Exodus 14:21 - Bible Ni Thothup

²¹ Me fael Moses pa’ nga daken e day me pi’ SOMOL e nifeng nib gel u lan e ngek nge thow ni reb e nep’ nge chuweg e day me m’ug e but’ nike mlik’. Me yib e mathil u lan fa gi day nge par nike ruw raba’,

Exodus 14:21 Referans Kwoze

Isaiah 63:12

Bu uw SOMOL, ni rin’ u gelngin bogi maang’ang u pa’ Moses, i sey e day u maday me gafaliy e girdi’ rok u t’ay e regur ya nge gilbuguwan SOMOL ndariy n’umngin nap’an?”

Exodus 15:8

Mu thoy daken e day me mu’ulung nga ta’bang nib tolang ngalang; nge par nib k’iy ngalang ni bod bangi rungrung; gin th’abi to’ar ko fa gi day e el nge par.

Psalms 66:6

Ke thilyeg e day ke ngal’ ni but’ nib mlik’; nge yan e pi chitamangidad kakrom riy u but’ nga barba’. U rom e da felfelan’gad riy ko n’en ke rin’.

Isaiah 51:10

Ku gur e mu mliknag e regur ma ga ngongliy e kanawo’ nge th’ab e day nga barba’, pi’in mu aywegrad e yag nra thapgad nga barba’.

Psalms 78:13

I sey e day nge fekrad nga barba’; i suweg e day ngalang ni bod ruraba’ i rungrung.

Psalms 74:13

Gelngim nib gel e mu ki’eg e day ngay, mag bilig lolugen fapi kan nu maday;

Nehemiah 9:11

Mu ngongliy ba kanawo’ u fithik’ e day ni fan ngak e girdi’ rom ma ga pow’iy e girdi’ rom ngranod riy nike mlik’ e but’ riy nga barba’. Pi’in i tuluf rad e ra lumoch gad kore daynem, ni bod rogon ba malang ni ligil nga ar u lan e rigur ni be cham e day riy.

Joshua 4:23

I SOMOL ni Got romed e chuweg e ran u lan e lul’ ni Jordan nge mlik’ nge mada’ ko ngiyal’ ni kam th’abed nga baraba’, ni bod rogon ni mliknag lan fa gi day ni fithingan e Red Sea ngomed.

Psalms 136:13

I sey e day ni Red Sea; t’ufeg rok e ba manemus;

Exodus 14:16

Mfael e sog rom nga daken e day ngam ruw raba’ nag, nge yag ni yan piyu Israel u lan e gi day nem ni yad be yan u daken e but’ nike mlik’.

Isaiah 51:15

“I Gag SOMOL ni Got romed; i gag e gu pug e day nge mada’ lingan e n’ew riy ngalang. Fithingag e SOMOL ni Gubin ma Rayag Rok!

BABYOR NI JOB 26:12

Gelngin e ir e kol e day ngay; ma feni cheag me thang e fan rok Rahab ni fare kan ne maday.

Acts 7:36

nge fek e girdi’ nu Israel nga wuru’ yu Egypt, mi i ngongliy e maang’ang nge bogi n’en ni un ngat ngay u lan yu Egypt ngu lan fa gi day ni Red Sea, ngu daken e ted ni aningeg i ragag e duw.

Genesis 8:1

Machane depag Got tilin Noah nge urngin e gamanman ni malboch nge gamanman nib mongmor ni bay rok Noah u lan fare barkow; ma aram me pi’ e nifeng nge thow u daken e fayleng, me sul fare ran i yan nga but’.

Exodus 7:19

Me ga’ar SOMOL ngak Moses, “Mog ngak Aron nge fek fa ley i sog rok nge k’iyag nga daken urngin e yupa’ i lul’, nge wol’ e ran ni ka ni ker, nge pi lupath u lan yu Egypt. Ya bayi ngal’ e ran riy ni racha’, ma gubin yang u daken e nam ni bayi par e racha’ riy, ni mus nga fithik’ e gek’iy nge pi alublub ni be yib e ran riy u fithik’ e war ngalang.”

Exodus 14:20

I yib i par nga thilin e salthaw nu Egypt nge piyu Israel, me pi’ e lumor ngak yu Egypt, me pi’ e tamilang ngak yu Israel. Ma de yag ni nge chugur fa gal raba’ i girdi’ nga ta’bang e re nep’ i n’em.

Joshua 2:10

Kug rung’aged rogon ni mliknag SOMOL e ran ko Red Sea nge yag ni mu chuwgad u Egypt. Ma ku gu rung’aged rogon ni ka mu thanged owchen Sihon nge Og, ni fa gal pilung nu Amor ko ley ni ngek fare lul’ ni Jordan.

Joshua 3:17

Ma nap’an ni yad be th’ab fare lul’ ni ngranod u daken e but’ ndakuriy e ran riy, ma fapi prist ni yad be mat’nag fare Kahol ko M’ag rok SOMOL e ra dugilgad u daken e but’ nike mlik’ u lukngun fare lul’ ni Jordan nge yan i mada’ ko ngiyal’ nike yib urngin e girdi’ nu Israel ra th’abed fare lul’ nga baraba’.

2 Kings 2:8

Me fek Elijah wuru’ e mad rok nge bachiy me toy nga daken e ran; me ki’ e ran u lan e lul’, mi yow yan nga baraba’ e lul’ u daken e but’ nib mlik’.

Isaiah 23:11

I SOMOL e ke ki’yag pa’ nga daken e day ke pulpuluy e pi gagiyeg. Ke duwgiliy ni gin bay kenggin e siyobay riy u Foenicia e nge mogoth.

Isaiah 43:16

Kakrom e ngongliy SOMOL ba kanawo’ ni yan u maday, bpa’ i kanawo’ ni yan u fithik’ e day ni be gireng nib gel.

Isaiah 50:2

“Mang ni de sap e girdi’ rog ngog nnap’an ni gu wan ni nggu aywegrad? Mang ni gu piningrad ma dar fulweged lungug? Gur kayiggu waer ni nggu ayuwegrad? Ta’abbug e thin e gu ra yog me mlik’ e regur me pig e yupa’ i lul’ nge bod daken e ted nib fengfeng; nig ni bay riy e ra yim’ ya dakriy e ran riy.

Isaiah 63:13

Mini e gafaliyrad u t’ay e regur? Ni bod e os u lan e ted ni desert, ni dar tun ayrad.

Habakkuk 3:8

SOMOL mog, pi lul’ e kar k’aringed e puwan’ ngom? Mog, day e ke k’aring e damumuw ngom? Kam af nga daken e manileng ka mub; manileng ni yoko’ e chariot rom, ni fa’an mu gagiyegnag e tirom e girdi’ ngar gelgad.

BABYOR NI JOB 38:24

Ka’a mu’un ko gin ma yib e yal’ riy ngalang, ara gin ma thow e nifeng riy u lan e ngek?

Psalms 148:8

nge uluch nge ayis nike el, nge ayis nib munguy nma mul u lang nga but’, nge pi manileng, nge nifeng nib gel ni be fol ko thin rok!

Isaiah 44:27

Bbugithin e gog me mlik’ e rigur.