Exodus 15:25 - Bible Ni Thothup

²⁵ Me meybil Moses ngak SOMOL ni be non ngak nri aram rogon u ngorongoren, me fal SOMOL owchen Moses nga ba ley i gek’iy; me fek Moses fare ley i gek’iy nge yin’ nga fithik’ e ran, me thil fare ran nge fel’ lamen. Me pi’ SOMOL e motochiyel ngorad ni ngar folgad riy, mu rom e ki sikeng nagrad riy.

Exodus 15:25 Referans Kwoze

Deuteronomy 8:2

Mu tafnay niged rogon ni i pow’iymed SOMOL ni Got romed u daken e ted i yan ni aningeg i ragag e duw ni ba milekag nib n’uw wo’en, ma be pi’ bogi n’en nib mo’maw’ be yib ngomed ni be sikeng nagmed, ya nge guy e n’en ni gimed ra rin’ ko gimed ra fol ko tin keyog ni ngu’um rin’ed fa dangay.

Psalms 66:10

Got, gur e kam sikeng nagmad; ni bod e silber ni kan be’echnag ko nifiy, aram rogon ni kam sikeng nagmad.

Judges 3:1

Ma aram, me pag SOMOL boch girdi’en e pi nam u lan fare binaw nge sikengnag yu Israel ni daro’ned ko pi mael ni un tay u Kanaan

Judges 3:4

Ni tayrad ni nge mang ba sikeng ngak yu Israel ni ngan guy ko yad ra fol ko pi motochiyel ni pi’ SOMOL u pa’ Moses ngak e pi chitamangirad kakrom fa dangay.

Judges 2:22

Ere nggu maruwel ngorad nggu nang ko ra folwok yu Israel rog ni bod e pi chitamangirad kakrom fa dangay.”

Deuteronomy 8:16

u rom u daken e ted e pi’ e manna ngu’um ked, ni ba ggan ndawori kay e chitamangimed ni kakrom bi’id. I pi’ bogi n’en nib mo’maw’ nge yib ngomed ni nge sikeng nagmed, ya nge yan i tomur me yu’nag e tin bfel’ ngomed.

Exodus 16:4

Me ga’ar SOMOL ngak Moses, “Chiney e ngug gagiyegnag e ggan nge mul u lanelang nga but’ ni bod e n’uw ni fan ngomed ni gimed gubin; ma gubin e rran ni nge yan e girdi’ ngar kunuyed nap’an e tin ngar ked riy u reb e rran. Ireray rogon me yag ni gu sikeng nagrad nggu nang ko yad ra fol ko tin kugog fa danga’.

2 Kings 2:21

me yan ko fare alublub nge yan i yin’ fapi sol nga maran me ga’ar, “Ba’aray e tin keyog SOMOL: ‘Kug machalbognag e re ran ney, ere dabki yim’ e girdi’ ngay ma dabki maraggilnag e ppin.’”

1 Korinth 1:18

Ya murung’agen e yam’ ni tay Kristus u daken e kuruth e thin ko balyang u wan’ e pi’in kar maloggad; machane rogon u lanin’dad e pi’in kad thapgad ngak Got e ireram gelngin Got.

Jeremiah 9:7

Bochan e ran’ey me ga’ar SOMOL ni Gubin ma Rayag Rok, “Bay gu machalbognag e girdi’ rog ni bod e wasay nggu sikeng nagrad. Girdi rog e ka ra ngongliyed e kireb — mang e kabay ni nggu rin’ ngorad?

Proverbs 17:3

Gol nge silber e yima sikengnag ko nifiy ma gumircha’en e girdi’ e SOMOL e ma sikengnag.

Psalms 91:15

Nap’an ni yad ra non ngog mu gu fulweg lungurad; mra yib e oloboch ngorad, ma gu bay rorad. Gu ra chuwegrad u fithik’ nggu tolang nagrad.

Psalms 50:15

Mu piningedgag ko ngiyal’ nra yib e oloboch; mu gu lufmed riy, ma bay mu pininged e sorok ngog.”

2 Kings 4:41

Me ning Elisa boche grain ni kani bilbilig ni ngan pi’ ngak, me yin’ ngalan fare th’ib, me ga’ar, “Ngani ngal’weg boch e stew nga pilet ko fapi pumo’on.” Ma dakriy ban’en ni kab buch riy.

Exodus 14:10

Nap’an ni chugur Farao, me guy yu Israel piyu Egypt ni karbad i yib ngorad; me rus piyu Israel, miyad wenignag e ayuw ngak SOMOL ni ba ga’ lamrad.

Psalms 99:6

Moses nge Aron e yow e prist rok, me Samuel e be’ ni i meybil ngak; ra pininged SOMOL, me fulweg lungurad.

Psalms 81:7

Nap’an ni yib e oloboch ngomed, mi gimed piningeg, mu gu chuwegmed u fithik’. Gu fulweg lungumed u tagl’ig ni bay u fithik’ e yoko’ nib mith. Gu sikeng nagmed ko fare alublub nu Meribah.

Deuteronomy 13:3

ma dab mu telmed ngak, ya SOMOL ni Got romed e be maruwel ngak ni nge sikeng nagmed, nge guy ko rib t’uf SOMOL romed u polo’ i gumircha’med fa dangay.

Exodus 17:4

Mri meybil Moses ngak SOMOL ni ga’ar, “Mang e nggu rin’ ngak e pi girdi’ ney? Ya ke chugur ni ngar malang nigedgag nggum’.”

Jeremiah 15:1

Me ga’ar SOMOL ngog, “I mus ni fa’an mang e ba sak’iy Moses nge Samuel u roy ni yow be wenig ngog, ma dab gu runguy e girdi’ nu Judah. Mu guy rogon ngar chuwgad u p’eowcheg.

Exodus 20:20

Me ga’ar Moses ngak piyu Israel, “Dab mu rusgad; ya kemus ni nge yib Got ni nge sikeng nagmed me tay madgun nga lanin’med, ya nge dab kum denengad.”

2 Kings 6:6

Me fith Elisa ngak ni ga’ar, “Ke mul ngan?” Me dag fare mo’on ngak e gin ke mul ngay, me th’ab Elisa ba ley i gek’iy nge yin’ nga maran me yib i pes fa gi tow nga daken e ran.

Ezekiel 47:7

ma nap’an e gu taw ngaram, mu gguy e gek’iy nib yo’or ni bay u barba’ ngu barba’.

Ezekiel 47:8

Me ga’ar ngog, “Re ran ney e be yan u daken e nam nib sor ko ngek nge log ngalan e Loway nu Jordan nge yan ko day ni fithingan e Dead Sea. Nap’an nra lul’ ngalan e Dead Sea, me yin’ luwan e day nge kak’lingnag e ran riy.