Exodus 14:12 - Bible Ni Thothup

¹² Da gogned faram ngom u m’on ndawor da chuwgad nra yan i yodoroy? Gogned ngom ni ngam pagmad nggu pired ni gamad e sib rok piyu Egypt. Ya kabfel’ ni nggu pired ni gamad e sib ko bin nggu m’ad u roy u lan e ted ni desert.”

Exodus 14:12 Referans Kwoze

Jonah 4:3

SOMOL, mu thang e pogofan rog, ya kabfel’ ni gu ra yim’ ko bin ni nggu par ni gub fos.”

Exodus 6:9

Me yan i weliy Moses e pi thin ney ngak piyu Israel, machane dar motoyilgad ngak, ya ke mulan’rad ko maruwel ni sib ni yad be tay.

Jonah 4:8

Ma fa’ani tolang e yal’ i yan, me l’oeg Got e nifeng nib gowel nge yib ko ngek, me chugur ni nge aw Jonah nga but’ ni bochan gowelngin e yal’ ni be aw ngak. Me finey ni manga yim’. Me ga’ar, “Kabfel’ ni gu ra yim’ ko bin ni nggu par ni gub fos.”

Exodus 5:21

me lungurad ngorow, “I SOMOL e be guy e tin kam rin’ew, ma bayi gechig nagmew ni bochan e gimew e kam k’arngew i Farao nge pi tolang ni bay u tan pa’ kar fananikayed gamad. Gimew e ka mu k’arngew ni nge yib tapgin ni ngan thang e fan romad.”

Exodus 3:9

Kug rung’ag laman e girdi’ rog ni yad be man ayuw ngog, ma kug guy gelngin e gafgow ni be tay piyu Egypt ngorad.

Mark 5:7

me tolul ni ba ga’ laman ni be ga’ar, “Jesus, ni Fak Got ni Th’abi Tolang! Mang e ga be finey ni ngam rin’ ngog? Gu be wenig ngom u mit Got ndab mu gechig nigeg!”

Mark 1:24

“I gur Jesus nu Nazareth, mang e ngam rin’ ngomad? Kamub ngaray ni ngam thang owchemad? Gu manang ko gur mini’ — i gur e mol’og rok Got ni gab thothup!”

Hosea 4:17

Girdi’ nu Israel e yad be par u tan gelngin e liyos. Ngan pagrad ngranod ko birorad e kanawo’

Exodus 13:17

Fa’ani pag Farao e girdi’ ngranod, ma de fekrad Got ngranod ko fare pa’ i kanawo’ ni yan u dap’el’ay nga talang nga Filistia, ni yugu aram rogon ni aram e gin nth’abi chugur. I leamnag Got ni ga’ar, “Dabug e pi girdi’ ney ni nge pig lanin’rad ngar sulod nga Egypt u nap’an ni yad ra guy ni dabisiy ni ngar uned ko mael.”

Psalms 106:7

Pi chitamangimad ni kakrom u Egypt e der nanged fan e pi maang’ang ni i rin’ Got; ra paged talin feni yo’or yay ni i dag Got e t’ufeg rok ngorad, miyad cheal ngar togopluwgad ngak e en ni Gubin ma Rayag Rok u rom ko fare gi day ni Red Sea.