Exodus 14:30 - Bible Ni Thothup

³⁰ Rofen nem e ayuweg SOMOL piyu Israel u pa’ piyu Egypt, me guy piyu Israel piyu Egypt ni yad bay u dap’eday ni karm’ad.

Exodus 14:30 Referans Kwoze

Psalms 106:10

I ayuwegrad u pa’ e pi’in i fananikayrad, I ayuwegrad rok e pi to’ogor rorad.

Psalms 106:8

Machane aywegrad, ni bod rogon ni micheg, ni bochan e nge dag feni gel gelngin.

Jude 1:5

Yigo’ gimed manang urngin e pin’ey, machane gu ba’adag ni nggu puguran ngomed rogon ni ayuweg Somol piyu Israel nge chuwegrad ko nam nu Egypt, machane fa’ani tomur riy me thang e fan rok e pi’in nde mich Got u wun’rad.

Psalms 58:10

Ra felan’ e pi’in nib mat’aw ko ngiyal’ ni yad ra guy e pi tadenen ni kan gechig nagrad. yad ra maluknag e rifrif u ayrad nga racha’en e pi’in kireb.

Psalms 59:10

Got rog e gub t’uf rok ma bayib ngog; mra pageg ngguy e pi to’ogor rog ni kar mo’waergad.

1 Samuel 14:23

Me ayuweg SOMOL piyu Israel e rofen nem, min cham ngan pag yu Bethaven.

Exodus 14:13

Me ga’ar Moses ngak e girdi’, “Dab mu rusgad! Mu pired ni gimed ba muduwgil, mi gimed guy e n’en ni bayi rin’ SOMOL ni nge yoror romed e daba’ ni dabi buch ban’en romed. Pi girdi’ nem nu Egypt ni gimed be guy e daba’ e gathi bay kum guyed yad bayay.”

Isaiah 63:9

u gubin e gafgow rorad. Gathi ba engel ya SOMOL ni ir e ayuwegrad. I ayuwegrad ni bochan e ri yad ba t’uf rok ma be runguyrad. Kab kakrom i yib ni i ayuwegrad ni gubin ngiyal’,

Psalms 91:8

Bay mu changar ma gguy rogon ni yibe gechignag e pi’in kireb.

2 Kronicles 32:22

Irera’ rogon ni ayuweg SOMOL i Hezekiah ni Pilung nge girdi’ nu Jerusalem u gelngin Sennakerib ni Pilung nu Assyria, ma ku aram rogon ni ayuwegrad u pa’ boch e pi to’ogor rorad. Me pag fapi girdi’ rok ngar pired nib gapas thilrad gubin e nam nib chugur ngorad.

Deuteronomy 4:34

Ka’ e yigi yan reb e got i fek e girdi’ u reb e nam ngar manged girdi’ rok, ni bod ni rin’ SOMOL ni Got romed ngomed u lan e nam nu Egypt? U p’eowchemed e maruwel Got riy nga gelngin nib gel nge yib e gafgow nge mael, me ngongliy e maang’ang nge tin yira ngat ngay, me k’aring boch ban’en nge yib ni ba gel e marus riy.

1 Samuel 11:13

Machane me ga’ar Saul, “Dariy be’ ni ngan thang e pogofan rok e daba’, ya daba’ e irera’ e re rran ni ayuweg SOMOL yu Israel.”

Isaiah 63:8

I SOMOL e ga’ar, “Yad e girdi’ rog, dab ra ban niged gag.” Ma aram me ayuwegrad

Isaiah 63:11

Machane me yib ngan’rad e kakrom, ni nap’an Moses ni tapigpig rok SOMOL, me lungurad, “Bu uw e chiney fare SOMOL ni ayweg fapi tagagiyeg rok e girdi’ rok nge chuwegrad u fithik’ fare day? Bu uw fare SOMOL ni pi’ e kan nthothup rok ngak Moses?

Judges 10:11

Ma ba’aray e fulweg ni pi’ SOMOL ngorad: “Kafram miki i gafgow nagmed piyu Egypt, Amor, Ammon, Filistia,

Hosea 1:7

Machane bay gu dag e t’ufeg ko girdi’ nu Judah. I Gag SOMOL, ni Got rorad e bay gu ayuwegrad u pa’ e to’ogor rorad, machane gathi bay gu rin’ u daken e mael, — ni kan fek e saydon ara gat’ing, ara os ara salthaw ni be yan u os.”