Exodus 18:1 - Bible Ni Thothup

¹ I Jethro ni ir e prist nu Midian ma chitamngin le’engin Moses e rung’ag urngin e tin ke rin’ Got ni fan ngak Moses nge girdi’ nu Israel u nnap’an ni pow’iyrad SOMOL nga wuru’ yu Egypt.

Exodus 18:1 Referans Kwoze

Exodus 3:1

Me reb e rran ni be chothowliy Moses e saf nge kaming ni fak Jethro ni chitamngin le’engin, me ir e prist nu Midian. Me gafaliy fa yu ran’ i gamanman ngar th’abed e ted ni desert ngarbad nga Sinai, ni fare burey rok Got nib thothup.

Exodus 2:16

me yib medlip e ppin ni fak e prist nu Midian. Marbad ra linged e ran, miyad suguy tafen e ran ni fan ngak e saf nge kaming ni fak e chitamangirad.

Acts 14:27

Ma fa’anra tawgow nga Antiok miyow ulunguy girdi’en fare galesiya ngar weliyew ngorad urngin e tin nike rin’ Got u pa’row, nge rogon nike bing e kanawo’ ngak e pi’in gathi yad piyu Israel ni nge mich Jesus u wun’rad.

Zekariah 8:23

U lan e pi rran nem e bayib ragag e girdi’ nu bang ra ga’argad ngak reb e Jew, ‘Gamad ba’adag ni nggu uned ko gin ngam man ngay, ni bochan e kug rung’aged ni bay Got rom.’”

Psalms 106:2

Mini’ e rayag rok ni nge weliy gubin e pi maang’ang nike rin’. Mini’ e ra gaman e sorok ni nge pining ngak?

Psalms 105:43

Me fek e girdi’ rok ngranod nga wuru’ e nam ni yad be tang, ni girdi’ rok ni ir e mel’eg ngranod ni yad be tolulnag e felfelan’.

Psalms 78:4

Dab da mithaged rok pifakdad, nga dogned ko bin migid e mfen murung’agen SOMOL nib gel nge gafarig rok ni bfel’ nge pi maang’ang ni i rin’.

Psalms 44:1

A Got, ku gu rung’aged nga telmad, pi chitamangimad kakrom e kar weliyed ngomad murung’agen, feni sorom ko pin’en ni um rin’ u nap’rad, ko fapi rran ni kakrom:

Psalms 34:2

Bay ug pining e sorok ngak ko tin ke rin’; mang e yigi gubin e pi’in yibe gafgow nagrad e ngar motoyilgad me felan’rad!

Joshua 9:9

Miyad weliy salparad nra ga’argad: “Siro’, ma kugbad u bang ni rib palog, ni bochan e kug rung’aged marung’agen SOMOL ni Got rom. Kug rung’aged urngin ban’en nike rin’ u Egypt

Joshua 2:10

Kug rung’aged rogon ni mliknag SOMOL e ran ko Red Sea nge yag ni mu chuwgad u Egypt. Ma ku gu rung’aged rogon ni ka mu thanged owchen Sihon nge Og, ni fa gal pilung nu Amor ko ley ni ngek fare lul’ ni Jordan.

Roma 15:18

Bay dab kug tamdag nggu par ni kemus ni tin ke rin’ Kristus u pa’ag e nggu weliy, ni aram e ke pow’iy e pi’in gathi yad piyu Israel ni ngar folgad rok Got, nike rin’ u daken e thin nge ngongol,

Acts 15:12

Me par girdi’en fare ulung ndaki non be’ nnap’an ni yad be motoyil ngak Barnabas nge Paul, ni aram e yow be weliy urngin e pin’en nni ngat ngay nge pi maang’ang ni ngongliy Got u pa’row u fithik’ e pi’in gathi yad piyu Israel.

Jeremiah 33:9

Jerusalem e bayi par ni tagil’ e felfelan’ nge liyor, ni gub uf ngay; ma gubin e nam u fayleng e bay rrusgad ngu’ur durru’gad ko marus ko ngiyal’ ni yad ra rung’ag murung’agen e pin’en nib manigil ni ku gu rin’ ngak e girdi’ nu Jerusalem nge murung’agen e fla’ab ni ku gu pi’ ko fare binaw.”

Psalms 105:5

Mu ted u wan’med feni manigil e pi maruwel rok nike ngongliy, pi maang’ang rok, nge pin’en nike tirigiliy keyog,

Judges 4:11

Ma ke n’uf Heber ni be’ nu Keni e tent rok nib chugur nga Kedesh, ma ba chugur ko fare ke gek’iy ni oak ni bay u Zaanannim, nike chuw u fithik’ e tin kabay e girdi’ nu Keni, ni yad e pi’in owchen Hobab, nib mo’on ni walagen le’engin Moses.

Numbers 10:29

Me ga’ar Moses ngak Hobab nib mo’on ni fak Jethro nu Midian ma le’engin be’ ni bpin ni walagen Moses, “Chiney e aram e ke chugur ni nggu chuwgad u roy nggu warod ko fare gin’en nike yog SOMOL ni bayi pi’ ngomad. Ke micheg SOMOL nra tow’athnag yu Israel nge fel’ rograd, ere mu’un ngomad, ma tin nra fel’ rogomad riy e gamad ra pi’ boch ngom.”

Exodus 4:18

Me sul Moses ngak Jethro, ni chitamngin le’engin, me ga’ar ngak, “Wenig ngom, mpageg nggu sul ngak pi girdi’eg ni yad bay u Egypt ngguy ko ka yad bay fa karm’ad.” Me fingichiy Jethro Moses.

Exodus 2:21

Me turguy Moses u wan’ ni nge par u rom, ma aram e de n’uw nap’an me pi’ Ruel Zipporah ni fak ngak nge le’engiy.

Exodus 2:18

Fa’anra sulod ngak e chitamangirad i Ruel, me fithrad ni ga’ar, “Mangfan ni kam sulod e daba’ ni gimed ba papey?”

Exodus 6:6

Ere ngamog ngak piyu Israel ni gu be ga’ar ngorad, ‘I gag SOMOL, e bay gu lagmed u tan gelngin e sib ni gimed be tay u Egypt. Bay gu pug pa’ag ngalang nib gel gelngin nggu pi’ ba gechig nib gel nga dakenrad, ma aram mu gu aywegmed.

Judges 1:16

Pi’in owchen e chitamngin e bpin rok Moses, ni aram e piyu Keni, e ra uned ngak e girdi’ rok Judah u Jeriko, ni fare binaw ko gek’iy ni palm, ngranod nga daken bangi ted ni bay ko yimuch u Arad u lan yu Judah. Miyad par u rom u fithik’ e piyu Amalek.