Exodus 16:35 - Bible Ni Thothup

³⁵ Piyu Israel e ra ked e manna ni aningeg i ragag e duw nge yan i mada’ ko ngiyal’ nra tawgad ko nam nu Kanaan, ni aram e gin nra pired riy. (

Exodus 16:35 Referans Kwoze

Joshua 5:12

Tomuren e binem me tal e manna ndaki mul u lang nga but’, ma aram e daki kay piyu Israel e re manna nem. Re duw i n’em e ra tababgad i kay e ggan nni yung u Kanaan.

Deuteronomy 1:8

Irera’ fare nam ni gag SOMOL e gu micheg ngak pi chitamangimed kakrom, ni aram Abraham, nge Isak nge Jakob, nge ngak e pi’in owcherad. Marod ngam pired ngay.’”

Nehemiah 9:15

“Fa’ani yib e bilig ngorad ma ga pi’ e flowa u tharmiy ngorad, ma ga pi’ e ran nge yib u fithik’ e war nga but’ ko ngiyal’ nike yib e belel ngorad. Ma ga yog ngorad ni ngranod ra tafned fare nam ni mmicheg ni bay mpi’ ngorad.

Numbers 33:38

U tan lungun SOMOL, me yan Aron ni prist nga daken e Burey nu Hor. Ni duw rok e ngiyal’nem e ra’ay nge rliw’ nge dalip me yim’ u rom ko bin m’on e rran ko bin lal e pul ko re duw nike gaman e aningeg i ragag ngay nike chuw piyu Israel u Egypt.

Acts 7:36

nge fek e girdi’ nu Israel nga wuru’ yu Egypt, mi i ngongliy e maang’ang nge bogi n’en ni un ngat ngay u lan yu Egypt ngu lan fa gi day ni Red Sea, ngu daken e ted ni aningeg i ragag e duw.

1 Korinth 10:3

Yad gubin nra ked fare ggan ni yib u pa’ Got,

Numbers 32:13

I SOMOL e par nib damumuw ko girdi’ me digeyrad ngu’ur derawgad u daken e ted ni aningeg i ragag e duw nge taw ko ngiyal’ nike yim’ gathon fare mfen ni ur kireb naged lanyan’ SOMOL.

Deuteronomy 2:7

“Ngu’um leam niged rogon nike tow’ath nagmed SOMOL ni Got romed u gubin ban’en ni kam ngongliyed. Ke ayuwegmed u n’umngin nap’an ni kam derawgad u lan e regi ted ney ni desert. De pagmed u lan e re aningeg i ragag i duw ney, go’ i yag ngomed e tin nib t’uf romed.

Deuteronomy 8:4

Mad romed e de kaday ma rifrif u aymed e de thow u lan e re aningeg i ragag i duw nem.

Deuteronomy 29:4

Machane ke mada’ ko bin daba’ e rran ma dawori tamilangnag laniyan’med ngam nanged fan e pin’en ni kam marod u fithik’.