Exodus 14:4 - Bible Ni Thothup

⁴ Bay gu gagiyegnag Farao nge gel laniyan’ me lol’ogmed, ma bay gu gel ngak Farao nge urngin e salthaw rok min ta’fag ni bochan. Piyu Egypt e bay ra nanged ni gag SOMOL.” Me rin’ piyu Israel ni bod rogon ni kanog ngorad.

Exodus 14:4 Referans Kwoze

Roma 9:17

Ya ga’ar e babyor nib thothup ngak Farao, “Kug pilungnigem ni ba’aray fan, bochan e nggu maruwel ngom nge yag ni gu dag gelngig, min nang fithingag u fayleng ni polo’.”

Exodus 7:5

Ngiyal’ i n’en ni gu ra pug pa’ag ngalang ni nge togopluw ngorad mu gu fek piyu Israel nga wuru’ fare nam, ma aram e bayi nang yu Egypt ni Gag fare SOMOL.”

Exodus 7:3

Ma bay gu gelnag laniyan’ fare pilung, ni dabi motoyil ngom, ni demturrug feni elmarin bogi ban’en ni gu be bucheg u lan yu Egypt. Ma aram e bay gu pi’ e gechig nib gel nga daken yu Egypt mu gu gafaliy e pi ganong ko girdi’ rog nga wuru’ e re nam nem.

Exodus 9:16

Ma bochan gelngig ni ngam guy aram fan ni kug pagem ndab mum’, ya nge wear buguwag nga urngin yang u fayleng.

Exodus 7:17

Are chiney e SOMOL, e be yog ni gur e bay mu nang ko ir mini’ ko n’en ni bay i rin’. Mu sap, bay gu toy e re ley i sog ney nga daken e ran u lan e re lul’ ney, me pig e ran riy nge ngal’ ni racha’.

Roma 11:8

Ni bod ni be yog e babyor nib thothup ni be ga’ar, “Ke bo’golnag Got gum’ircha’rad nge lanin’rad; ke mada’ ko bin daba’ e rran ma dabiyag ni ngar guyed ban’en ngalan owcherad fa rrung’aged ban’en ngalan telrad.”

Ezekiel 39:13

Urngin e girdi’ u lan fare binaw ni bayi un ko ayuw ngan k’eyagrad, ma bay ni tay farad ko ren’ey ko rofen ni gu ra gel. I Gag SOMOL ni Th’abi Tolang e kugog e pi thin ney.

Ezekiel 28:22

Mog ko girdi’ u rom ko mang e gu be yog I Gag SOMOL ni Th’abi Tolang u murung’agrad: Sidon, I gag e to’ogor rom; girdi’ e bay roged e sorok ngog ni bochan e tin kug rin’ ngom. Bay ra nanged ni Gag SOMOL, u nap’an ni gu ra dag fanag thothup ko gechig ni gu ra tay ngak e pi’in yad ma par rom.

Ezekiel 20:9

Machane dag rin’, ni bochan e ra m’ayfan fithingag riy, ya fithik’ e girdi’ ni yad ma par e gu weliy riy ngak yu Israel ni gu ra pow’iyrad nga wuru’ yu Egypt.

Nehemiah 9:10

Ma’ang’ang nni gin ngay e mu ngongliy nib togopluw ngak Farao, nge ngak e pi tolang ni bay nga tan pa’ nge girdi’ ko nam rok, ya mu nang gelngin e gafgow ni yad be tay ngak e tirom e girdi’. Me gilbuguwam ni bod rogon e bin daba’ e rran ni ka ba gilbuguwam.

Exodus 18:11

Kugnang e chiney ni fare SOMOL e ri kab ga’ ngak urngin e pi got, ya nap’an ni be gafgownag e girdi’ nu Egypt piyu Israel miyad be changar ngorad nga but’ me rin’ ban’en ni ara’rogon.”

Exodus 14:8

Me gagiyegnag SOMOL Farao nge gel laniyan’, me lol’oeg piyu Israel, ni aram e yad be yan ni SOMOL e be yoror rorad.

Roma 9:18

Ere Got e ma runguy e en ni be finey ni nge runguy, mma gelnag laniyan’ e en ni be finey ni nge gelnag laniyan’!

Exodus 10:27

Me gelnag SOMOL laniyan’ Farao, ma aram e de pagrad Farao ngranod.

Exodus 14:3

Ya nge leamnag Farao ni fapi girdi’ nu Israel e yugu yad be yanyan u daken e ted ni desert ni kar olobochgad.

Exodus 14:5

Fa’an nnog ngak Farao ni pilung nu Egypt nike mil piyu Israel, ma aram me thiliyeg Farao nge pi tolang rok lanin’rad u murung’agen piyu Israel, me lungurad, “Be mang e kad rin’ed? Kad paged piyu Israel kar milgad ndab kur manged sib rodad!”

Exodus 14:23

Me lol’oegrad piyu Egypt nga maday, nib mu’un urngin e os rok Farao ngay, nge pi chariot rok, nge pi’in yad be yannag e pi chariot nem.

Exodus 14:25

I taleg e tayapyap ko chariot rorad ngi i mo’maw rogon e yan rorad, me ga’ar piyu Egypt, “Ngad milgad rok piyu Israel, ya be cham SOMOL ngodad ni pa’rad.”

Levitikus 10:3

Me ga’ar Moses ngak Aron, “Irera’ e n’en ni yog SOMOL murung’agen ni fa’an ni ga’ar, ‘Gubin e pi tapigpig rog e thingar ra tedfag nga fenag thothup, ma bay gu dag feni gilbugwag ko girdi’ rog.’” Me par Aron nde non.

Ezekiel 32:15

Nap’an ni gu ra tay yu Egypt nge par ndakuriy e wulgo’ riy mug gechignag e pi’in yad ma par u rom, ma aram e bay ra nanged ni Gag fare SOMOL.

Exodus 6:7

Bay gu taymed ni gimed girdi’eg, mu gu par ni kug mang Got romed. Ma bay mu nanged ni gag SOMOL ni Got romed ko ngiyal’ ni bay gu lufmed ko sib ni um ted u lan yu Egypt.

Exodus 10:2

ma fan e nge yag ni mu weliyed ngak pifakmed nge fak pifakmed nga rogon ni gu balyangnag piyu Egypt ko ngiyal’ ni gu ngongliy fapi maang’ang u fithik’rad. Ma gimed gubin ni bay mu nanged ni gag SOMOL.”

Exodus 12:28

Me yan piyu Israel miyad fol riy; ya ra ngongliyed e tin nike yog SOMOL ngak Moses nge Aron.

Joshua 11:20

Ke gelnag SOMOL lanin’rad ni ngar chamgad ngak piyu Israel, ya nge aw e gechig ngorad nge thirifrad u but’ ma yad gubin ni yira li’rad ngarm’ad ndab ni runguyrad. Irera’ rogon ni yog SOMOL ngak Moses.

Judges 4:7

Bay gu fek Sisera i yib, ni ir pilungen e salthaw rok Jabin, ni nge cham ngom ko lul’ ni Kishon. Bay yib nike fek e pi chariot nge pi salthaw rok, machane bay gu gel nagem.’”

Ezekiel 38:16

Bay mu cham ko girdi’ rog nu Israel ni bod bang i nifeng nib gel ni be th’ab daken fare nam. Nap’an nra taw ko ngiyal’ i n’em, ma bay gu l’oegem ngam giliwnag e binaw rog ni fan e nge gagyel ko pi nam ko gag Mini’, me dag fanag thothup ko n’en ni kug rin’ u dakanam.

Ezekiel 38:23

Irera’ rogon ni bay gu dag ngak urngin e nam ni gag e bgel gelngig ma gub thothup. Ma aram e bay ra nanged ni Gag fare SOMOL.”