Exodus 2:22 - Bible Ni Thothup

²² Me gargeleg bochi pagel. Me ga’ar Moses u wan’, “I gag e gu ba milekag ni gu be par u ba nam ni gathi nam rog, me tunguy fithingan fachi pagel ni fak ni Gershom.”

Exodus 2:22 Referans Kwoze

Acts 7:29

Fa’ani rung’ag Moses e re bugithin nem, me mil u Egypt nge yan i par ngalan e nam nu Midian. Me gargeleg leengin l’agruw i pagel ni fak.

Exodus 22:21

“Dab mu gafgow niged ara kireb pa’med nga ba milekag ni be par u fithik’med; ya gimed e ku’um moyed ni gimed bogi milekag u lan fare nam nu Egypt.

Psalms 119:19

I gag e gu bay u roy u fayleng ni boch ngiyal’; dab mmithag e pi motochiyel rom rog.

1 Kronicles 29:15

SOMOL, ga manang ni gamad ma par ko biney e yafos ni bod e girdi’ nu boch e nam ara bogi milekag, bod rogon e pi chitamngimad kakrom. Pi rran romad e bod bangi taglul’ ni be m’ay, ma dabiyag ni gu milgad ko yam’.

1 Kronicles 16:20

U ranod u reb e nam nga reb, ngu gil’ilungun reb e pilung nga reb.

Psalms 39:12

SOMOL, mu rung’ag e meybil rog, ma ga telim ko meyor rog; moy ngam ayuwegneg u nap’an ni gu ra yor. Bod urngin e pi chitamangig kakrom kemus ni gu ba milekag ni ku gub ngom bochingiyal’.

Exodus 2:10

Fa’ani ilal boch fare tir, me fek i yan ngak fare pin ni fak Farao, me tay nike fakay. Me ga’ar, “Gu chuweg u fithik’ e ran,” ma aram me tunguy fithingan ni Moses.”

Genesis 23:4

“I gag e gub milekag ni gu be par u fithik’med; mu pi’ed bang e binaw ngog nggu chuw’iy nge yag ni gu chubgiliy le’engig riy.”

Exodus 4:20

Me fek Moses e bpin rok nge fa gal pumo’on ni fak, nge tayrad nga daken e dongki miyad yan nga Egypt. Me fek Moses fare ley i sog ni fa’ani yog Got ngak ni nge fek.

Levitikus 25:23

Binaw romed e ri dab ni pi’ nchuway’ ni dab kisul bi’id ko en tafen, ni bochan e de milfan ngomed; ya ba milfan ngak Got, ma gimed bod e milekag nike pagmed kam pired riy.

Judges 18:30

Me tay piyu Dan fare liyos ngalang ni ngu’un tayfan, me Jonathan ni be’ ni pumo’on ni fak Gershom ma Moses e tutuw rok, e i pigpig ni prist rok e piyu Dan, ma pi’in owchen e u ra pigpiggad ni prist nge taw ko ngiyal’ nni fek e girdi’ u rom ngar kalbusgad u reb e nam.

1 Samuel 1:20

Me diyen nge gargeleg bochi pagel. Me tunguy fithingan ni Samuel, me weliy murung’agen fithingan ni ga’ar, “Gu wenig ngak SOMOL ni nge pi’ ngog.”