Exodus 18:20 - Bible Ni Thothup

²⁰ Ma thangar um machib nagrad ko tin keyog Got ni ngan rin’, ma ga be tamilangegrad u rogon ni ngu’ur pired nge n’en thingar ur rin’ed.

Exodus 18:20 Referans Kwoze

Deuteronomy 5:1

Me pining Moses urngin fapi girdi’ nu Israel nga ta’bang me ga’ar ngorad, “Girdi’ nu Israel, motoyilgad nga urngin e pi motochiyel ni nggu pi’ ngomed e daba’. Mu filed ma nopa’med ni ngu’um folgad riy.

Psalms 143:8

Mu tay ngan’ug ni gubin e kakadbul e t’ufeg rom ni dabimus, ya kug tay e pagan’ rog ngom. Meybil rog e be yib ngom ngalang; mu dag ngog e kanawo’ ni nggu wan riy.

Deuteronomy 1:18

Ma ka ngiyal’nem e kug pi’ e fanow u rogon urngin ban’en ni kabay ni ngu’um rin’ed.

Psalms 32:8

Be ga’ar SOMOL, “Bay gu fil ngom e kanawo’ ni ir e ngam man riy; bay gog ngom e tin ngam rin’ ma bay gu fonow nigem.

Deuteronomy 4:5

“Kug fil ngomed urngin fapi motochiyel nrogon ni yog SOMOL ni Got rog ngog ni nggu fil ngomed. Ngu’um folgad riy u lan e re nam ni ba’aram ni ngam koled ngam pired riy.

Deuteronomy 4:1

Me ga’ar Moses ngak e girdi’ nu Israel, “Ngu’um folgad u urngin e pi motochiyel ni ba’aray ni nggu fil ngomed, ni ngu’um pired ni dabi buch ban’en romed, mi gimed par u lan fare nam ni SOMOL ni Got rok pi chitamangimed e bayi pi’ ngomed.

Mikah 4:2

ma bayi lungurad, “Ngdarod nga daken fare burey rok SOMOL, ko Tempel rok fare Got nu Israel. Ir e bayi fil ngodad e tin ba’adag ni ngad rin’ed; mu udarod u daken e yu pa’ i kanawo’ nike duwgiliy. Ya machib rok SOMOL e be yib u Jerusalem; ke par u Zion be non ngak e tirok e girdi’.”

Exodus 18:16

Nap’an e ra malu’ag thin l’agruw ni’, miyow yib ngog, nge mang gag e gu duwgiliy ko mini’ rorow e bfel’ e rok, mu gog ngorow e tin keyog Got ni ngan rin’ nge pi motochiyel rok.”

1 Thessalonika 4:1

Pi walagmad ni girdi’en Kristus, kabay aray ta’a ban’en, kam filed romad rogon ni ngu’um pired nib m’agan’ Got ko n’en ni gimed be rin’ ma bmuduwgil ni aray rogon ni gimed be par. Ere chiney e gamad be wenig ngomed ma gamad be ta’mad ngomed u fithingan Somol ni Jesus ni ngam athamgilgad boch.

Ezekiel 3:17

I ga’ar, “Fak e girdi’, nggu tem ni gur e ngam mang damit ni fan ko girdi’ nu Israel, ni gur e bay u mog ngorad e pin’en ni bay ug ginaengrad riy.

Jeremiah 42:3

Mu meybil ni SOMOL ni Got rodad e nge dag ngomad e re kanawo’ ni nggu warod riy nge mang e nggu rin’ed.”

Jeremiah 6:16

I SOMOL e ga’ar ngak e girdi’ rok, “Mu sak’iygad ko mdardar ko kanawo’ ngam sapgad; ngam fithed fa yu pa’ i kanawo’ ni kakrom, mfithed e gin bay fare kanawo’ riy ni bfel’. Marod riy nge yag e gapas ngomed.” Machane ke lungurad, “Dab gu warod riy!”

Isaiah 30:21

Fa’an gimed rayan nga wuru’ e wo’ ko ba’ ni mat’aw ara ba’ ni gilay’, ma gimed ra rung’ag lungun nga fiti keru’med ni be ga’ar, “Ba’aray e wo’. Mu leked.”

1 Samuel 12:23

Me gag e ri dab gu tal i pi’ e meybil romed, ya ra dab gu pi’ e meybil romed ma aram e kug denen nib togopluw ngak. Mu gu par ngu’ug fil ngomed e tin bfel’ nge tin nib mat’aw ni ir e ngu’um rin’ed.

Deuteronomy 7:11

Ere um folgad ko tin kan fil ngomed; um folgad u urngin e pi motochiyel ni kug pi’ ngomed e daba’.

Mark 13:34

Susun e be’ nib mo’on ni digey e tabinaw rok me yan ko milekag, me pag fan urngin ban’en ngak e pi tapigpig rok, nra bagayad ma maruwel rok; me yog ngak e en nma matanagiy e mab ni nge tiyan’ ko matanag.

Matthew 28:20

mi gimed fil ngorad rogon ni ngu’ur folgad u gubin e tin kugog ngomed ni ngu’um rin’ed. Ma dab mpaged talin ni gubin ngiyal’ ma gu bay romed, nge yan i mada’ nga tomuren e fayleng.”

Deuteronomy 5:27

Moses, mu sul ngaram, ngam motoyil nga urngin e tin be yog SOMOL ni Got rodad. Ma ga sul ngamog ngomad urngin e tin keyog ngom. Ya gamad ra motoyil ngay ma gamad ra fol riy.’