Exodus 19:18 - Bible Ni Thothup

¹⁸ Ma fare Burey ni Sinai e ke ing e ath ni polo’, ni bochan e ke yib SOMOL u lang nga but’ nga daken u fithik’ e daramram. Me yan e ath riy ngalang ni bod e ath u ba tafen e nifiy, me rur fare burey nib almarin.

Exodus 19:18 Referans Kwoze

Judges 5:5

Me durru’ e pi burey u mit SOMOL nu Sinai, u mit SOMOL, ni ir fare Got rok piyu Israel.

Psalms 144:5

A SOMOL, mu sey e tharmiy nga mub nga but’; mmath ko pi burey nge yib e ath riy.

Revelation 15:8

Ma fare Tempel e ke sug ko ath ni yib u ram’en nge gelngin Got, ma dariy be’ nrayag ni nge yan ngalan fare Tempel nge yan i mada’ ko ngiyal’ ni ba’aram nra yan i m’ay fa medlip i gafgow nike fek fa medlip i engel i yib nga fayleng.

Exodus 3:2

Me m’ug e engel rok SOMOL ni bod ya’an ba daramram ni be yib ngalang u fithik’ i ran’ bochi ke gek’iy. Me changar Moses me guy ni be yib e daramram ko fachi ke gek’iy ngalang, machane der gak’.

Jeremiah 4:24

Gu sap ko pi burey ma be rur, ma yochi burey e be thigthig.

Genesis 19:28

Me changar nga daken e binaw nu Sodom ngu Gomorrah, nge re loway nem ni polo’, me guy e ath ni be yib u but’ ngalang, ni bod rogon ba tafen e nifiy ni ba ga’ ni be yib e ath riy ngalang.

Psalms 104:32

Ra sap ko fayleng, me durru’ e fayleng; ma ra math ko pi burey, me waer e ath riy.

Deuteronomy 33:2

I SOMOL e yib ko burey ni Sinai; I for ngalang u daken yu Edom ni bod e yal’, me gal ram’en ko burey ni Paran nga daken e tirok e girdi’. Yib ni ragag biyu’ e engel nike un ngak, ma bay ba nifiy ni be daramram rok,

Deuteronomy 5:22

“Irera’ e pi motochiyel ni pi’ SOMOL ngomed ni gimed gubin u nap’an nim mu’ulunggad ko fare burey. Nap’an ni non nib ga’ laman u fithik’ fare nifiy ngu fithik’ fa gi manileng nib dub’ag, ma irera’ e pi motochiyel ni pi’ ma dakriy boch ngabang. Ma aram me yoloy ni gubin nga daken l’agruw yang i malang nge pi’ ngog.

Exodus 24:17

Ma piyu Israel e yad be guy maluplupen SOMOL ni bod ba nifiy ni be daramram u daken p’ebugul e re burey nem.

Hebrews 12:26

Laman e rurug e fayleng e ngiyal’nem, machane chiney e ke yog ni ga’ar, “Bay ku gu rurug bayay e fayleng nib mu’un e tharmiy ngay.”

Isaiah 6:4

Lamrad e i rur e def ko Tempel riy, me sugnag e ath lan e Tempel.

Genesis 15:17

Ma fa’ani aw e yal’ nike nep’, me m’ug ba tafen e nifiy ni bod ya’an ba th’ib ni be yib e ath u langgin, me m’ug ba mol’ ni be daramram ni be yan u thilin fa yu raba’ i gamanman.

2 Peter 3:10

Ya chirofen ni Rran rok Somol e bayi taw ni bod rogon ba moro’ro’. Chirofen nem e bay yan nga bayang lanelang ni be falgear lingan, ma urngin e tin ni bay u lanelang ban’en ni bayi yik’ nge kireb, ma fayleng nge urngin e tin bay riy e bayi chuw.

Hebrews 12:18

Gathi kambad nga ban’en nrayag ni ngam mathgad ngay ni bod rogon piyu Israel nrabad ko burey ni Sinai ni bay e daramram riy, lumor nge rumug, nifeng nrib gel,

2 Thessalonika 1:8

nge nifiy ni be daramram, ni nge gechignag e pi’in nde t’uf rorad ni ngar nanged murung’agen Got nge pi’in ndarir folgad ko fare Thin Ni Bfel’ ni murung’agen e Somol rodad i Jesus.

Matthew 24:7

Ya bay reb e nam me cham ngak reb e nam, ma gin nsuwon reb e pilung e bayi mael ko gin nsuwon reb e pilung. Ma bay i yib e uyongol nge durru’ u gubin yang.

Zekariah 14:5

Gimed ra mil ngam thumur gad u lan e re loway ney nike ki’eg fare burey ni l’agruw guruy. Gimed ra mil ni bod e pi chitamangimed kakrom u nap’an ni yib fare durru’ fa ngiyal ni Uzziah e Pilung nu Judah. I SOMOL ni Got rog e bay yib nike un urngin e pi engel ngak.

Psalms 114:7

Fayleng mu durru’ ko wub ni ke tay Somol, u p’eowchen fare Got rok Jakob,

Psalms 77:18

Lingan e dirra’ rom e malay nga but’, ma ram’en e uluch ni be matmat e gal’ e fayleng; me t’on nge rur e fayleng.

Exodus 20:18

Fa’ani rung’ag piyu Israel lingan e dirra’ nge laman e yabul ni be thow ni ba ga’ laman, miyad guy e uluch ni be matmat nge re burey nem ni be gabulbul e ath riy, mu ur da’da’gad ko marus miyad sak’iy u urel riy.

Exodus 19:13

ni aram e thingar ni malangnag ara nip’ nga gan e gat’ing, nge dabi math be’ ngak. Re bugithin ney e fan ngak e girdi’ nge gamanman; thingar nli’rad ngarm’ad. Machane nap’an ni yira thoy e yabul, ma aram e nge yan e girdi’ nga daken fare burey.”

2 Thessalonika 1:7

ma bayi chuweg e gafgow romed e pi’in gimed be gafgow ngam pogofan gad, ma ku errogon ni bayi rin’ ngomed. Ra rin’ e ren’ey ko ngiyal’ nra m’ug Somol Jesus u lanelang nike yib u tharmiy ni yad e pi engel rok nib yargel,

Revelation 9:2

Me bing fare t’uf fare abyss me yib e ath u lan ngalang ni bod e ath ni yib u lan ba tafen e nifiy ni ba ga’; me talumornag e ath ni be yib u lan fare abyss ram’en e yal’ nge lanelang.

Genesis 11:5

Me yib SOMOL nga but’ nge yib i guy fare binaw ni pire’ e naun riy nge fare wulyang nike ngongliy fapi girdi’,

Exodus 19:17

Me gafaliy Moses e girdi’ nga wuru’ e gin yad be par riy ngranod ni ngar mada’gad Got, mranod ra sak’iygad nga enggin fare burey.

Exodus 34:2

Nge gabul ni kadbul ma kam mu’ i fal’eg rogom nga mub nga daken e burey ni Sinai ngad mada’gow u rom u p’ebugul e burey.

Deuteronomy 5:4

U rom u daken fare burey e non SOMOL ngomed riy u fithik’ e nifiy ni gimed bay u p’eowchen.

Isaiah 64:1

Mang ndab mu bing lanelang nga mub nga but’ me guyem e pi burey ngar t’on gad ko marus?

Deuteronomy 4:36

I gagiyegnag nge yib laman u tharmiy ngomed ni fan e nge fonow nagmed ngam yal’uwgad, mu daken e fayleng e gagiyeg nagmed riy ngam guyed fare nifiy rok nib thothup, me par u fithik’ nge non ngomed.

Nehemiah 9:13

Mub u lang nga daken e burey ni Sinai ma ga welthin ngak e girdi’ rom u rom; ma ga pi’ ngorad e motochiyel ni bfel’ nge fonow nib yal’uw.

Psalms 18:9

Me gochthiy e tharmiy nge mab me yib riy nga but’ ni bay bang i manileng nib limor u tan rifrifen ay.

Psalms 68:9

Got, gur e ka mu k’aring e n’uw nib gel ni nge aw, ya nge sul e but’ rom nike kireb nga rogon;

Psalms 77:19

Ga ma yan u fithik’ e n’ew, ngam th’ab nga barba’ e regur, machane, luwan em e dab ni guy.

Psalms 114:4

I og e pi burey ni bod e kaming; me tim’og e yochi burey ni bod pifak e saf.

Habakkuk 3:6

Ra tal, me rur e fayleng; ra sap, me t’on e pi nam. Fapi burey nike kakrom e ke puth; ma yochi burey nike kakrom e ke aw nga but’, ni fa yochi burey ni i yan u daken kakrom.