Exodus 18:8 - Bible Ni Thothup

⁸ Ma aram me weliy Moses ngak Jethro urngin e tin ke rin’ SOMOL ngak Farao nge girdi’ nu Egypt ni bochan e nge ayuweg e pogofan rok piyu Israel. Miki weliy ngak murung’agen e pin’en nib mo’maw’ nra mada’ niged piyu Israel u kanawo’ nge rogon ni ayuwegrad SOMOL nde buch ban’en rorad.

Exodus 18:8 Referans Kwoze

Psalms 107:2

Mu uned ngog i pining e sorok ngak SOMOL, ni gimed gubin e pi’in nike ayuwegmed u pa’ e to’ogor romed. I ir e ke lagmed u pa’ e pi to’ogor romed,

Psalms 106:10

I ayuwegrad u pa’ e pi’in i fananikayrad, I ayuwegrad rok e pi to’ogor rorad.

Psalms 81:7

Nap’an ni yib e oloboch ngomed, mi gimed piningeg, mu gu chuwegmed u fithik’. Gu fulweg lungumed u tagl’ig ni bay u fithik’ e yoko’ nib mith. Gu sikeng nagmed ko fare alublub nu Meribah.

Nehemiah 9:32

“Rib sorom, i gur Got ni Got romad! Ri ba ga’ madgum, ma rib gel gelngim! Ga be par nri gab yul’yul’ ko m’ag ni mu ngongliy u thilmed e girdi’ rom. Ngiyal’ ni gafgow nagmad e pi pilung nu Assyria ke mada’ ko chiney e ba gel e gafgow ni kug pired nga fithik’! Pi pilung romad, nge pi’in yad ma gafaliymad, nge pi prist nge pi profet romad, nge pi chitamangimad ni kakrom nge urngin e girdi’ romad nra gafgowgad. Mu leamnag gelngin e gafgow ni yib ngomad.

Numbers 20:14

Me pi’ Moses e pi mol’og u Kadesh ngranod ko pilung nu Edom nge lungrad ngak, “Ba’aray e thin nike yib rok pi walagem ni fapi ganong nu Israel. Ga manang urngin e gafgow ni kug ted,

Psalms 66:16

Mired ngam motoyilgad, gimed urngin e pi’in gimed ma liyor ngak Got, ma bay gog ngomed e tin ke rin’ ni fan ngog.

Exodus 18:1

I Jethro ni ir e prist nu Midian ma chitamngin le’engin Moses e rung’ag urngin e tin ke rin’ Got ni fan ngak Moses nge girdi’ nu Israel u nnap’an ni pow’iyrad SOMOL nga wuru’ yu Egypt.

Exodus 16:3

ni lungurad ngorow, “Fa’an mang e li’mad SOMOL nggu m’ad u Egypt ma kabfel’. Yu rom e gamad ma sabol riy ko th’ib nib sug ko ufin ma gamad kay urngin e ggan ni gamad ba’adag. Machane kam fekew gamad i yib ngalan e ted ni desert ni nggu m’ad nriyul’ ko uyongol.”

Exodus 15:16

Marus nge magar e mul nga dakenrad; bochan feni gel gelngin pa’am miyad duwgil u luwrad ni gowa ba malang, nge mada’ ko ngiyal’ nike yib e girdi’ rom kar thumurgad a SOMOL, ni fapi girdi’ ni kam pithigrad ko sib ni ur ted.

Exodus 15:6

“SOMOL, ba’ ni mat’aw i pa’am e rib th’ab feni gel; ke tet’ar e pi to’ogor kar yochyanggad.

Genesis 44:34

Uw rogon ni nggu sul ngak e chitamag ni fa’anra de moy e re pagel ney rog? Dabiyag rog ni ngug guy e re gafgow ney ni nge tay e chitamag.”

Exodus 4:23

Kugog ngom ni ngam pag fakag nge yan, ni fan e nge yag ni meybil ngog, machane kam siyeg. Ere bay gu thang e pogofan rok e bin nganni’ i fakam.’

Exodus 7:5

Ngiyal’ i n’en ni gu ra pug pa’ag ngalang ni nge togopluw ngorad mu gu fek piyu Israel nga wuru’ fare nam, ma aram e bayi nang yu Egypt ni Gag fare SOMOL.”

Exodus 2:25

Me guy rogon ni yibe sibnag yu Israel me magfan’ ngorad.

Exodus 23:23

Angel rog e bay i m’on romed nge fekmed i yan ngalan e nam rok piyu Amor, Hitt, Periz, Kanaan, Hiv, nge yu Jebus, ma bay gu thirif girdi’en e pi nam ney u but’.

Psalms 106:8

Machane aywegrad, ni bod rogon ni micheg, ni bochan e nge dag feni gel gelngin.