Exodus 19:16 - Bible Ni Thothup

¹⁶ Me kadbul ko rofen ni man e dalip ngay mi i chub e dirra’ ma be mat e uluch u daken e re burey nem, ma ke m’ag bangi manileng nib dib’ag daken, ma be yan laman ba yabul ni yibe thoy ni ba ga’ laman. Ma urngin e girdi’ ni yad bay u rom e ur t’on gad ko marus.

Exodus 19:16 Referans Kwoze

Revelation 4:1

Ma aram min piliyeg e changar rog ngku gguy ba mab nike mab u tharmiy. Ma fare lam ni gowa laman ba rappa ni gu rung’ag laman ni i non ngog ko som’on e ga’ar, “Moy ngaray ngalang, mu gu dag ngom e n’en ni bay yib i m’ug.”

Hebrews 12:21

Ma urngin e pin’em nra guyed e rib tamdag ya’an ya ba’aram ni ga’ar Moses, “Gu be da’da’ ni kug tamdag!”

Revelation 11:19

Me mab e Tempel rok Got u tharmiy, ma fare Kahol ko M’ag rok Got e ni guy u lan e Tempel rok. Me matmat e uluch, me yan lingan bogi n’en, ma be chub e dirra’, me yib ba durru’, me mul e ayis ni gagang’ yang u lang nga but’ ni bod e n’uw.

Revelation 8:5

Me fek fare engel fare raba’ i n’en ni yima af fa pin’en ni bfel’ bon ngay nge suguy ko nifiy nu altar, me yin’ nga daken e fayleng. Me chub e dirra’, me yan lingan bogi ban’en, me matmat e uluch, me yib ba durru’.

Revelation 4:5

Me mat e uluch u tagil’ Got, ma be yan lamay, ma be chub e dirra’ riy. Ma bay medlip i mol’ ni kan tay e nifiy ngay ni be yik’ u m’on u tagil’ Got; ni ireram fa medlip i kan rok Got.

Psalms 77:18

Lingan e dirra’ rom e malay nga but’, ma ram’en e uluch ni be matmat e gal’ e fayleng; me t’on nge rur e fayleng.

BABYOR NI JOB 38:25

I mini’ e ke fu’og wol’ e ran ni fan ko n’uw ni ba ga’, ma ke fal’eg kanawo’en e dirra’?

Exodus 20:18

Fa’ani rung’ag piyu Israel lingan e dirra’ nge laman e yabul ni be thow ni ba ga’ laman, miyad guy e uluch ni be matmat nge re burey nem ni be gabulbul e ath riy, mu ur da’da’gad ko marus miyad sak’iy u urel riy.

Exodus 19:9

Me ga’ar SOMOL ngak Moses, “Bay gub ngom u fithik’ e manileng nib dub’ag, nge rung’ag e girdi’ nu Israel lamag ni gu be non ngom mu ur pired ni gubin ngiyal’ nib riyul’ u wun’rad e tin bay u mog.” Me weliy Moses ngak e girdi’ e tin keyog SOMOL ngak.

Exodus 9:23

Ma aram me pug Moses fare ley i sog rok ngalang, me pi’ SOMOL e dirra’ nge ayis nike el nge yib, me aw e dirra’ nga but’. Me pag SOMOL e ayis nike el nge mul nga daken yu Egypt.

Revelation 1:10

Chirofen ni rran rok Somol me yib fare Kan Nthothup i ying ngog, mu gu rung’ag ba lam ni ba ga’ ni bod laman ba rappa ni be non u keru’ug.

Jeremiah 5:22

I gag e SOMOL, ere mangfan ni damur rus gad ngog? Mang ni damur t’on gad u p’eowcheg? Gu tay e yan’ ni aram e mathil ko day, ni ba mathil nib muduwgil ni dabi th’ab e day nga barba’. Ra i malach e day, machane dabyag ni nge th’ab nga barba’; ma ra mada’ lingan e n’ew ngalang ma dabyag ni nge pil nga barba.

Psalms 97:4

Uluch rok e be gal’ e fayleng; me guy e fayleng me t’on.

Psalms 50:3

Got rodad e be yib, machane gathi be yib ndariy lingan; ya bay ba nifiy ni be daramram nib m’on rok, ma bay bangi yoko’ ni ba liyeg.

Exodus 40:34

Ma aram me yib bang i manileng i upunguy fare Tent me suguy ram’en SOMOL nib maluplup’ fare Tent.

Matthew 24:31

Ma fare rappa ni ba ga’ lungun e bay non, ma aram e bayi l’oeg e engel rok ko fa aningeg yangi n’en u fayleng nma thow e nifeng riy, ma aram miyad kunuy e girdi’ rok nike mel’egrad u baraba’ e fayleng nge yan i mada’ nga baraba’.

Exodus 19:11

nge langlath ma kar mu’gad. Rofen nem e gag SOMOL e bay gub nga but’ nga daken e Burey ni Sinai, mu rom e bayi guyeg e girdi’ ni gubin riy.

Exodus 19:15

me ga’ar Moses ngorad, “Nge taw ko langlath ma kam mu’gad ma dabki par be’ nge le’engin nge mada’ ko rofen nem.”

Exodus 19:17

Me gafaliy Moses e girdi’ nga wuru’ e gin yad be par riy ngranod ni ngar mada’gad Got, mranod ra sak’iygad nga enggin fare burey.

Exodus 20:21

Machane me yigi par e girdi’ ni yad ba sak’iy u urel, ma kemus ni Moses e yan nga to’oben fa gi manileng nib talumor ni aram e gin ni ba’ Got riy.

Deuteronomy 5:5

Ngiyal’nem e gu ba sak’iy u thilmed nge SOMOL ni nggog ngomed e tin keyog, ya gimed be rus ko fare nifiy ere dam uned nga daken fare burey. “Me ga’ar SOMOL,

2 Samuel 22:10

Me guchuthuy lanelang nge mab nge yib riy nga but’ nib sak’iy nga daken bangi manileng nib talumor.

Nahum 1:3

I SOMOL e ba sowath nma damumuw, machane ir e ba gel gelngin ma der ma pag e pi’in kireb ndabi gechig nagrad. Yungin ma yan SOMOL riy e ma sum yungi yoko riy; pi manileng e aram e fiyath ni be tar u rifrifen ay.

Psalms 81:8

Mmotoyilgad, e girdi’ rog ko ngiyal’ ni gu be ginangmed; Israel, gu be athpeg ni mang e yigum motoyil ngog!