Exodus 16:4 - Bible Ni Thothup

⁴ Me ga’ar SOMOL ngak Moses, “Chiney e ngug gagiyegnag e ggan nge mul u lanelang nga but’ ni bod e n’uw ni fan ngomed ni gimed gubin; ma gubin e rran ni nge yan e girdi’ ngar kunuyed nap’an e tin ngar ked riy u reb e rran. Ireray rogon me yag ni gu sikeng nagrad nggu nang ko yad ra fol ko tin kugog fa danga’.

Exodus 16:4 Referans Kwoze

1 Korinth 10:3

Yad gubin nra ked fare ggan ni yib u pa’ Got,

Psalms 105:40

Ra weniggad ngak, me pi’ e arche’ ni quail nge yib ngorad, me pi’ e ggan ngorad u tharmiy ngar gaman gad riy.

Deuteronomy 8:2

Mu tafnay niged rogon ni i pow’iymed SOMOL ni Got romed u daken e ted i yan ni aningeg i ragag e duw ni ba milekag nib n’uw wo’en, ma be pi’ bogi n’en nib mo’maw’ be yib ngomed ni be sikeng nagmed, ya nge guy e n’en ni gimed ra rin’ ko gimed ra fol ko tin keyog ni ngu’um rin’ed fa dangay.

Exodus 15:25

Me meybil Moses ngak SOMOL ni be non ngak nri aram rogon u ngorongoren, me fal SOMOL owchen Moses nga ba ley i gek’iy; me fek Moses fare ley i gek’iy nge yin’ nga fithik’ e ran, me thil fare ran nge fel’ lamen. Me pi’ SOMOL e motochiyel ngorad ni ngar folgad riy, mu rom e ki sikeng nagrad riy.

Nehemiah 9:15

“Fa’ani yib e bilig ngorad ma ga pi’ e flowa u tharmiy ngorad, ma ga pi’ e ran nge yib u fithik’ e war nga but’ ko ngiyal’ nike yib e belel ngorad. Ma ga yog ngorad ni ngranod ra tafned fare nam ni mmicheg ni bay mpi’ ngorad.

Deuteronomy 8:16

u rom u daken e ted e pi’ e manna ngu’um ked, ni ba ggan ndawori kay e chitamangimed ni kakrom bi’id. I pi’ bogi n’en nib mo’maw’ nge yib ngomed ni nge sikeng nagmed, ya nge yan i tomur me yu’nag e tin bfel’ ngomed.

Matthew 6:11

Mpi’ ngomad e daba’ e ggan ni nge yag ngomad.

Proverbs 30:8

Mu aywegeg nga dab ug sasalap l’ugun, ma dabri fel’ rogog ma dab rug gafgow. Ere mu pi’ ngog chi urngin e ggan nib t’uf rog.

Nehemiah 11:23

Bay rogon nike yog e en pilung ni ngi i thilthil e yuke girdi’ i gagiyegnag e musik u lan fare Tempel ni gubin e rran.

Joshua 24:15

Fa’anra der magan’med ngay ni ngam pigpiggad ngak SOMOL, me ere mu duwgiliyed e daba’ e re got ni ngu’um pigpiggad ngak, ko pi got ni i pigpig pi chitamangimed ngorad u lan e nam nu Mesopotamia, ara pi got rok e pi Amorite, ni nam rorad e gimed be par riy e chiney. Machane gag nge girdi’ ko birog e tabinaw e ngu’ug pigpiggad ngak SOMOL.”

Luke 11:3

Mpi’ ngomad u reb e rran ngu reb e rran e ggan ni nge yag ngomad.

Exodus 16:15

Fa’ani guy piyu Israel ma dar nanged ko be mang, mu ur fithed yad ni be lungurad, “Be mang e pin’ey?” Me ga’ar Moses ngorad, “Ireray fare ggan nike pi’ SOMOL ngomed ni ngam ked.

Psalms 78:23

Ma aram me non ngalan e lang nge yog ko pi mab riy ni nge mab;

Nehemiah 9:20

U mog ngorad e n’en ni ngar rin’ed ni bochan e gab gol; um durwi’iyrad ko manna mu’um pi’ e ran ni ngar unumed.