Exodus 2:24 - Bible Ni Thothup

²⁴ me rung’ag lamrad ni yad be gowol, me leamnag fare m’ag u thilrad Abraham, Isak nge Jakob.

Exodus 2:24 Referans Kwoze

Genesis 26:3

Mu par u roy ni ga ba milekag, ma bay gupar rom, mug fal’eg wa’atham. Nggu pi’ ngom nge pi’in ni bayib ni owchem ga’ngin e re gi but’ ney. Bay gu tay u gil’ e n’en ni kug michegew Abraham ni chitamam.

Psalms 105:42

Thin rok nib thothup ni micheg ngak Abraham ni tapigpig rok e de pag talin.

Exodus 6:5

Chiney e kug rung’ag e gel’gel’ ni be tay piyu Israel, ni piyu Egypt e kar ted yad ni sib, ma ku gu manang e m’ag ni kug ngongliy u thilmad.

Psalms 106:45

Bochrad me yib ngan’ e m’ag rok u thilrad, ma bochan e t’ufeg rok nib ga’ me waer e damumuw rok.

Psalms 102:20

I rung’ag e gel’gel’ rok e pi kalbus, me chuweg u kalbus e pi’in kan turguy ni ngarm’ad.

Psalms 22:24

Der ma fek owchen rok e pi’in dariy ban’en rorad ara sabalbalyang ko pi gafgow rorad; der ma par u orel rorad, mma rung’ag lamrad e ngiyal ni yad ra man ayuw.”

Psalms 138:3

Kam fulweg lungug u nnap’an ni gu piningem; gelngim e mu gel nigeg ngay.

Genesis 26:24

Ma fa’ani nep’ riy me yib i m’ug SOMOL ngak me ga’ar, “I Gag e Got rok e chitmam i Abraham. Dab mu tamdag; ya gu bay rom. Bay ug tow’ath nigem mug yo’ornag e pi’in bayib ni owchem, ni bochan e arrogon ni gumcheg ngak Abraham ni tapigpig rog.”

Psalms 22:5

Rpininged gur miyad thay ko riya’; I pagan’rad ngom ma de m’ingan’rad.

Judges 2:18

Nap’an nra pi’ SOMOL be’ ngorad ni ir e ngi i gafaliyrad, me ayuweg SOMOL fa’anem, nge ayweg piyu Israel u pa’ e pi to’ogor rorad u n’umngin nap’an nra par fa’anem nib fos. I runguyrad SOMOL, ya ur gilgel’gad u fithik’ e gafgow nge togopluw ni i tay e pi to’ogor rorad ngorad.

Genesis 18:18

Pi’in owchen e bay ra manged reb e nam ni ba ga’ ma ba gel, ma urngin e nam nu fayleng e bay i fel’ wa’athrad ni bochan.

Genesis 17:7

“Bay gu tay u gil’ e tin kugog ni bay gu rin’ ngom nge pi’in bay rabad ni owchem ni bayi par nib m’ag ni dabi m’ay. Bay gu mang Got rom nge Got rok e pi’in owchem.

Psalms 79:11

Mmotoyil ko gel’gel’ rok e pi kalbus, ma gelngim nib gel e ngam ayweg ngay e pi’in ni kan tay ni ngan thang e fan rorad.

Genesis 32:28

Me ga’ar fare mo’on, “Dabki par fithingam ni Jakob. Kam fathael ngak Got nge ngak e girdi’, ma kam gel; ere nge par fithingam ni Israel.

Acts 7:34

Kug guy e kireb nge gafgow ni yibe tay ngak e girdi’ rog u Egypt. Ya kug rung’ag lamrad ni yad be gel’gel’, ere ku gub nga but’ ni nggu chuwegrad u tan pa’ yu Egypt. Ere nggu l’oegem ngam man nga Egypt.’

Genesis 8:1

Machane depag Got tilin Noah nge urngin e gamanman ni malboch nge gamanman nib mongmor ni bay rok Noah u lan fare barkow; ma aram me pi’ e nifeng nge thow u daken e fayleng, me sul fare ran i yan nga but’.

Genesis 15:13

Me ga’ar SOMOL ngak, “Pi’in ni bay rabad ni owchem e bay ra pired ni yad e milekag u lan ba nam ni gathi nam rorad; bay ra pired ni yad e sib u rom ma ba kireb e n’en ni bay un rin’ ngorad ni 400 e duw.

Genesis 16:11

Ke chugur ni ngam gargeleg bochi pagel, ma ngam tunguy fithingan ni Ishmael, I SOMOL e ke rung’ag lamam u fithik’ e gafgow nike yib ngom.

Genesis 22:16

“Nggog bbugithin ngom ni bay gu rin’ ni fithingag e nggu micheg ngay i Gag SOMOL e gu be non — nri bay gu fal’eg wa’atham, ni bochan e fakam ni kari maagirag rom e da mu tel rog,

Genesis 26:2

Me yib i m’ug SOMOL ngak Isak me ga’ar, “Dabman’ nga Egypt; mu par ko gi but’ ney, ko gin bay gog ngom ni ngam par riy.

Genesis 35:11

Miki ga’ar Got ngak, “I Gag Got ni Gubin Ma Rayag rog. Bayi pire’ pifakam. Girdi’en e pi nam e gur e bay rabad rom, ma gur e bay mmang chitamngin e pi pilung.

Genesis 35:12

Bay gu pi’ ngom fare gi binaw ni gu pi’ ngak Abraham nge Isak, ma ir e bay kug pi’ ngak e pi’in owchem ni bay kurbad nga tomrem.”

Numbers 20:16

ma gamad wenig ngak SOMOL ni nge ayuwegmad. Me rung’ag e meybil romad me pi’ ba engel nge yib nge pow’iymad nga wuru’ yu Egypt. Chiney e gamad bay u Kadesh, nib binaw ni bay ko mathil ko nam rom.

1 Samuel 9:16

“Gonap’an e re ngiyal’ i n’ey gabul e bay gu pi’ be’ ko ganong rok Benjamin nge yib ngom; mu gapgepnag nge par ni ir e nge gagiyegnag piyu Israel ni girdi’ rog, ya ir e nge lagrad u pa’ e pi Filistine. Ya kug guy e gafgow ni be tay e girdi’ rog, ma kug rung’ag e myor ni man ayuw rorad ngog.”

2 Kings 13:23

machane SOMOL e ba gol mma runguyrad. Ma de pagrad nge math owcharad, machane ayuwegrad ni bochan e m’ag rok u thilrad Abraham, Isaak, nge Jakob. Dariy bangiyal’ nike pagtalin e girdi’ rok.

Psalms 102:2

Nap’an nra yib e oloboch ngog, ma dab mu pi’ keru’um ngog! Mu telim ngog, ngiyal’ ni gu ra piningem ma ga fulweg lungug nib papey!