Exodus 14:2 - Bible Ni Thothup

² “Mog ngak piyu Israel ngar sulod nga tomur ngranod ra n’ufed e tent rorad nga puluwon yu Pi Hahiroth, ni bay u thilin yu Migdol nge Red Sea, ni ba chugur nga Baal Zefon.

Exodus 14:2 Referans Kwoze

Jeremiah 44:1

I SOMOL e non ngog nib l’ag rogon ngak urngin piyu Israel ni yad ma par u lan yu Egypt, ko fapi binaw u lan yu Migdol, Tahpanhes, ngu Memfis, ngu lay ni lel’och e binaw.

Jeremiah 46:14

“Mu weliy u lan e yochi binaw nu Egypt, ngu lan yu Migdol, ngu Memfis, ngu Tahpanhes: ‘Mu fal’eged rogomed ngam ayuwegned gimed; ya gubin e tiromed ban’en ni bay ni gathay u fithik’ e mael!

Exodus 14:9

Me yan piyu Egypt nike un e os rorad nge pi chariot rok Farao nge pi’in yad be yannag, nge salthaw rok ngar lol’oged piyu Israel miyad kolrad ko gin ni ba’aram ni karanod ra n’ufed e tent rorad ngay u to’oben e day nib chugur nga Pi Hahiroth ni bay nga puluwon yu Baal-zefon.

Ezekiel 29:10

ma aram e nggu mang to’ogor rom nge to’ogor ko lul’ rom ni Nile. Bay gu tay ga’ngin yu Egypt nge par ndakuriy ban’en u daken, ni tabab ko binaw nu Migdol u lan e lel’och nge mada’ ko binaw nu Aswan u lan e yimuch, nge yan i taw ko mathil u Sudan.

Exodus 14:1

I ga’ar SOMOL ngak Moses,

Exodus 14:3

Ya nge leamnag Farao ni fapi girdi’ nu Israel e yugu yad be yanyan u daken e ted ni desert ni kar olobochgad.

Joshua 24:6

mu gu fek pi chitamangimed nga wuru’ yu Egypt, miyad yib ko fa gi day ni Red Sea fithingan. Me lol’oegrad piyu Egypt ni karbad u chariot nge pi’in yad be yannag ngar mada’gad ko gi day nem.