Exodus 13:15 - Bible Ni Thothup

¹⁵ Ya nap’an ni gelnag e pilung nu Egypt laniyan’ me yog ndabi pagmad nggu warod, me thang SOMOL e pogofan rok e tin ba nganni’ e bitir ni pumo’on u lan fare nam nu Egypt, ni ta’reb rogon e girdi’ nge gamanman. Aram fan ni gadad ma pi’ ni maligach ngak SOMOL urngin e tin ba nganni’ e pumo’on u fak e gamanman rodad, ma gadad ma chuw’iy bayay rok e tin ba nganni’ e pumo’on u pifakdad.

Exodus 13:15 Referans Kwoze

Exodus 12:29

Me lukngun e nep’ me thang SOMOL e pogofan rok urngin e tin nganni’ i fakey ni pumo’on u Egypt, ni mus rok e bin nganni’ e pagel ni fak Farao ni ir e ra yan nga luwan Farao nge mada’ ko bin nganni’ e pagel ni fak ba kalbus ni bay u kalbus; ma ku er rogon ni urngin e tin som’on u pifak e gamanman nli’rad.

Exodus 34:20

machane thingar mu chuw’iy e bin nganni’ i pifak e dongki rom ni ba saf e nge yan nga luwan ngan pi’ ni maligach, ma fa’anra dab mu chuw’iy nge sul ngom, ma thingar mu t’ar k’angan. Thingar mu chuw’iy nge sul ngom urngin e tin nganni’ e bitir ni pumo’on ni fakam. “Dariy be’ ni nge yib nga p’eowcheg ndabi pi’ ban’en.

Numbers 3:46

Ma bochan ni bo’or e pumo’on ni nganni’ ni pifak yu Israel ngak e pi Levite, ni 273 ni yad ba yo’or ngorad, ere thingar mu chuw’iy ngam fulweg e re 273 i pifak yu Israel nem ni pumo’on.

Numbers 18:15

“Gubin e tin nganni’ e bitir ara gamanman ni kan pi’rad ngog e nge milfan ngom. Machane thingar mu fek puluwon ni ngan chuw’iy ngan sulweg e tin nganni’ u fakay, ma ngkum fek puluwon gubin e tin nganni’ u fak e gamanman nib alit.

Psalms 105:36

Me li’ urngin e tin nganni’ e bitir ni pumo’on ko tabinaw nu Egypt ni gubin.

Exodus 3:19

Ri gu manang ni pilung nu Egypt e dabi pagmed ngam marod, ni fa’anra dab ni gel nigey ngak.

Exodus 4:23

Kugog ngom ni ngam pag fakag nge yan, ni fan e nge yag ni meybil ngog, machane kam siyeg. Ere bay gu thang e pogofan rok e bin nganni’ i fakam.’