Exodus 13:13 - Bible Ni Thothup

¹³ machane thingar mu chuw’iyed rok bayay gubin e tin ba nganni’ u pifak e dongki ni pumo’on ni aram e fak e saf e ngan pi’ nge yan nga luwan. Ma fa’anra dabumed ni ngam chuw’iy bayay fare dongki, mi gimed t’ar k’angan. Ma thingar mu chuw’iyed rok bayay gubin e tin ba nganni’ u fakmed ni pumo’on.

Exodus 13:13 Referans Kwoze

Exodus 34:20

machane thingar mu chuw’iy e bin nganni’ i pifak e dongki rom ni ba saf e nge yan nga luwan ngan pi’ ni maligach, ma fa’anra dab mu chuw’iy nge sul ngom, ma thingar mu t’ar k’angan. Thingar mu chuw’iy nge sul ngom urngin e tin nganni’ e bitir ni pumo’on ni fakam. “Dariy be’ ni nge yib nga p’eowcheg ndabi pi’ ban’en.

Revelation 14:4

Yad fapi pumo’on nra ted yad ni yad bmachalbog ndar pired e ppin ma dar uned ko mabgol. Demturug e gin ni be yan fare Fak e Saf ngay ma yad be un ngak; ya kan biyuliyrad u fithik’ e tin ni kabay e girdi’ nu fayleng ma yad e tin som’on e girdi’ nni pi’rad ngak Got nge ngak fare Fak e Saf.

Exodus 12:21

Me ulunguy Moses urngin e girdi’ nu Israel ni yad ma yog e thin rorad, me ga’ar ngorad, “Ngam marod nge bigimed me mel’eg ba fak e saf ara ba fak e kaming nge li’, ya nge madnomnag girdi’en e tabnaw rom e Paluk’af.

Exodus 12:3

Mognew ngak urngin e girdi’ nu Israel ni rofen ni ragag ko re pul ney e ra reb e pumo’on ma thangri mel’eg ba pifak e saf ara ba pifak e kaming ni fan ko birok e tabinaw.

Exodus 13:2

“Ngan pi’ ngog urngin e tin ba nganni’ u fakay ni pumo’on, gubin e pagel ni nganni’ u fak yu Israel, nge gubin e tin pumo’on nib nganni’ u pifak e gamanman e go’ bmil suwrad ngog.”