Exodus 14:14 - Bible Ni Thothup

¹⁴ I SOMOL e bayi cham ni pa’med; dariy bochi ban’en ni ngam rin’ed.”

Exodus 14:14 Referans Kwoze

Deuteronomy 3:22

Dab mu rusgad ngorad, ya SOMOL ni Got romed e bayi cham ni pa’med.’

Deuteronomy 20:4

Ya SOMOL ni Got romed e be un ngomed, mra pi’ e to’ogor romed nga pa’med.’

2 Kronicles 20:17

Gathi gimed e ngam chamgad u fithik’ e re mael ney, kemus ni ngam fal’eged rogomed nga tagil’med mi gimed son; bay mu guyed ni SOMOL e nge gel nagmed. Girdi’ nu Judah ngu Jerusalem dab mtuntungad fa mu rusgad. Mmarod ko mael, ma bayi un SOMOL ngomed!”

Joshua 23:3

Kam guyed urngin e tin ke rin’ SOMOL ni Got romed ngak gubin e pi nam ney ni bochmed. I SOMOL ni Got romed e ki i cham ni fan ngomed.

Deuteronomy 1:30

I SOMOL ni Got romed e bayi pow’iymed, ma bayi cham ni pa’med, nri bod rogon nim guyed ni rin’ u Egypt

Joshua 23:10

Demturug bigimed ma rayag rok ni nge tuluf bbiyu’ i pumo’on ngar milgad, ni bochan SOMOL ni Got romed e be cham ni fan ngomed, nri bod rogon nike micheg.

Isaiah 30:15

I SOMOL ni Th’abi Tolang, ni Ir Facha’ nu Israel nib Thothup e be ga’ar ko girdi’, “Mu sulod ngam pagan’med ngog. Ma aram e gimed ra par ni gimed ba gel ma dabki buch ban’en romed.” Machane mu siyeged ni ngam rin’ed!

2 Kronicles 20:29

Gubin e pi nam ni ra rung’aged rogon nike gel SOMOL ngak fapi to’ogor rok yu Israel e go’ rrusgad,

Psalms 50:3

Got rodad e be yib, machane gathi be yib ndariy lingan; ya bay ba nifiy ni be daramram nib m’on rok, ma bay bangi yoko’ ni ba liyeg.

Exodus 15:3

I SOMOL e be’ ni girdi’en e mael; I SOMOL fithingan.

Exodus 14:25

I taleg e tayapyap ko chariot rorad ngi i mo’maw rogon e yan rorad, me ga’ar piyu Egypt, “Ngad milgad rok piyu Israel, ya be cham SOMOL ngodad ni pa’rad.”

Nehemiah 4:20

Fa’an gimed ra rung’ag e yabul nike thow ni aram e keb e mael, ma ngam muulunggad ngog. Ya Got rodad e ir e bayi mael ni pa’dad.”

Psalms 83:1

A Got, dab mu par ni kam th’ab gulngam; yug dab mu par u lom, ni dabmog ban’en!

Joshua 10:42

Gubin e pilung ntaferad e yu ngin’ey ni go’ gel Joshua ngorad me fekrad nge binaw rorad ni bochan e SOMOL ni Got rok yu Israel e be cham ni pa’ yu Israel.

Joshua 10:14

Dawori yodorom reb e rran nga m’on riy, ara nga tomuren ni bod e re rran nem ni fol SOMOL rok be’ nib mo’on nge un ko mael ni bay u ba’ rok piyu Israel.

Joshua 10:10

Me gagiyegnag SOMOL e pi Amorite ngar rusgad ngak e salthaw nu Israel ni kar guyed nike yib. Me li’rad piyu Israel u Gibeon, miyad lol’oeg e tin ke magey i yib nga p’ening ko wo’ ni yib u daken e burey nga p’ening u Beth-horon ngar chamgad ngar mada’gad nga Azekah nge nga Makkedah ni bay ko yimuch.

Judges 5:20

Pi t’uf u lang e ru’uned ko cham; yad be yan u lanelang ma yad be cham ngak Sisera.

Exodus 14:15

Me ga’ar SOMOL ngak Moses, “Mang ni ga be wenig ngog ni ba ga’ lamam? Mog ngak piyu Israel ngranod nga m’on.

1 Samuel 4:7

me yib e marus ngorad me lungurad, “I got e ke yib ngalan e gin yad be par riy! Ke mudugil ni ngad waergad! Ya dawori yib ban’en ngodad bayay ni aray rogon!

2 Kronicles 20:15

Me ga’ar Jahaziel, “Gur e en Pilung nge gimed gubin e girdi’ nu Judah ngu Jerusalem, be ga’ar SOMOL e thingar dabi mulan’med ara mu rusgad ni ngam chamgad ngak fare raba’ i salthaw nib ga’. Re mael ney e ba milfan ngak Got, gathi gimed.

Nehemiah 4:14

Mu gguy ni kerus e girdi’, me lungug ngorad nge ngak e pi’in ni yad be yog e thin rorad nge pi tolang, “Dab mu rusgad ngak e pi to’ogor rodad. Mu leam niged feni gel gelngin SOMOL nge rogon ni yima rus ngak, ngam chamgad ni fan ngak e girdi’ romed, nge pifakmed, nge pi leengimed, nge tabnaw romed.”

Nehemiah 9:11

Mu ngongliy ba kanawo’ u fithik’ e day ni fan ngak e girdi’ rom ma ga pow’iy e girdi’ rom ngranod riy nike mlik’ e but’ riy nga barba’. Pi’in i tuluf rad e ra lumoch gad kore daynem, ni bod rogon ba malang ni ligil nga ar u lan e rigur ni be cham e day riy.

Psalms 35:1

SOMOL, mu togopluw ngak e pi’in yad be togopluw ngog, ma ga cham ngak e pi’in yad be cham ngog!

Lamentations 3:26

Ere rib fel’ ngodad ni ngu’ud son gad u fithik’ e gumaen’, ni ngad son niged ni nge mat’aw nagdad ngak.