Exodus 2:20 - Bible Ni Thothup

²⁰ Me fith ngak fapi ppin ni fak ni ga’ar, “Bu uw? Mangfan ni kam paged u rom? Marod mu pininged nge yib i un ngodad ko abich.”

Exodus 2:20 Referans Kwoze

Genesis 31:54

I li’ ba gamanman, ni ir e mang maligach rok u daken e burey, me pininge girdi’ rok ko abich, ma nap’an ramu’gad ko abich, miyad par e re nep’ i n’em u rom u daken fare burey.

Genesis 43:25

Ma rabad ra ngongliyed rogon fapi tow’ath rorad ni fan ngak Josef ni bay yib ko misiw’; ya kar rung’aged ni ngar abichgad u rom.

Hebrews 13:2

Dab mpaged talin ni ngam ayuweged e milekag ni karbad nga tabinaw romed. Ya bay boch e girdi’ ni ur rin’ed miyad ayuweg e pi engel ndar nanged.

1 Timothy 5:10

ma bfel’ murung’agen ko ngongol rok ni ba’aray rogon: i ir be’ ni bpin ni chuguliy pifak ni bfel’ rogon, ma i ayuweg e milekag ni karbad nga tafen, ma i luknag e rifrif u ay e pi’in girdi’en Got ni karbad nga tafen, ma i ayuweg e pi’in ni kar gafgowgad, ma i tiyan’ nga urngin mit e ngongol ni bfel’.

BABYOR NI JOB 42:11

Urngin pi walagen Job ni pumo’on nge ppin nge pi’in ni urmed ni tafager rok e rabad ra mada’ niged Job miyad un ku Job ko mur u naun rok. Miyad dag nike kireban’rad ngak miyad guy rogon ni ngar fal’eged laniyan’ ni bochan urngin e gafgow ni pag SOMOL nge yib ngak. Ra bagayad me pi’ boch e salpiy ngak nge reb e luwaw ni gol.

BABYOR NI JOB 31:32

Ma gu ma fek e milekag nga tabinaw rog nggu ayuwegrad, da gur ma pagrad ngar molod u kanawo’.

Genesis 18:5

Bay gu fek e ggan i yib ngomed; ya ra pi’ gelngimed ngam ul’ulgad ko milekag romed. Kambad nga tafnag, ere gub aray ni nggu pigpig ngomed.” Miyad fulweg ni lungurad, “Kefel’, mu rin’ ni bod ni kamog.”

Genesis 29:13

Ma fa’ani rung’ag Laban murung’agen Jakob ni fak Rebekah ni walagen, me mil i yib ni ngar mada’gow, me yib i gumuchmuch ngak nge faray owchen, me fek i yib ngalan e naun rok. Me weliy Jakob ngak Laban salpen ni urngin.

Exodus 2:19

Miyad fulweg ni lungurad, “Ba’ be’ u Egypt ni ayuwegmad rok e pi’in yad ma gafaliy e gamanman, mus ko ran ni l’ing ngi i pi’ ngak e gamanman romad.”

Exodus 2:21

Me turguy Moses u wan’ ni nge par u rom, ma aram e de n’uw nap’an me pi’ Ruel Zipporah ni fak ngak nge le’engiy.