Exodus 13:21 - Bible Ni Thothup

²¹ Ra rran me yan SOMOL ni be m’on rorad ni bangi manileng nib k’iy ngalang ni aram e be pow’iyrad ko gin ngranod ngay, me nep’ ma be m’on rorad nib nifiy nib k’iy ngalang ni fan e nge tamilang owcherad, nge yag ni ur milekaggad ni rran nge nep’.

Exodus 13:21 Referans Kwoze

Nehemiah 9:12

Ma bayi rran ma bangi manileng e ga be pow’iyrad ngay, ma bayi nep’ ma ggal’ e gin ni ngranod riy nga ramaen ba nifiy ni be mat.

Psalms 99:7

I non ngorad u fithik’ fare gi manileng nib k’iy ngalang; miyad fol ko pi motochiyel rok nge tin ni ta’chiylen ngorad.

Deuteronomy 1:33

ni aram rogon ni gubin ngiyal’ nma m’on romed ni be gay bang ni ngam n’ufed e pi tent romed riy. I m’on romed nib nifiy nib k’iy ngalang ni nep’ ma bang i manileng nib k’iy ngalang ni rran ni bochan e ngi i dag e kanawo’ ngomed.

Psalms 105:39

Me tay Got bangi manileng u puluwon e tirok e girdi’ ngalang, nge ba nifiy ni nge tamilangnag owcherad nnep’.

Psalms 78:14

Me rran me pow’iyrad nga bang i manileng mra nep’ ma ram’en ba nifiy.

Nehemiah 9:19

Machane da mu n’agrad u rom u daken e ted nder tugul ban’en riy, ni bochan e runguy rom nib ga’. Da mchuweg fa gi manileng nge fare nifiy ni i pow’iyrad ni rran nge nep’.

Numbers 14:14

ma yad ra weliy ngak e girdi’ ni be par ko re nam ney. Ya girdi’ ko re nam ney e kar rung’aged ni gur SOMOL e ga bay romad, ni ga ma m’ug ngomad ko ngiyal’ nra yib i tal fa gi manileng rom u puluwmad ngalang, ma ga m’on romad ni ga bay u fithik’ bang i manileng nib k’iy ngalang ni rran, ma nep’ e ba nifiy nib k’iy ngalang.

Numbers 10:34

Yad ra pug e Tent rorad ni rran ni aram e ngar milekaggad, ma bay fa gi manileng rok SOMOL u puluwrad ngalang.

Exodus 16:10

Ma nap’an ni be non Aron ngak e girdi’ nu Israel ni gubin, miyad changar nga daken e ted ni desert miyad guy ram’en e muluplup’ rok SOMOL nike m’ug u fithik’ bangi manileng.

Deuteronomy 31:8

I SOMOL e bay i pow’iyem i yan ma be un ngom. Dabi pagem ngam waer ara n’agem. Ere dabi mulan’um ara mu rus.”

Psalms 68:7

A Got, nap’an ni mu pow’iy e girdi’ rom, ngam marod ngam th’abed e ted ni desert,

Psalms 77:20

Ga be gafaliy e girdi’ rom ni bod ba tagafaliy e saf, ni Moses nge Aron e ga’ rorad.

Tang Ko Pitang 3:6

Be mang e biney ni be yib u daken e ted ni desert ni bod ba rumog ni ath, nib boni incense nge myrrh ni bfel’ bon, ni fare incense nni chuw’iy ko pi tachuway’?

Exodus 10:10

Me ga’ar Farao ngorow, “I SOMOL e nge ayuwegmed! Ya dab gu pagmed ngam feked e ppin romed nge pifakmed ngam marod! Ya ke gagiyel ni gimed be makathnag ban’en ni nge togopluw ngomad.

Exodus 32:1

Fa’ani guy e girdi’ nike par Moses u daken fare burey nike n’uw nap’an ma dawori yib nga but’, miyad mu’ulung nga to’oben Aron me lungurad ngak, “Da’an da nanged e n’en nike buch rok Moses, ni ir e gafaliydad nga wuru’ yu Egypt; ere mu ngongliy reb e got ngomad nge mang ir e gafaliymad.”