Exodus 16:29 - Bible Ni Thothup

²⁹ Dab mpaged talin ni Gag SOMOL e kug pi’ ngomed fare rran ko toffan; aram fan ni chirofen ni nel’ fen e maruwel e gu be pi’ ngomed e ggan ni nge yag ngomed u l’agruw e rran. Ya ra be’ ma nge par ko gin bay riy ko chirofen ni medlip; ma dariy be’ ni nge pag e tabinaw rok e rofen nem.”

Exodus 16:29 Referans Kwoze

Exodus 31:13

ni nge non ngak e girdi’ nu Israel ni nge ga’ar, “Mu ayuweged e Sabbath, ni yaran e toffan rog, bochan e irera’ e pow u thildad e chiney i yan ngaram, ni be dag ni Gag SOMOL e kug me’legmed ni kam manged girdi’ rog.

Ezekiel 20:12

Mu gog ngorad ni ngar ayuweged e Sabbath nib pow ko m’ag u thilmad, ni nge puguran ngorad ni Gag SOMOL e gu thothup nagrad.

Luke 23:56

Ma aram miyad sul nga taferad ngar ngongliyed rogon e florida nge gapgep ni ngar liyfed downgin Jesus ngay. Me rofen ni Sabbath miyad toffan ni bod rogon nike yog e Motochiyel.

Nehemiah 9:14

Mmachibnag ngorad rogon ni ngar ayuweged e pi sabbath rom nib thothup, u pa’ Moses ni tapigpig rom e mu pi’ fapi motochiyel rom riy ngorad.

Exodus 16:28

Me ga’ar SOMOL ngak Moses, “Uw n’umngin nap’an ni ngam pired ndabumed ni ngam folgad ko tin kugog ni ngam rin’ed nge pi motochiyel rog?

Exodus 16:30

Ma aram e da i maruwel e girdi’ ko chirofen ni gaman e medlip.

Levitikus 25:21

I SOMOL e bayi tow’athnag e but’ ko duw nnel’ ni bochan e nge pi’ wom’ngin e woldug ni yira gaman riy u lan l’agruw e duw.

Matthew 24:20

Mu yibilgad ngak Got nge dab mmilgad ko ngiyal’ nib gel e garbeb riy ara chirofen ni Sabbath!