Exodus 15:22 - Bible Ni Thothup

²² Moses e gafaliy e girdi’ nu Israel ngar chuwgad ko fare gi day ni Red Sea fithingan ngranod ngalan e ted ni desert u Shur. Dalip e rran ni ur milekaggad u daken e re gi ted nem ni desert, ma dar pir’eged e ran.

Exodus 15:22 Referans Kwoze

Genesis 16:7

Me m’ug fare engel rok SOMOL ngak Hagar ko fare alublub ni bay u lan e ted ni desert, ma re alublub nem e bay u to’oben e wo’ ni yan ko binaw nu Shur,

1 Samuel 15:7

Me gel Saul ngak e pi Amalek, ni cham u Havilah nge mada’ nga Shur, ni bay ko ngek u Egypt;

Genesis 25:18

Me par e pi’in owchen Ishmael u bang i binaw ni bay u thilin yu Havilan nge Shur, ni bay ko ngek u Egypt ni kanawo’ nga Assyria. Kar pired ni yad bpalog rok e tin ba’aram e girdi’ ni ku yad owchen Abraham.

Exodus 3:18

Girdi’ rog e yad ra motoyil ko n’en bay mog ngorad. Ma aram e thingar mman ngak e pilung nu Egypt ni gimed e pi’in yad be yog e thin rok piyu Israel nge lungum ngak, ‘I SOMOL, ni ir e Got rok e Hebrew e ke m’ug ngomad. Wenig ngom, mu pagmad nggu milekaggad nga daken e ted ni desert ni dalip e rran ma gamad taw, nggu pi’ed e maligach ngak SOMOL ni Got romad.’

Genesis 20:1

I chuw Abraham u Mamre nge yan ko lay ni yimuch u Kanaan nge yan ni par nga thilin yu Kadesh ngu Shur. Nap’an ni be par u Gerar, me bingiyal’

Numbers 33:8

Miyad chuw u Pi Hahiroth ngar th’abed e day ni Red Sea nga daken e ted u Shur; me yan dalip e rran ni kar milekaggad marbad ra pired nga Marah.

1 Samuel 27:8

Ma ngiyal’ i n’em e i yan David nge pi salthaw rok ngu’ur maelgad ngak e girdi’ nu Geshur, Girzi, ngu Amalek, pi girdi’ ney e kari n’uw nap’an ni kar pired ko rengi n’em. Ma yan David ngi i cham ko binaw rorad nge taw nga Shur, i yan nga pe’ning nge mada’ nga Egypt,

Psalms 77:20

Ga be gafaliy e girdi’ rom ni bod ba tagafaliy e saf, ni Moses nge Aron e ga’ rorad.

Psalms 78:52

Ma aram me gafaliy e girdi’ rok nga wuru’ yu Egypt ni bod ba tagafaliy e saf ni pow’iyrad u daken e ted ni desert.

Psalms 78:53

Dar rusgad ya i pow’iyrad ni dabi buch ban’en rorad; machane, day e yib nge tharey e pi to’ogor rorad.

Psalms 136:16

I gafaliy e girdi’ rok u daken e ted ni desert; t’ufeg rok e ba manemus.

Exodus 17:1

Me chuw urngin e girdi’ nu Israel u daken e ted ni desert u Sin, ngu’ur pired u bang ngu bang u tan lungun SOMOL. Rabad ra pired nga Refidim, machane dariy e ran u rom ni yira unum.