Exodus 14:22 - Bible Ni Thothup

²² me yan piyu Israel u lan fa gi day ni yad be yan u daken e but’ nike mlik’, ni bay e day u baraba’ ngu baraba’ e re kanawo’ nem.

Exodus 14:22 Referans Kwoze

Hebrews 11:29

Ma michan’ rok piyu Israel ngak Got e ir e ayuweg piyu Israel ngar th’abed fa gi day ni kanog e Red Sea ngay ni gowa yad be yan u daken e binaw; ma fa’an ni lekrad yu Egypt, me yib e day nga dakenrad.

Psalms 66:6

Ke thilyeg e day ke ngal’ ni but’ nib mlik’; nge yan e pi chitamangidad kakrom riy u but’ nga barba’. U rom e da felfelan’gad riy ko n’en ke rin’.

Psalms 78:13

I sey e day nge fekrad nga barba’; i suweg e day ngalang ni bod ruraba’ i rungrung.

Exodus 15:19

Yu Israel e ranod ngar th’abed e day nga barba’ u daken e but’ nib mlik. Machane nap’an ni yib e pi chariot rok yu Egypt nge pi os rorad nge pi’in yad be yannag nga maday, me fulweg SOMOL e day nge thareyrad.

Exodus 14:29

Machane piyu Israel e ranod u daken e but’ nib mlik’ u maday, ni bay e day u baraba’ ngu baraba’ e kanawo’ rorad.

1 Korinth 10:1

Pi walageg ni girdi’en Kristus, gub adag ni nge dab mpaged talin e n’en ni rin’ e pi chitamangidad ni ur uned ngak Moses. Yad gubin ni fa gi manileng e i ayuwegrad rok e pi to’ogor rorad, ma yad gubin nranod u lan fare gi day nga baraba’ nde boch ban’en rorad, ni fare gi day ni Red Sea fithingan.

Isaiah 63:13

Mini e gafaliyrad u t’ay e regur? Ni bod e os u lan e ted ni desert, ni dar tun ayrad.

Nehemiah 9:11

Mu ngongliy ba kanawo’ u fithik’ e day ni fan ngak e girdi’ rom ma ga pow’iy e girdi’ rom ngranod riy nike mlik’ e but’ riy nga barba’. Pi’in i tuluf rad e ra lumoch gad kore daynem, ni bod rogon ba malang ni ligil nga ar u lan e rigur ni be cham e day riy.

Exodus 15:8

Mu thoy daken e day me mu’ulung nga ta’bang nib tolang ngalang; nge par nib k’iy ngalang ni bod bangi rungrung; gin th’abi to’ar ko fa gi day e el nge par.

Numbers 33:8

Miyad chuw u Pi Hahiroth ngar th’abed e day ni Red Sea nga daken e ted u Shur; me yan dalip e rran ni kar milekaggad marbad ra pired nga Marah.

Zekariah 2:5

Ya SOMOL e ke micheg ni ir e bayi mang rungrung nib nifiy u wuru’ fare binaw ni nge yororiy ni dabi buch ban’en riy mu rom e bay i par riy nike sug nag felngin.”

Joshua 3:17

Ma nap’an ni yad be th’ab fare lul’ ni ngranod u daken e but’ ndakuriy e ran riy, ma fapi prist ni yad be mat’nag fare Kahol ko M’ag rok SOMOL e ra dugilgad u daken e but’ nike mlik’ u lukngun fare lul’ ni Jordan nge yan i mada’ ko ngiyal’ nike yib urngin e girdi’ nu Israel ra th’abed fare lul’ nga baraba’.

Joshua 4:22

ma ngmogned ngorad murung’agen yu Israel nra th’abed e lul’ ni Jordan nranod u daken e but’ nib mlik’ nga baraba’.

1 Samuel 25:16

Nep’ ma rran ni u ra yororgad romad u n’umngin nap’an ni ugmed rorad ni ug matnagiyed e yu ran’ i gamanman rodad.

2 Kings 2:8

Me fek Elijah wuru’ e mad rok nge bachiy me toy nga daken e ran; me ki’ e ran u lan e lul’, mi yow yan nga baraba’ e lul’ u daken e but’ nib mlik’.

Psalms 74:15

Kam tay e pi alublub nge pi athang’el ngi i map’; ma kam mliknag lan e pi lul’ ni gagang’.

Psalms 136:14

I gafaliy e girdi’ rok riy nga barba’; t’ufeg rok e ba manemus;

Isaiah 43:16

Kakrom e ngongliy SOMOL ba kanawo’ ni yan u maday, bpa’ i kanawo’ ni yan u fithik’ e day ni be gireng nib gel.

Isaiah 63:12

Bu uw SOMOL, ni rin’ u gelngin bogi maang’ang u pa’ Moses, i sey e day u maday me gafaliy e girdi’ rok u t’ay e regur ya nge gilbuguwan SOMOL ndariy n’umngin nap’an?”

Joshua 3:16

me tal e ran ko fare lul’ ndaki yan me mukun u p’ebugul e lul’ u Adam, ni fare binaw ni bay u to’oben yu Zarethan. Ma fare ran ni be yan ko re lul’ nem ngalan e Dead Sea e tal ndaki yan, me th’ab e girdi’ fare lul’ nga baraba’ u bang nib chugur nga Jeriko.

2 Kings 2:14

Me toy fare wuru’ e mad rok Elijah nga daken e ran me ga’ar, “Bu uw SOMOL ni fare Got rok Elijah?” Ma nap’an ni yodorom nge mu’ me ki’ bayay e ran, me yan nga barba’.

Psalms 106:9

I non ko day ni Red Sea, me mlik’; me pow’iy e girdi’ rok ngar th’abed nga barba’ u daken e but’ nib mlik’.

Psalms 136:13

I sey e day ni Red Sea; t’ufeg rok e ba manemus;

Isaiah 11:15

Bayi mliknag SOMOL lan fare Nguy ni Suez, ma ra pi’ e nifeng nib guwal nge mliknag e lul’ ni Eufrates, kemus ni medlip pa’ e lul’ nib achig e pag nrayag ni nge yan be’ u barba’ nga barba’.

Isaiah 11:16

Ra sum bpa’ i kanawo’ nib k’iy u Assyria ni fan ngak e girdi’ rok nu Israel nra magachgad u rom, ni ku bod fare pa’ i kanawo’ nib k’iy ni fan ngak e pi chitamangirad nap’an rchuwgad u Egypt.

Isaiah 51:10

Ku gur e mu mliknag e regur ma ga ngongliy e kanawo’ nge th’ab e day nga barba’, pi’in mu aywegrad e yag nra thapgad nga barba’.