Exodus 14:8 - Bible Ni Thothup

⁸ Me gagiyegnag SOMOL Farao nge gel laniyan’, me lol’oeg piyu Israel, ni aram e yad be yan ni SOMOL e be yoror rorad.

Exodus 14:8 Referans Kwoze

Acts 13:17

Fare Got rok e girdi’ nu Israel e ir e mel’eg e pi chitamangidad, me fal’eg rogorad me yo’ornagrad ko fare ngiyal’ i n’em ni ur pired u lan e nam nu Egypt ni gathi nam rorad. Me fekrad Got nga wuru’ yu Egypt ni maruwel nga gelngin nib gel,

Numbers 33:3

Girdi’ nu Israel e ra chuwgad u Egypt ko rofen ni ragag nge lal ko pul ni ta’reb ko fare duw, ni aram e re rran nga tomuren e bin m’on e pal’ukaf. Bochan gelngin e ayuw rok SOMOL ngorad miyad chuw ko fare binaw nu Rameses ni be guyrad yu Egypt,

Deuteronomy 26:8

Gelngin nib gel e maruwel ngay nge chuwegmad u pa’ yu Egypt. I ngongliy bogi maang’ang nge bogi n’en ni un ngat ngay me gagiyegnag bogi n’en nge yib nib gel e marus ni un tay riy.

Exodus 14:4

Bay gu gagiyegnag Farao nge gel laniyan’ me lol’ogmed, ma bay gu gel ngak Farao nge urngin e salthaw rok min ta’fag ni bochan. Piyu Egypt e bay ra nanged ni gag SOMOL.” Me rin’ piyu Israel ni bod rogon ni kanog ngorad.

Exodus 13:16

Ran’ey ni gadad ma rin’ e ra puguran ngodad, ni bod ban’en ni kan m’ag nga pa’dad ara nga peri’dad ni ngi i puguran ngodad ni SOMOL e ke fekdad nga wuru’ yu Egypt u gelngin nib gel.’”

Exodus 6:1

Me ga’ar SOMOL ngak Moses, “Chiney e bay mu guy e n’en ni bay gu rin’ ngak Farao. Bay gu gel nigeg ngak nge pagrad ngranod. Ara’ rogon, bay gu gel nigeg ngak nge mang ir e yog ngorad ni ngar chuwgad u daken e nam rok.”

Psalms 86:13

Rib ga’ e t’ufeg rom ngog ni fare t’ufeg ni dabimus! Kam ayuwegneg u pa’ e yam’.

Deuteronomy 32:27

machane dabiyag ni gu pag e pi to’ogor rorad ngar ufgad ni bochan e kar gelgad ngak e girdi’ rog ko mael, ni fa’an gowa gathi gag e kug pag e gafgow ngorad.’

Exodus 13:18

Ma aram me fekrad ngar liyeggad u daken e ted ni desert i yan ko fa gi day ni Red Sea fithingan. Yu Israel e bay talin e cham rorad ni fan ko mael.

Exodus 13:9

Ran’ey nru’um rin’ed e bod ban’en ni kam m’agged nga pa’med fa nga peri’med ni ngi i puguran ngomed ndab mtalgad i weliy murung’agen ngak boch e girdi’, ma gimed be fil e Motochiyal rok SOMOL, ni bochan gelngin SOMOL nib gel e fekmed riy nga wuru’ yu Egypt.

Exodus 4:21

Me ga’ar SOMOL ngak Moses, “Chiney e aram e ngam sul nga Egypt, ma ngam guy rogon ngar mu ngongliy u p’eowchen Farao urngin fapi maang’ang ni kug pi’ gelngim ni ngam ngongliy. Bay gu gagiyegnag nge gelnag laniyan’, nge dabi pag e girdi’ nu Israel ngranod.

Exodus 9:12

Machane me gagiyegnag SOMOL Farao nge gelnag laniyan’ ma de motoyil ko n’en ni yow be yog, ni bod rogon ni yog SOMOL ngak Moses.

Exodus 10:27

Me gelnag SOMOL laniyan’ Farao, ma aram e de pagrad Farao ngranod.

Exodus 14:7

I yan nike un gubin e chariot ngak, ma kub mu’un 600 e chariot ni tin th’abi fel’, nib sug e pi tolang ko salthaw u lan ni gubin.

Exodus 14:17

Bay gu tay piyu Egypt ngari gel lanin’rad ngar leked piyu Israel nga maday; ma bay gu gel ngak Farao, nge fa rab’ i salthaw rok, nge pi chariot rok, nge pi’in yad ma yannag e pi chariot rok nem, min ta’fag ni bochan.

Exodus 15:9

Me ga’ar e to’ogor, ‘Nggu lol’ograd nggu kolrad; mu gu tay e f’oth ko machaf rorad nggu fek gubin e tin gu ba’adag; bay gu girengiy e saydon rog nggu fek urngin e tin ni bay rorad.’

Lamentations 3:65

Mu kirebnag wa’athrad mag suguyrad ko buchbuchan’!

Levitikus 26:13

I Gag SOMOL ni Got romed e kug fekmed nga wuru’ yu Egypt ni bochan e nge dabkum pired ni gimed e sib. Kug kirebnag e re gelngin ni ba’aram ni michigiymed u but’, kug ta’med kam marod ni kam puged owchemed ngalang.”

Joshua 11:20

Ke gelnag SOMOL lanin’rad ni ngar chamgad ngak piyu Israel, ya nge aw e gechig ngorad nge thirifrad u but’ ma yad gubin ni yira li’rad ngarm’ad ndab ni runguyrad. Irera’ rogon ni yog SOMOL ngak Moses.

Judges 4:7

Bay gu fek Sisera i yib, ni ir pilungen e salthaw rok Jabin, ni nge cham ngom ko lul’ ni Kishon. Bay yib nike fek e pi chariot nge pi salthaw rok, machane bay gu gel nagem.’”

Psalms 105:43

Me fek e girdi’ rok ngranod nga wuru’ e nam ni yad be tang, ni girdi’ rok ni ir e mel’eg ngranod ni yad be tolulnag e felfelan’.