Exodus 19:8 - Bible Ni Thothup

⁸ Me fulweg fapi girdi’ ni gubin nta’abyay ni lungurad, “Bay gu rin’ed urngin e tin keyog SOMOL.” Me weliy Moses e tin keyog fapi girdi’ ngak SOMOL.

Exodus 19:8 Referans Kwoze

Exodus 24:7

Me fek fare ke babyor ni babyoren fare m’ag u thilin Got nge piyu Israel nge be’eg ngak piyu Israel ni ba ga’ laman, me ga’ar piyu Israel, “Bay gu rin’ed urngin e tin keyog SOMOL ni nggu rin’ed; bay gu folgad rok.”

Exodus 24:3

Me yan Moses nge weliy ngak e girdi’ urngin e tin ngan rin’, nge urngin e pi motochiyel rok SOMOL. Me fulweg urngin e girdi’ nta’abyay ni lungurad, “Bay gu rin’ed gubin e tin keyog SOMOL ni nggu rin’ed.”

Nehemiah 10:29

aram e gamad be dachug ngak e pi tayugang’ romad kug micheged u fithingan Got, ma ra buch waathmad ni fa’an gamad ra thilyeg e tin ke ta’reb lungumad ngay, ya ngug pired nrogon ni bay ko Motochiyel rok Got ni pi’ u daken Moses ni tapigpig rok; ma gamad ra fol u urngin e tin keyog SOMOL ni Somol romad ngomad ni nggu rin’ed; ma gamad ra fol u urngin e pi motochiyel rok nge tin keyog nthingar gu rin’ed.

Joshua 24:24

Me ga’ar piyu Israel ngak Joshua, “Bay ug pigpiggad ngak SOMOL ni ir e Got romad, mu ug folgad ko tin keyog ni nggu rin’ed.”

Exodus 20:19

Me lungurad ngak Moses, “I gur e ngam non ngomad nggu rung’aged; ya fa’anra nge non Got ngomad, ma nggu m’ad nriyul’.”

Exodus 4:31

Me mich u wun’rad, ma fa’an rrung’aged nike yib SOMOL ngorad ke guy gelngin e gafgow ni yibe tay ngorad, miyad siro’ ngar pininged e magaer ngak Got.

Joshua 24:21

Me ga’ar piyu Israel ngak Joshua, “Danga’! Ya bay ug pired ni gamad be pigpig ngak SOMOL.”