Exodus 14:10 - Bible Ni Thothup

¹⁰ Nap’an ni chugur Farao, me guy yu Israel piyu Egypt ni karbad i yib ngorad; me rus piyu Israel, miyad wenignag e ayuw ngak SOMOL ni ba ga’ lamrad.

Exodus 14:10 Referans Kwoze

Psalms 107:6

Nap’an nra gafgowgad ni aram rogon miyad wenig ngak SOMOL, me ayuwegrad ko gafgow nike aw ngorad.

Psalms 34:17

Ra non e pi’in nib mat’aw ngak SOMOL me motoyil; me lagrad u fithik’ urngin e oloboch rorad.

Nehemiah 9:9

“Gur e um guy rogon e gafgow ni i tay pi chitamangimad ni kakrom u Egypt; mu rung’ag e man ayuw nra ninged ngom ko fa gi Day ni Red Sea fithingan.

Joshua 24:7

Fa’anra meybilgad ngog nri aram rogon u lan ngorongorrad, mu gu gagiyegnag nge nep’ u thilrad nge piyu Egypt. Mu gu gagiyegnag e day nge yib i tharey piyu Egypt. Ka mu guyed e n’en ni gu rin’ ngak piyu Egypt. “‘Gimed e mu pired u daken e ted ni ba n’uw nap’an.

Psalms 106:44

Yug aram rogon machane ma motoyil SOMOL ngorad nnap’an ni yad ra yor ngak, me changar ko gafgow nike yib ngorad.

Psalms 53:5

Machane aram e bayib e marus ngorad nib gel, ndawor rrusgad bayay ni aram gelngin, ya bayi wereg Got yilen e pi to’ogor ko girdi’ rok. I Got e ke n’agrad, ma aram e yu Israel e ri bay ra gelgad ngorad.

2 Kronicles 18:31

Ere nap’an nra guyed Jehoshafat ni Pilung, ma yad gubin nra leam niged ni ir fare pilung nu Israel, miyad cheal ni ngar chamgad ngak. Machane me tolul Jehoshafat, me ayuweg SOMOL ni Got nge gilafeg e cham rok nga orel.

1 John 4:18

Ra ba t’uf Got nge girdi’ rok be’ ma der rus fa’anem; ya rogon ni nge t’uf Got nge girdi’ rok be’ e ra yan i aw ngarogon ma ra chuweg urngin e marus rok fa’anem. Ere fa’anra be rus be’, ma rogon ni nge t’uf Got rok nge girdi’ e dawori yan i aw ngarogon, ya marus e bay rogon ko gechig.

Jeremiah 22:23

Mu toffan nib pagan’um u fithik’ fapi ren ni cedar ni kan feku Lebanon; machane bu uw gelngin e gafgow ni ga ra tay u nap’an nra gadem e amith, ni amith ni bod be’ ni bpin ni nge gargel.

Isaiah 26:16

SOMOL, ka mu gechignag e girdi’ rom, mu fithik’ e gafgow e yad be meybil riy ngom.

Isaiah 7:2

Me taw e thin ngak fare pilung nu Judah ni salthaw nu Syria e ka ra mufgad ngalan yu Israel, me yib e marus ngak nge gubin e girdi’ rok ngu’ur t’on gad ni bod e gek’iy ni mithmitheg e nifeng.

Psalms 107:28

Nap’an nra gafgowgad ni aram rogon miyad wenig ngak SOMOL, me ayuwegrad ko gafgow nike aw ngorad.

Psalms 107:19

Nap’an nra gafgowgad ni aram rogon miyad wenig ngak SOMOL, me ayuwegrad ko gafgow nike aw ngorad.

Psalms 107:13

Nap’an nra gafgowgad ni aram rogon miyad wenig ngak SOMOL, me ayuwegrad ko gafgow nike aw ngorad.

Exodus 15:25

Me meybil Moses ngak SOMOL ni be non ngak nri aram rogon u ngorongoren, me fal SOMOL owchen Moses nga ba ley i gek’iy; me fek Moses fare ley i gek’iy nge yin’ nga fithik’ e ran, me thil fare ran nge fel’ lamen. Me pi’ SOMOL e motochiyel ngorad ni ngar folgad riy, mu rom e ki sikeng nagrad riy.

Deuteronomy 9:7

“Dab mpaged talin rogon ni mu k’aringed e damumuw ngak SOMOL ni Got romed u lan e ted ni desert. Ka fa rofen ni mu chuwgad u Egypt nge yib i mada’ ko rofen ni mu tawgad ngaray, ni go’ togopluw e um ted ngak.

Psalms 81:7

Nap’an ni yib e oloboch ngomed, mi gimed piningeg, mu gu chuwegmed u fithik’. Gu fulweg lungumed u tagl’ig ni bay u fithik’ e yoko’ nib mith. Gu sikeng nagmed ko fare alublub nu Meribah.

Exodus 13:17

Fa’ani pag Farao e girdi’ ngranod, ma de fekrad Got ngranod ko fare pa’ i kanawo’ ni yan u dap’el’ay nga talang nga Filistia, ni yugu aram rogon ni aram e gin nth’abi chugur. I leamnag Got ni ga’ar, “Dabug e pi girdi’ ney ni nge pig lanin’rad ngar sulod nga Egypt u nap’an ni yad ra guy ni dabisiy ni ngar uned ko mael.”

Joshua 24:6

mu gu fek pi chitamangimed nga wuru’ yu Egypt, miyad yib ko fa gi day ni Red Sea fithingan. Me lol’oegrad piyu Egypt ni karbad u chariot nge pi’in yad be yannag ngar mada’gad ko gi day nem.