Exodus 15:21 - Bible Ni Thothup

²¹ Me yin’ Miriam e re tang ni ba’aray ngorad, “Ngan tangnag SOMOL, ya gel nike tay e rib sorok riy; ke yin’ fapi os nge pi’in yad be yannag nga maday.”

Exodus 15:21 Referans Kwoze

Exodus 15:1

Me yin’ Moses nge piyu Israel e re tang ni ba’aray ngak SOMOL: “Nggu tangnag SOMOL, ya gel nike tay e rib sorok riy; ke yin’ fapi os nge pi’in ni kar afgad nga daken nga maday.

Revelation 15:3

ni yad be yin’ fare tang rok Moses, ni ir fare tapigpig rok Got, nge fare tang rok fare Fak e Saf, ni ga’ar: “Somol ni Got, ni Gubin ma Rayag Rok, rib sorom ngarogon feni fel’ e ngongol rom! Me gur e Pilung rok gubin e nam, rib mat’aw ma ba riyul’ e tirom e kanawo’!

Revelation 5:9

Miyad yin’ ba tang nib be’ech ni ga’ar: “I gur e bay rogom ni ngam fek fare gi babyor ni kan bachiy ngam guchthuy fapi hang riy. Ya nli’em nga mum’, ma racha’em ni map’ u kuruth e ir e mu chuw’iy e girdi’ ngay ni ngar manged girdi’en Got, ni girdi’ u urngin e ganong, nge thin, nge gubin mit e girdi’, nge nam.

1 Samuel 18:7

Me tang e pi’in ni ppin u fithik’ e felfelan’ ni be lungurad, “I Saul e thang e fan rok yu biyu’, machane David e thang e fan rok yu rangag e biyu’.”

Judges 5:3

Mu telmed, e pi pilung! Mu sapgad, e pi’in gimed ma gagiyegnag e girdi’! Ya nggu tang mu gu chubeg e musik ni fan ngak e Got rok piyu Israel, ni ir e SOMOL!

Revelation 14:3

ni kar sak’iygad ni yad ba sap nga tagil’ Got nge ngak fa aningeg i n’em ni yad ba fos nge pi’in pi’ilal, miyad yin’ ba tang nib be’ech ndariy be’ nra mit ngak ya kemus ni fare ra’ay nge aningeg i ragag nge aningeg i biyu’ i girdi’ ni kan biyuliyrad u fayleng e ke mit ngorad.

1 Samuel 18:6

Nap’an ni be sul e pi salthaw i yib nga tabinaw rorad, ni aram e ke li’ David Goliath, me yib e ppin u gubin e binaw nu Israel ni ngar mada’ niged Saul. Ma yad be yin’ tangin e felfelan’, ma yad be churu’, ma yad be chubeg tatelin e musik ni tambourine nge lyre.

2 Samuel 1:20

Dab mu weliyed u lan yu Gath ara lan e yu pa’ i kanawo’ nu Ashkelon. Ya ri felan’ e ppin nu Filistia; nge ppin ni fak e pi’in ndar nanged Got.

2 Samuel 6:14

Me churu’ David nike musmus nga rogon ni be tay fan SOMOL, ni kemus ni bangi mad nib wech e bay u lukngun.

Psalms 76:6

A Got rok Jakob, nap’an ni mu puwan’ ngorad, me aw e os nge pi’in nma yan u os nga but’ ni karm’ad.

Exodus 15:4

“Ke yin’ e pi chariot nge salthaw rok Farao nga maday; pi tolang ko salthaw rok ni yad ba falu’ e kar limochgad u lan fa gi day ni Red Sea fithingan.