Exodus 15:11 - Bible Ni Thothup

¹¹ “SOMOL, i mini’ u fithik’ e pi got e bod gur? I mini’ e bod gur nri gab thothup? I mini’ e rayag ni ngongliy e pi maang’ang me maruwel ni bod gur?

Exodus 15:11 Referans Kwoze

1 Kings 8:23

me meybil ni ga’ar, “SOMOL ni Got rok yu Israel, dariy reb e kan u tharmiy ngu but’ ni bod gur! Ri gab yul’yul’ ko m’ag ni kam ngongliy u thilmed e tirom e girdi’, ma ga be dag e t’ufeg rom ngorad ni fa’anra yad be par ni yad be fol rom u polo i lanin’rad.

1 Samuel 2:2

“Dariy be’ nib thothup ni bod rogon SOMOL; dariy be’ ni bod Ir, dariy be’ nma yoror rodad ni bod e Got rodad.

2 Samuel 7:22

SOMOL ni Got, rib sorom! Dariy be’ ni bod gur; dakuriy yugu reb e Got nga bang, ya kemus ni gur, ni bod ni kug rung’aged.

Revelation 4:8

Ra bagayad fa aningeg i n’em ni yad ba fos ma nel’ pon, ma kayigi fach lan owcherad u lan porad ngu wuru’ i porad. Darir talgad ko tang ni rran nge neap’ ni be lungurad: “Ba thothup, ba thothup, ba thothup Somol ni Got ni Gubin ma Rayag Rok, ni ir e immoy, me ir e bay, me ir e bay yib.”

Isaiah 6:3

Ma yad be non nra bagayad ma be ga’ar ngak bagayad: “Ba thothup, ba thothup, ba thothup! I SOMOL ni Gubin ma Rayag Rok e ba thothup! Rogon feni sorok e ke sugnag e fayleng.”

Deuteronomy 3:24

‘SOMOL ni Th’abi Tolang, kugnang ni kam tabab i dag ngog feni sorom nge feni gel gelngim. Ya dariy ba got u tharmiy fa but’ nrayag rok ni nge ngongliy e pi maang’ang ni kam rin’!

Psalms 86:8

A Somol, dariy reb e got ni bod gur, ma dariy reb nike rin’ e n’en ni kam rin’.

Psalms 77:14

Gur e Got ni ga ma ngongliy e maang’ang; kam dag gelngim u fithik’ e pi nam.

Revelation 15:4

Somol, i mini’ e dabi yib madgum ngak? Mini’ e en nra siyeg ni nge dabi weliy murung’agem nib sorom? Ya kemus ni go’ gur e gab thothup. Ya urngin e nam ni bay rabad ngar ted fam miyad siro’ ngom u p’eowchem, ya ngongol rom nib mat’aw e urngin e girdi’ ni kar guyed.”

Isaiah 40:25

I mini’ e rayag ni ngan ta’rebnag ngak Got nib thothup? Gur bay be’ ni bod ir?

Deuteronomy 33:26

Gimed yu Israel, ndariy reb e kan ni bod e Got romed, ma yan u lanelang ni be galgael ram’en, ma yib i kuruf e manileng nge yib i ayuwegmed.

Psalms 77:19

Ga ma yan u fithik’ e n’ew, ngam th’ab nga barba’ e regur, machane, luwan em e dab ni guy.

Isaiah 40:18

I mini’ e rayag ni ngan ta’rebnag ngak Got? Ra nga ni weliy rogon ya’an ma uw rogon?

Psalms 35:10

Bayi lungug ngak SOMOL u polo’ i lanin’ug, “Dakuriy be’ ni bod gur. Ga ma yororiy e me’waer u pa’ e yargal, nge ba gafgow u pa’ e en ma gafgownag.”

Exodus 8:10

Me ga’ar Farao ni pilung, “Mu meybil nigeg gabul.” Me ga’ar Moses, “Bay gu rin’ e n’en ni kamog, ma aram e bay mu nang ndakuriy reb e kan ni bod rogon SOMOL ni Got romad.

Psalms 66:5

Mired ngam guyed e n’en ke rin’ Got; pi maang’ang nike ngongliy u fithik’ e girdi’.

Jeremiah 49:19

Bod ba layon ni yib u fithik’ e gerger u charen e lul’ ni Jordan ngalang ko gin nib galunglung nma abich e gamanman riy, amrogon ni bay gu tuluf e piyu Edom ngar milgad nib tomgin ngar chuwgad ko nam rorad. Re tolang ni gu ra mel’eg e ra gagiyegnag fare nam. Mini’ e rayag ni nge ta’reb rogon ngog? Mini’ e ra math’ magran rok ni nge togopluw ngog? Mini’ e re tagagiyeg nrayag rok ni nge paluwyeg?

Isaiah 57:15

“I gag fare Got nib tolang ma ba thothup, ni gu ma par ni gu fos ni urun. Gu ma par u bang nib tolang ma ba thothup, ma kug ma par ko girdi’ nib sobut’an’ ma kar pi’ed keru’rad ko kireb rorad, ya nge yag ni gu fulweg e pagan’ nge lagan’ ngorad.

Psalms 145:17

I SOMOL e mmat’aw urngin e tin ma rin’, mma runguy e girdi’ u fithik’ urngin e ngongol rok.

Jeremiah 10:16

Fare Got rok Jakob e de bodrad; ya ir e sunmiy urngin ban’en, me ir e mel’eg yu Israel ni nge mang tirok e girdi’. I SOMOL ni Gubin ma Rayag Rok e ireram fithingan.

Psalms 119:120

Gu be rus ni bocham; ma ke sug nigeg e marus ni bochan e pufthin rom.

Luke 12:5

Nggu dag ngomed e cha’ ni ir e ngam tamdaggad ngak: mu tamdaggad ngak Got nra li’ e dowef nge yim’, ma bay gelngin nge mat’wun nra yin’ fa’anem nga fithik’ e nifiy. Ere gu be yog ngomed, ni ngam tamdaggad ngak!

Psalms 90:11

I mini’ e ke thamiy mirin e damumuw rom nike mus nga gelngin? Mini’ e manang gelngin e marus ni yira tay ni fa’an ga ra damumuw?

Levitikus 19:2

ni nge ga’ar ngak e girdi’ nu Israel, “Ngam pired ni gimed ba thothup, ya Gag SOMOL ni Got romed e gu ba thothup.

Isaiah 30:11

Mu chuwgad u kanawo’ ma dab ku’um thabey niged gamad. Dabumad ni nggu rung’aged murung’agen e Got romed nu Israel nib thothup.”

Psalms 89:18

A SOMOL, i gur e ka mmel’eg en nge yororiymad; gur, fare Got Nthothup nu Israel, e mu pi’ ngomad e pilung romad.

Revelation 13:4

Urngin e girdi’ ni ur ted fan ma yad be meybil ngak fare dragon, ya ke pi’ gelngin ngak fare gamanman. Ma ku yad be tayfan ma yad be meybil ngak fare gamanman ni be lungurad, “Mini’ e ta’reb rogon ngak e re gamanman nem? Mini’ e rayag rok ni nge cham ngak?”

Exodus 3:20

Bay gu maruwel nga gelngig, ngug gechignag yu Egypt ni nggu rin’ bogi ban’en ni yira tamdag ngay. Ma tomuren e bayi pagmed ngam marod.

Exodus 9:14

Yaney e gathi go’ tolang rom nge girdi’ rom e gu ra gechignag, ya gab mu’un ngay, ma aram e bay mu nang ni dariy be’ ni bod gag u lan e re fayleng ney ni ga’ngin.

Exodus 18:11

Kugnang e chiney ni fare SOMOL e ri kab ga’ ngak urngin e pi got, ya nap’an ni be gafgownag e girdi’ nu Egypt piyu Israel miyad be changar ngorad nga but’ me rin’ ban’en ni ara’rogon.”

Exodus 20:3

“Dariy yugu reb e kan ni nge mang got romed, ya kemus ni gag.

2 Kronicles 2:5

Ku gu tafinaynag ni nggu toy ba tempel nib ga’ ni bochan e Got romad e ba ga’ ngak gubin e pi got.

2 Kronicles 6:14

Me meybil ni ga’ar, “SOMOL ni Got nu Israel, dariy e Got ni bod gur u ga’ngin e tharmiy ngu fayleng. Kam tay nga gil’ fare m’ag u thilmed e girdi’ rom u n’umngin nap’an ni yad be fol rom u polo’ i gumircha’rad.

Psalms 22:23

“Mu pininged e sorok ngak, gimed e pi tapigpig rok SOMOL! Mi gimed gilnag buguwan, gimed e pi’in ni owchen Jakob! Mi gimed liyor ngak, gimed e girdi’ nu Israel!

Psalms 113:5

Dariy be’ ni bod rogon SOMOL ni Got rodad. Ma par ko bin th’abi lang e giyow,

Psalms 136:4

Ri ma’agrag Ir e ma ngongliy e tin th’abi ga’ e maang’ang; t’ufeg rok e ba manemus.

Mikah 7:18

SOMOL, dakuriy yugu reb e got nga bang ni bod gur; kam n’ag fan e denen rok e tin ke magey ko girdi’ rom. Damur par ni gab damumuw ni dariy n’umngin nap’an, ga ba felan’ ngay ni ga ma dag ngomad fare t’ufeg rom ni dabimus.

Exodus 8:6

Ma aram me k’iyag Aron pa’ nga daken urngin yang e ran, me yib e kayru nge sugnag lan e binaw.

Deuteronomy 1:30

I SOMOL ni Got romed e bayi pow’iymed, ma bayi cham ni pa’med, nri bod rogon nim guyed ni rin’ u Egypt

Deuteronomy 4:34

Ka’ e yigi yan reb e got i fek e girdi’ u reb e nam ngar manged girdi’ rok, ni bod ni rin’ SOMOL ni Got romed ngomed u lan e nam nu Egypt? U p’eowchemed e maruwel Got riy nga gelngin nib gel nge yib e gafgow nge mael, me ngongliy e maang’ang nge tin yira ngat ngay, me k’aring boch ban’en nge yib ni ba gel e marus riy.

1 Kronicles 16:25

I SOMOL e rib ga’ ma bin th’abi tolang e sorok e nganog ngak; ir e ngan mathangeluwolnag u fithik’ urngin e pi got.

Psalms 60:2

Ka mu durru’nag e but’; ke say ke mab, mu golnag e maad’ad riy, ya be puth.

Psalms 77:11

SOMOL, bay i yib ngan’ug e pi gafarig rom ni bfel’; bay ug leamnag e pi ma’ang’ag ni um rin’ kakrom.

Psalms 86:10

Ya gur e rib gel gelngim ma ga ma ngongliy e maang’ang; kemus ni go’ gur e Got.

Isaiah 46:9

Mu leam niged e n’en ni gu rin’ kakrom; mu nanged ni kemus ni Gag e Got, ma dariy be’ ni bod gag.