Exodus 17:9 - Bible Ni Thothup

⁹ Me ga’ar Moses ngak Joshua, “Mmel’eg boch e pumo’on mi gimed yan ngam maelgad ngak e yu Amalek gabul. Bay gu sak’iy nga daken e burey ni bay fare ley i sog u pa’ag ni yog Got ni nggu fek.”

Exodus 17:9 Referans Kwoze

Deuteronomy 32:44

Moses nge Joshua ni fak be’ nib mo’on ni Nun fithingan e ra weliyew e thin ko re tang ney, ni nge rung’ag e girdi’ nu Israel.

Exodus 24:13

Me fal’eg Moses rogon, ma ku aram rogon ni rin’ e tapigpig rok i Joshua, miyow yan nga daken e burey rok Got.

Exodus 4:20

Me fek Moses e bpin rok nge fa gal pumo’on ni fak, nge tayrad nga daken e dongki miyad yan nga Egypt. Me fek Moses fare ley i sog ni fa’ani yog Got ngak ni nge fek.

Exodus 4:2

Me fith SOMOL ngak ni ga’ar, “Mang e bay u pa’am?” Me ga’ar Moses, “Ba ley i sog.”

Hebrews 4:8

Ya fa’an mang e fek Joshua fapi girdi’ ngar uned ngak Got ko toffan, ma dabki weliy Got nga tomuren murung’agen yugu reb e rran.

Acts 7:45

Pi chitamangidad ni pi’ pi chitamangirad e re tent nem ngorad, e tomur miyad fek nge un ngorad ko fa ngiyal’nem ni fa’anra uned ngak Joshua ngar feked fa gi nam ni i par girdi’en bo’or e nam u daken me tulufrad Got riy. Me par u rom nge mada’ nga nap’an David.

Numbers 11:28

Joshua ni fak Nun ni i ayuweg Moses ko ngiyal’ ni kab pagel ke mada’ ko ngiyal’nem e ga’ar ngak Moses, “Masta, mu talegrow!”

Exodus 17:13

Mri gel Joshua ngak fapi Amalek.

Numbers 13:16

Irera’ e pi girdi’en e damit ni l’ograd Moses ni ngar lekged fare nam. Me thilyeg fithingan Hoshea nib mo’on ni fak Nun nge tunguy Joshua ngak.

Exodus 4:17

Mu fek e re ley i sog ney, ngam ngongliy fapi maang’ang ngay.”

Joshua 8:18

Me ga’ar SOMOL ngak Joshua, “Mu pulweg e sarey rom nga Ai; ya nggu pi’ nga pa’am.” Me rin’ Joshua nrogon ni kanog ngak,

1 Kronicles 7:27

Nun, Joshua.

Exodus 18:21

Ma tin kabay ni ngam rin’, e ngam mel’eg boch e pumo’on u fithik’ e pi girdi’ ney, ni bay madgun Got u wun’rad, ma rayag ni nge pagan’uy ngorad, ma daburad e sasalap. Ma ga ta’rad ni yad e ga’ ko yu ulung i girdi’ ni yu biyu’, nge yu ra’ay, nge yu wugem, nge yu ragag.

Exodus 33:11

Ma par Moses u p’eowchen SOMOL, ma yow ma welthin SOMOL ni bod rogon ruw i fager. Ma nap’an nra sul Moses ko gin bay yu Israel riy. Ma fa’anem ni kab pagel ni ta’yuw rok Moses, ni aram Joshua nib mo’on ni fak Nun, e nge par u lan fare Tent.

Numbers 27:18

Me ga’ar SOMOL ngak Moses, “Mu fek Joshua ni fak Nun, ya rayag rok, ma ga tay pa’am nga daken lolugen ngam yibilay ngog.

Joshua 8:3

Me ere fal’eg Joshua rogon nge salthaw rok ko yan nga Ai. Me mel’eg guyey biyu’ ko salthaw rok nthabi salap nge pi’rad ngranod nnep’.