Exodus 16:14 - Bible Ni Thothup

¹⁴ Ma fa’ani chuw fapi wa’angachal ya ke ngal’ ni aybeb, me magey bochi thal i ban’en nib munguy u daken e but’ ni bod e wa’angachal ni elnag e garbeb.

Exodus 16:14 Referans Kwoze

Psalms 105:40

Ra weniggad ngak, me pi’ e arche’ ni quail nge yib ngorad, me pi’ e ggan ngorad u tharmiy ngar gaman gad riy.

Psalms 78:24

i pi’ e grain u tharmiy ngorad, me pu’og e manna nga but’ ni ngar ked.

Nehemiah 9:15

“Fa’ani yib e bilig ngorad ma ga pi’ e flowa u tharmiy ngorad, ma ga pi’ e ran nge yib u fithik’ e war nga but’ ko ngiyal’ nike yib e belel ngorad. Ma ga yog ngorad ni ngranod ra tafned fare nam ni mmicheg ni bay mpi’ ngorad.

Deuteronomy 8:3

Me pagmed ngam pired ndariy ban’en ni gimed ra kay, me pi’ e manna ngomed ni ngam ked, nib ggan ni dawor mu ked bi’id ma ku arogon e pi chitamangimed ni kakrom. I rin’ e ren’ey ngomed ni fan e nge fil ngomed ni gathi go’ flowa e ma tay e girdi’ nib fos, machane gubin bug e thin ni yib u langan SOMOL e ra tay e girdi’ nib fos.

Psalms 147:16

Ma filath e ayis ni bod e blangkit me wereg e wa’angchal nike el ni ayis ni bod e fiyath.

Exodus 16:31

Me tunguy piyu Israel fithingan e re ggan nem ni manna. Ma re manna nem e bod awochngin e coriander; ba wechwech ma bod lamen e kek nib gilgith nni ngongliy ko honey.