Exodus 17:8 - Bible Ni Thothup

⁸ Me yib girdi’en yu Amalek ngar maelgad ngak piyu Israel u Refidim.

Exodus 17:8 Referans Kwoze

1 Samuel 15:2

Bayi gechignag e girdi’ nu Amalek ni bochan e ra togopluwgad ngak piyu Israel ko fa ngiyal’nem ni chuw piyu Israel u Egypt.

1 Samuel 30:1

Me yan l’agruw e rran me taw David nge salthaw rok nga Ziklag. Ma pi Amalekite e karbad ra maelgad nga ley ni yimuch yu Judah ma kar chamgad nga Ziklag. Kar urfiyed fare binaw nga but’

Numbers 24:20

Mi ni piliyeg e changar rok Balaam me guy piyu Amalek me weliy e re yi’iy ni ba’aray: “Yu Amalek e immoy ni ir e ba th’abi gel u fithik’ e pi nam, machane bayi taw ko tomur min thirif u but’.”

Psalms 83:7

nge girdi’en yu Gebal, Ammon, nge yu Amalek, nge yu Filistia nge yu Tyre.

Genesis 36:16

Korah, Gatam, nge Amalek. Picha’ ney e yad owchen Adah ni le’engin Esau.

Exodus 17:1

Me chuw urngin e girdi’ nu Israel u daken e ted ni desert u Sin, ngu’ur pired u bang ngu bang u tan lungun SOMOL. Rabad ra pired nga Refidim, machane dariy e ran u rom ni yira unum.

1 Samuel 27:8

Ma ngiyal’ i n’em e i yan David nge pi salthaw rok ngu’ur maelgad ngak e girdi’ nu Geshur, Girzi, ngu Amalek, pi girdi’ ney e kari n’uw nap’an ni kar pired ko rengi n’em. Ma yan David ngi i cham ko binaw rorad nge taw nga Shur, i yan nga pe’ning nge mada’ nga Egypt,

Genesis 14:7

Miyad cheal ngar sulod nga Kadesh (ara Alublub ko Pufthin), miyad kol e nam rok e girdi’ ni kanog e Amalekite ngorad ni ga’ngin, nge girdi’ ni kanog e Amorite ngorad ni yad ma par u lan yu Hazazon-tamar.

Numbers 13:29

Pi Amalekite e yad be par ko ley ni yimuch e re nam nem; ma pi Hittite, nge pi Jebusite, nge pi Amorite e yad be par u daken e ted; ma piyu Kanaan e yad be par u dap’el’ay u to’oben fa gi day ni Mediterranean fithingan nge to’oben fare lul’ ni Jordan fithingan.”

Judges 6:3

Yug nap’an nra yung piyu Israel e woldug rorad, me yib e pi Midian nge pi Amalek nge pi ganong ni yad ma par u daken e ted ngar chamgad ngak piyu Israel.

1 Samuel 14:48

I cham nib cheag ko cham ni mus ngak e girdi’ ni Amalek niki gel ngorad. Gubin e cham ni un fek i yib ngak piyu Israel mi i ayuwegrad riy.