Exodus 13:6 - Bible Ni Thothup

⁶ Medlip e rran ni thingar mu koyed e flowa ni ndariy e is riy, ma rofen ni gaman e medlip fen ngay migmed tay ba madnom ni fan e ngam liyorgad ngak SOMOL.

Exodus 13:6 Referans Kwoze

Levitikus 23:8

Medlip e rran ni ngam pi’ed ngak SOMOL e ggan ni maligach. Rofen ni medlip e ngam mu’ulunggad bayay ngam tedfan SOMOL, ma pi maruwel ni gimed ma rin’ ko yu rran e dab mu rin’ed.

Exodus 34:18

“Thingar um ayuweg fare Madnom ko Flowa Ndariy e Is Riy. Ni bod rogon ni kugog ngom, thingar mu koy e flowa ni dariy e is riy ni medlip e rran ko pul ni Abib, ya lan e re pul i n’em e mu chuw u lan yu Egypt.

Deuteronomy 16:8

Ma nel’ ni migid e rran e ngu’um ked e flowa ndariy e is riy, ma rofen ni medlip ngay e ngam mu’ulunggad ngam liyorgad ngak SOMOL ni Got romed, ma dariy ba maruwel ni gimed ra ngongliy e rofen nem.

2 Kronicles 30:21

Medlip e rran ni madnomnag fapi girdi’ ni kar mu’ulunggad nga Jerusalem fare Madnom ko Flowa ni dariy e is riy nri yad ba felfelan’, ma yu rran ni i pining e pi Levite nge pi prist e sorok ngak SOMOL u polo’ i gelngirad.

Joshua 5:11

Ma reb e rran riy, ma aram e som’on nra ked e ggan nni yung u Kanaan ni grain ni kan urfiy nge flowa nni lith dariy is riy.