Exodus 17:5 - Bible Ni Thothup

⁵ Me ga’ar SOMOL ngak Moses, “Mfek boch e pi’in yad ma yog e thin rok piyu Israel ngar uned ngom, ngam m’onod rok e girdi’ i yan. Ma ga fek fare ley i sog nge un ngom ni fa’an mu toy ko lul’ ni Nile.

Exodus 17:5 Referans Kwoze

Ezekiel 2:6

“Me gur e en ni fak e girdi’ e thangri dab mu rus ngorad fa mu rus ko tin yad ra yog ngom. Bay ra longobiyed gur ni yad bod e rachangal ni longobiyem; ni gowa ga be par u fithik’ e awol. Machane dab mu rus ko pi tatogopluw nem ara tin bay rogned.

Exodus 3:16

Mman ngam ulunguy e pi’in yad be yog e thin rok piyu Israel ngamog ngorad ni Gag, fare SOMOL, ni Got rok e pi chitamangirad, ma Got rok Abraham, Isak, nge Jakob, e kug m’ug ngom. Mog ngorad ni kug guy e n’en ni be rin’ piyu Egypt ngorad.

Exodus 3:18

Girdi’ rog e yad ra motoyil ko n’en bay mog ngorad. Ma aram e thingar mman ngak e pilung nu Egypt ni gimed e pi’in yad be yog e thin rok piyu Israel nge lungum ngak, ‘I SOMOL, ni ir e Got rok e Hebrew e ke m’ug ngomad. Wenig ngom, mu pagmad nggu milekaggad nga daken e ted ni desert ni dalip e rran ma gamad taw, nggu pi’ed e maligach ngak SOMOL ni Got romad.’

Exodus 14:16

Mfael e sog rom nga daken e day ngam ruw raba’ nag, nge yag ni yan piyu Israel u lan e gi day nem ni yad be yan u daken e but’ nike mlik’.

Psalms 74:15

Kam tay e pi alublub nge pi athang’el ngi i map’; ma kam mliknag lan e pi lul’ ni gagang’.