Exodus 14:27 - Bible Ni Thothup

²⁷ Ma aram me k’iyag Moses pa’ nga daken e day, ma nap’an ni rran ma be sul e day nga tolngin. Me guy piyu Egypt rogon ni ngar milgad, miyad chuw nga fithik’, ya pag SOMOL e day nge thareyrad.

Exodus 14:27 Referans Kwoze

Joshua 4:18

Ma nap’an ni yib fapi prist ko gin nib mlik nga daken mirichlen e lul’, ma aram mfini yan e ran u lan fare lul’ bayay, nge sug ngalang.

Psalms 78:53

Dar rusgad ya i pow’iyrad ni dabi buch ban’en rorad; machane, day e yib nge tharey e pi to’ogor rorad.

Hebrews 11:29

Ma michan’ rok piyu Israel ngak Got e ir e ayuweg piyu Israel ngar th’abed fa gi day ni kanog e Red Sea ngay ni gowa yad be yan u daken e binaw; ma fa’an ni lekrad yu Egypt, me yib e day nga dakenrad.

Deuteronomy 11:4

Mu guyed rogon SOMOL ni thirif u but’ fa raba’ i salthaw nu Egypt, nib mu’un e pi os nge pi chariot rorad nma girengiy e os ngay, ni fa’ ni lumach nagrad u langgin fa gi day ni Red Sea u nap’an ni yad be tulufmed.

Nehemiah 9:11

Mu ngongliy ba kanawo’ u fithik’ e day ni fan ngak e girdi’ rom ma ga pow’iy e girdi’ rom ngranod riy nike mlik’ e but’ riy nga barba’. Pi’in i tuluf rad e ra lumoch gad kore daynem, ni bod rogon ba malang ni ligil nga ar u lan e rigur ni be cham e day riy.

Psalms 106:11

Ma pi to’ogor rorad e ra limachgad; dariy ta’ab bagayad ni magach.

Psalms 136:15

ma lumochnag e pilung nu Egypt riy nge salthaw rok; t’ufeg rok e ba manemus.

Isaiah 10:26

I Gag, SOMOL ni Gubin ma Rayag Rok, e bay gu toyrad ko dumow rog ni bod rogon ni gu rin’ ko girdi’ nu Midian ko fare War nu Oreb. Gu ra gechignag yu Assyria ni bod ni gu gechignag yu Egypt.

Joshua 24:7

Fa’anra meybilgad ngog nri aram rogon u lan ngorongorrad, mu gu gagiyegnag nge nep’ u thilrad nge piyu Egypt. Mu gu gagiyegnag e day nge yib i tharey piyu Egypt. Ka mu guyed e n’en ni gu rin’ ngak piyu Egypt. “‘Gimed e mu pired u daken e ted ni ba n’uw nap’an.