Exodus 13:8 - Bible Ni Thothup

⁸ Nap’an nra tabab e re madnom ney mi gimed weliy ngak pifakmed ni pumo’on fan ni gimed be rin’ e pin’ey ni bochan e tin i rin’ SOMOL ni fan ngomed nnap’an nim chuwgad u Egypt.

Exodus 13:8 Referans Kwoze

Exodus 13:14

Mra yani daken bi’id ni fith pifakmed ni pumo’on ko mangfan ni gimed be tayfan e rofen ney, mi gimed fulweg ni nge lungmed, ‘Bochan gelngin SOMOL nrib gel e fekmad riy nga wuru’ yu Egypt ni fare nam ni ug sibgad riy.

Psalms 44:1

A Got, ku gu rung’aged nga telmad, pi chitamangimad kakrom e kar weliyed ngomad murung’agen, feni sorom ko pin’en ni um rin’ u nap’rad, ko fapi rran ni kakrom:

Isaiah 38:19

Pi’in nib fos e yad ma pining e sorok ngom, ni bod ni gu be pininge e sorok ngom e chiney. Pi matam e yad ma yog ngak pifakrad fanam yul’yul’.

Exodus 10:2

ma fan e nge yag ni mu weliyed ngak pifakmed nge fak pifakmed nga rogon ni gu balyangnag piyu Egypt ko ngiyal’ ni gu ngongliy fapi maang’ang u fithik’rad. Ma gimed gubin ni bay mu nanged ni gag SOMOL.”

Efesus 6:4

Gallibthir, dab um puwan’gad ngak pifakmed nge pag rogon ngam k’aringed e damumuw ngorad. Machane ngam chuguluyed yad mi gimed llowan’ nagrad nrogon, mi gimed fonow nagrad nrogon girdi’en Kristus.

Deuteronomy 6:20

“Tin bayi yib e duw e ra fithmed pifakmed ni lungurad, ‘Mangfan ni yog SOMOL ni Got rodad ngomed ni ngu’um folgad ko urngin e pi motochiyel ney?’