Exodus 15:17 - Bible Ni Thothup

¹⁷ Bay mu fekrad i yan ngam man mu tayrad ko burey rom, ni fa gin’em ni gur, SOMOL, e mu mel’eg ni tabnaw rom, ni fare Tempel ni ri gur e mu toy.

Exodus 15:17 Referans Kwoze

Psalms 44:2

rogon ni go’ gur ma ga tuluf fa pi girdi’ ni dar nanged Got nga wuru e nam rorad, ma ga tay e tirom e girdi’ nga taferad ngar suwyed; nge rogon ni mu gechignag boch e nam, ma ga gagiyegnag e girdi’ rom nge fel’ rograd.

Psalms 80:8

Kam fek ba pa’ i grape u Egypt; ka mu tuluf girdi’en e fapi nam ma ka mu yung nga daken e binaw rorad.

Jeremiah 32:41

Bayi fel’ lanin’ug ngay ko tin nib manigil ni nggu rin’ ngorad, ma bay gu dugliyrad ni dariy n’umngin nap’an u lan e re nam ney.

Jeremiah 31:23

I SOMOL ni Gubin ma Rayag Rok, ni Got rok piyu Israel e be ga’ar, “Nap’an ni bay gu fulweg piyu Israel ko nam rorad, ma aram e bay rogned bayay u daken e nam nu Judah ngu lan e yochi binaw u rom ni bayi lungurad, ‘I SOMOL e nge fal’eg wa’athan fare burey nu Jerusalem nib thothup, ni fa gin nib thothup nma par riy.’

Jeremiah 2:21

Gu yungem ni bod rogon ba ke grape nib mal’eag, ni yib ko bin th’abi fel’ e awoch. Machane a mu sap ko n’en ni ka mu rin’. Gur e kambod ba kenggin ba ke grapes nike wod ni dabki fel’.

Exodus 15:13

Mu par ni gab yul’yul’ ko tin ni mmicheg, ya mu gafaliy e pi girdi’ ni mu lagrad ko gafgow; gelngim e mu pow’iyrad ngay nga tafnam nib thothup.

Exodus 23:20

“Bay gu l’oeg ba engel nge m’on romed ni ngi i yororiymed nnap’an ni gimed be milekag ma nge fekmed i yan ko fa gin kug fal’eg rogon.

Exodus 32:34

Mman e chiney, ngam gafaliy yu Israel ko gin ni kugog murung’agen ngom. Dab mu pag talin ni engel rog e bay i pow’iyem, machane bay bingiyal’ ni bayi taw ngay ni nggu gechignag e pi girdi’ ney ni bochan e denen ni kar ngongliyed.”

Deuteronomy 33:19

Yad ma pining e pi nam ko fare burey rorad, mu rom e yad ma pi’ e pi maligach riy ni bfel’, fla’ab rorad e mayib u maday ngorad ma ku ma yib ko yan’ ni bay u dap’eday i yan.”

2 Samuel 7:10

Bay gu duwgiliy bang ni nge par piyu Israel ni girdi’ rog riy, mu gu tayrad ngu’ur pired riy ndakuriy be’ nra pigi cham ngorad. Nap’an nrabad ngalan e re nam ney ma be yib e girdi’ ni kireb i cham ngorad, machane biney e pa’ e bayi tal. Bay gu yororiyem rok urngin e pi to’ogor rom, mug gagiyegnag nge yib e pi’in owchem.

1 Kings 8:13

Kug toy ba tempel nrib fel’ ni fan ngom, ni bang ni ngam par riy ndariy n’umngin nap’an.”

Psalms 2:6

Ke ga’ar, “Kug tay e pilung rog nga daken yu Zion, ni aram fare burey rog nib thothup.”

Psalms 68:16

Burey ni yo’or p’ebugul mang ni ga be thinthin’an ko fare burey nike mel’eg Got ni nge par riy ndariy n’umngin nap’an.

Psalms 76:2

Tabnaw rok e bay u Jerusalem; ma ir e ma par ko Burey ni Zion.

Psalms 80:15

Moy ngam ayuweg e re pa’ i grape ney ni mu yung, re pa’ i grape ney ni kafin mu yung ma ke ilal ke gel!

Psalms 114:2

me yu Judah e ra manged e girdi’ ni thothup rok Somol, me milsuwon yu Israel ngak.

Exodus 25:8

Ma pi girdi’ nir e thingar ra ngongliyed ba Tent nib thothup ni tagal’ig, ya nge yag ni ug par u fithik’rad.

Joshua 22:19

Ere chiney, e fa’anra nam romed e de bung ni ngu’un liyor riy, mi gimed yib ngalan e gin tafen SOMOL, ko gin’en ni bay e Tent rok riy. Mu feked bang e binaw romad ngam pired ngay. Machane dab mu togopluwgad ngak SOMOL fa mu mang niged gadad boch e pi’in tatogopluw ni fan e reb e altar ni ngam ngongliyed ngki cheg ko altar rok SOMOL ni Got rodad.

Ezekiel 37:26

Bay gu ngongliy ba m’ag u thilmad nra micheg ni dabki buch ban’en rorad bingyal’. Bay gu tayrad ni yad bmuduwgil mu gu yo’or nagrad, ma bay gu duwgiliy ni Tempel rog e nge par u lan taferad ndariy n’umngin nap’an.

Ezekiel 37:28

Nap’an ni bay gu tay e Tempel rog ngaram ni nge par u fithik’rad ni dariy n’umngin nap’an, ma aram e pi nam e bay ra nanged ni Gag SOMOL e ku gu mel’eg yu Israel ni ngar manged girdi’ rog.”