Exodus 18:11 - Bible Ni Thothup

¹¹ Kugnang e chiney ni fare SOMOL e ri kab ga’ ngak urngin e pi got, ya nap’an ni be gafgownag e girdi’ nu Egypt piyu Israel miyad be changar ngorad nga but’ me rin’ ban’en ni ara’rogon.”

Exodus 18:11 Referans Kwoze

Psalms 95:3

Ya SOMOL e ba Got ni gubin ma rayag rok, ir ba pilung nib gel ngak urngin e pi got.

Exodus 15:11

“SOMOL, i mini’ u fithik’ e pi got e bod gur? I mini’ e bod gur nri gab thothup? I mini’ e rayag ni ngongliy e pi maang’ang me maruwel ni bod gur?

2 Kronicles 2:5

Ku gu tafinaynag ni nggu toy ba tempel nib ga’ ni bochan e Got romad e ba ga’ ngak gubin e pi got.

Luke 1:51

Ya pa’ nib gel e ke k’iyag ke wereg e girdi’ ni yad be ufanthin u lanin’rad ko tin ni kem’ay i leamnag rorad ni ngar ngongliyed.

Psalms 135:5

Gumnang ni SOMOL rodad e ir e ga’, ba ga’ ngak urngin e pi got.

Daniel 4:37

“I gag Nebukadnezzar e chiney e gu be pining e sorok ngak e en ni Pilung nu Tharmiy, ma gu be tay fan, ma gu be yog ni ir e ba gilbuguwan. Urngin ban’en nma rin’ e bmat’aw. Gubin ngiyal’ nib yal’uw e ngongol rok, mrayag rok ni nge sobut’nag e en nma ngongol u fithik’ e tolngan’ nge ufanthin.”

Psalms 97:9

SOMOL ni Gubin ma Rayag Rok, gur e tagagiyeg ko fayleng ni polo’; ga ba ga’ ngak gubin e got.

1 Kronicles 16:25

I SOMOL e rib ga’ ma bin th’abi tolang e sorok e nganog ngak; ir e ngan mathangeluwolnag u fithik’ urngin e pi got.

James 4:6

Ya ayuw nma pi’ Got ngodad e rib gel. Ya be yog e babyor nib thothup ni be ga’ar, “I Got e ma togopluw ngak e pi’in nib tolangan’rad, ma ma ayuweg e pi’in nib sobut’an’rad.”

Psalms 119:21

Ga ma ginaeng e en nib tolngan’; ma ga ma bucheg wa’athan e pi’in der fol ko tin kamog ni ngan rin’.

Nehemiah 9:10

Ma’ang’ang nni gin ngay e mu ngongliy nib togopluw ngak Farao, nge ngak e pi tolang ni bay nga tan pa’ nge girdi’ ko nam rok, ya mu nang gelngin e gafgow ni yad be tay ngak e tirom e girdi’. Me gilbuguwam ni bod rogon e bin daba’ e rran ni ka ba gilbuguwam.

2 Kings 5:15

Me sul ngak Elisa ni yad e pi’in nra uned ngak me ga’ar, “Chiney e kug nang ndariy yugu reb e got nga bang, ya kemus ni Got nu Israel e bay; ere wenig ngom, mfek e tow’ath rom ni kug pi’.”

1 Peter 5:5

Ma ku er rogomed e pi’in pagel nthingar mu folgad rok e pi’in pumo’on ni pi’ilal. Ma gimed gubin nthingar mon’ed madan e sobut’ laniyan’ nge bigimed me pigpig ngak bigimed; ya babyor nib thothup e be ga’ar, “I Got e ma togopluw ngak e pi’in nib tolangan’rad, mma ayuweg e pi’in nib sobut’an’rad.”

Psalms 31:23

Mu t’ufegned SOMOL, gimed gubin pi girdi’en ni gimed ba yul’yul’. SOMOL e ma yoror rok e pi’in ba yul’yul’, machane ma gechignag e pi’in tolangan’ nrogon ni nge aw ngorad.

Nehemiah 9:29

Um ning chiylen ngorad nthingar ra folgad ko fonow rom, ma fithik’ e tolangan’ rorad miyad n’ag e pi motochiyel rom, ni yugu aram rogon ni kanawo’ ko yafos e Motochiyel rom ni ngan fol riy. Feni gel lanin’rad nge farad gelan’, miyad siyeg ni ngar folgad.

Nehemiah 9:16

Machane pi chitamangimad ni kakrom e ra ufanthin gad miyad gelan’, ngar siyegned ni ngar folgad ko tin kamog ngorad ni ngar rin’ed.

1 Kings 17:24

Me fulweg fare pin ni ga’ar, “Chiney e kug nang ni gur be’ ni girdi’ rok Got, ma riyul’ nma non SOMOL u l’ugunam!”

1 Samuel 2:3

Mu taleged e thin ni gimed be yog ni ba ga’ lammed ni gimed e soromed; ngam th’abed gulungumed ndab ku mu weliyed e thin ko ufanthin. Ya SOMOL e ba Got ni manang urngin ban’en, me ir e ma thabthabelnag urngin e tin be rin’ e girdi’.

Exodus 14:18

Nap’an ni gu ra gel ngorad, ma bayi nang piyu Egypt ni gag e SOMOL.”

Exodus 14:8

Me gagiyegnag SOMOL Farao nge gel laniyan’, me lol’oeg piyu Israel, ni aram e yad be yan ni SOMOL e be yoror rorad.

Exodus 12:12

“Ra taw ko re nep’ nem ma bay gu wan u lan e nam nu Egypt nggu thang e pogofan rok urngin e tin nganni’ i fakey ni pumo’on, ni girdi’ nge gamanman. Bay gu gechignag urngin e pi got rok yu Egypt. I Gag SOMOL.

Exodus 10:3

Ma aram me yan Moses nge Aron ngak Farao, me lungurow ngak, “Ba’aray e thin nike yog SOMOL, ni ir e Got ko Hebrew, ‘Uw n’umngin nap’an ni ngu’um par ndab mu rin’ e tin gu be yog? Mpag e girdi’ rog ngranod ngar meybilgad ngog.

Exodus 5:7

“Mu talaged i pi’ e pan nike mlik ngak e girdi’ ni ngar ngongliyed e rengnga riy, ni bod rogon ni gimed be rin’; mu pagedyad nge mangyad e ranod ra kunuyed.

Exodus 5:2

Me ga’ar Farao, “I mini’ SOMOL? Mangfan ni nggu fol rok nggu pag yu Israel ngranod? Da gu nang owchen SOMOL; ri dab gu pag piyu Israel ngranod.”

Exodus 1:22

Me ga’ar Farao ngak urngin e girdi’ ko nam rok, “Urngin e bitir ni pumo’on ni yira gargeleg ngak e Hebrew e ngmon’ed ngalan e lul’ ni Nile, machane bitir ni ppin e ngan pag ngar pired ni yad bfos.”

Exodus 1:16

I ga’ar ngorow, “Gimew ra ayuweg e ppin ni Hebrew ko ngiyal’ ni ngar gargelgad, ma fa’anra ba pumo’on e bitir, mi gimew thang e fan rok, ma fa’anra bpin, ma dab mu li’ew.”

Exodus 1:10

Ere thingar da gonopiyed rogon nge dab ku ra yo’orgad. Ya richey mi ni mael, miyad fol ngak e pi to’ogor rodad ngar maelgad ngodad, miyad mil ngar chuwgad ko re nam ney.”

Numbers 33:4

ko ngiyal’ ni be k’eyag yu Egypt e tin nganni’ e pagel u pifakrad ni SOMOL e ke thang e pogofan rorad. Iip aramrogon, ni dag SOMOL nib gel gelngin ngak e pi got rok yu Egypt.