Exodus 19:2 - Bible Ni Thothup

² Ra chuwgad u Refidim ngarbad ngalan e ted ni desert u Sinai, marbad ra pired nga enggin fare Burey nu Sinai.

Exodus 19:2 Referans Kwoze

Exodus 17:1

Me chuw urngin e girdi’ nu Israel u daken e ted ni desert u Sin, ngu’ur pired u bang ngu bang u tan lungun SOMOL. Rabad ra pired nga Refidim, machane dariy e ran u rom ni yira unum.

Exodus 3:1

Me reb e rran ni be chothowliy Moses e saf nge kaming ni fak Jethro ni chitamngin le’engin, me ir e prist nu Midian. Me gafaliy fa yu ran’ i gamanman ngar th’abed e ted ni desert ngarbad nga Sinai, ni fare burey rok Got nib thothup.

Exodus 3:12

Me ga’ar Got ngak, “Bay gu un ngom, ma ba’aray e mich riy ni bayi m’ug ni gag e ku gol’igem, nap’an ni ga ra fek piyu Israel nga wuru’ yu Egypt, ma bay mub mu meybil ngog u daken e re burey ney.”

Exodus 18:5

Me yib Jethro nike un le’engin Moses ngak nge fa gali pagel ni fak ngalan e ted ni desert, ni aram e gin nike n’uf Moses e tent rok riy ko fare burey rok Got.

Exodus 17:8

Me yib girdi’en yu Amalek ngar maelgad ngak piyu Israel u Refidim.

Galatia 4:24

Re bugithin ney e ba fanathin: gali ppin nem e be yip’ fan l’agruw i m’ag. Bagayow nni gargeleg pifak ni yad e sib e aram Hagar, ni be yip’ fan fare m’ag ko burey ni Sinai.

Acts 7:38

I ir fa’anem ni mu’ulung piyu Israel nga daken bangi ted ma bay rorad; immoy u rom ni yad e pi chitamangidad nge fare engel ni fa’ani welthin ngak u daken e burey ni Sinai; ni weliy e thin rok Got ngak ni nge mang ir e fek e re thin rok Got nem nge pi’ ngodad, ni aram fare thin ni bay e yafos riy.

Acts 7:30

“Ma nap’an nike yan aningeg i ragag e duw, me m’ug ba engel ngak Moses u fithik’ ba daramram u boch ke gek’iy ni be yik’ ni bay u daken bangi ted nib chugur ko burey ni Sinai.

Numbers 33:15

Miyad chuw u Refidim nga ranod i yan ko burey ni Hor ngu u ranod ra pired ko yungi n’en ni ba’aray: ted u Sinai, Kibroth Hattaavah (ni ki yima yog ni “Lowaneyam’ ko Ar’ar”), Hazeroth, Rithmah, Rimmon Perez, Libnah, Rissah, Kehelathah, Mount Shefer, Haradah, Makheloth, Tahath, Terah, Mithkah, Hashmonah, Moseroth, Bene Jaakan, Hor Haggidgad, Jotbathah, Abronah, Eziongeber, nge ted nu Zin (ni aram yu Kadesh), nge burey ni Hor, ni ba’ nga tharen e binaw nu Edom.)

Numbers 1:1

Bin m’on e rran ko pul nl’agruw ko re duw ni l’agruw nga tomuren nike chuw e girdi’ nu Israel u Egypt, me non SOMOL ngak Moses u rom u lan fare Tent u p’eowchen u lan fa gi ted ni desert u Sinai. Ni ga’ar,