4

Ere nggog murung’agen e ggan nni pi’ ngak e liyos nma meybil boch e girdi’ ngay ni nge lungug: gadad manang ni ba liyos e pow u ban’en ni gathi riyul’ ni bay; ya gadad manang nri ta’reb e Got ni bay.

Exodus 32:8

Kar paged e n’en ni kugog ni ngar folgad riy, ya kar ranran niged e gol kar ngongliyed ya’an ba pifak e garbaw ni pumo’on riy yad be tayfan miyad be pi’ e maligach ngak. Yad be yog ni ireram e got rorad, ni gafaliyrad nga wuru’ yu Egypt.

Exodus 34:14

“Dab mu tedfan yug reb e got, ni bochan e Gag SOMOL e dagurma k’adan’ug ko tagenging.

Isaiah 42:8

“Kemus ni Gag e SOMOL ni Got rom. Dariy yugu reb e got ni ta’reb rogomow; dab gu pag e pi liyos nganog e sorok ngorad ni aram e kan unegrad ngog.

Jeremiah 7:9

Gimed be moro’ro’, ma gimed be thang e pogofan, ma gimed be par e pumo’on nge ppin ni gathi mabgol romed, ma bay mmicheged ni ngam weliyed e tin riyul’ mi gimed lifith l’ugunmed, ma gimed be pi’ e maligach ngak Baal, ma gimed be tay fan boch e got, ni bogi got nda mu nanged murung’agen.

Hosea 13:4

Be ga’ar SOMOL, “I Gag SOMOL ni Got romed, ni gag e gu pow’iymed nga wuru’ yu Egypt. Re ngiyal’ i nem e dariy reb e Got romed kemus ni Gag. Yi go’ gag e ta’ayuw romed.

Exodus 22:19

“Mu thanged e pogofan rok e re mo’on ni kar pirew ba gamanman.

Exodus 23:24

Dab mu siro’gad ara mmeybilgad ara mu pigpiggad ngak e pi got rorad. Ma dab mu uned ko pi yalen e taliw rorad. Mu thirifed e pi got rorad u but’ mi gimed t’ar nga but’ e yu raba’ i malang rorad nib tabgul.

Judges 6:10

Mu gog ngomed ni gag fa’anem i SOMOL ni Got romed, ma dab mu tedfan e pi got rok e pi Amor, ni nam rorad e gimed be par riy e chiney. Machane gimed e da mu motoyilgad ko tin gog ngomed.”

1 Kings 11:4

ma nap’an ni pilbithir ma kar waliyed ke un i tayfan yug boch e got. Ma daki yul’yul’ ngak SOMOL ni Got rok, ni bod David ni chitamngin ni i par.

Psalms 81:10

I gag e SOMOL ni Got romed, ni gu chuwegmed u lan yu Egypt. Mu faled langmed’, mu gu durwi’iymed.

Daniel 3:18

Machane fa’anra dabi ayuwegmad, me gur pilung e nga mu nang ndab gu ted fan e birom e got, ma dab gu siro’gad ko fare liyos ni gol ni kam n’uf ngalang.”